تعبت من الظلم والبكاء كل ليل على المخده

بنات هذي بنت عمتي اللي عندها نصيحه أو حل تفرج همها الله يفرج همكم وهذي قصتها هي كتبتها وطلبت مني احطها هنا
سنين وانا صابره على زوجي عشان اولادي أخاف لو اتطلق يحرمني منهم...... واهلي ناس مايخافون الله زوجوني وماعاد يبوني حتى ازورهم ويتضايقون من جيتي مع أنها يادوب مره كل ثلاث أسابيع أمرض اتعب أولد مايدرون عني ولايفكرون يهتمون فيني لو حتى أسبوع بس
مو بس انا كل اخواتي ياما احرجونا قدام ازواجنا .......وزوجي صاير يعايرني بأهلي وأنهم مايدرون عني ولايحبوني
صار لي مشاكل كثير وضرب واهانات واهلي يدرون ولامره وقفو معاي ياما شكيت بس لاحياة لمن تنادي حتى فالعيد مايجون يعيدون مع أنهم عايشين معاي بنفس المنطقه
وأهل زوجي مب احسن من اهلي يهتمون فيني وغصب عني حتى اقولهم مابي شي منكم بس مصرين يهتمون فيني اذا ولدت أو تعبت أو احتجت وبس أخلص يبدأون يذلوني ويعايروني ويطلبون مني ارجع معروفهم ومايبون زوجي يهتم فيني لو ذرة اهتمام واذا شكيت لهم أو طالبت بحقوقي قالو أحمدي ربك مااهتم فيك إلا احنا اهلك مو سائلين عنك !!!!!!
وزوجي اردى واسوء طول وقته مسافر كل أسبوعين ثلاث يتفق مع أصحابه ويروح وأحيانا يروح أسبوعين ثلاث سفرياته كثرت تعبت مليت من الوحده اولادي نفسيتهم تعبانه من إهماله وغيابه حتى لو مر شهر ماسافر قالت أمه خذ اخواتك وسافر مشهم والا تأخذه وتسافر كم يوم أولادها وزوجاتهم عايشين ومرتاحين ولااحد يشغلهم عن زوجاتهم وانا وأولادي كالعاده فالبيت انا ارمله وزوجي عايش واولادي أيتام وابوهم عايش .....
واذا تكلمت وشكيت لاهلي قالو خليه إجلسي في بيتك وحافظي عليه .......
واذا شكيت لزوجي وبكيت قال هذي حياتي مو عاجبتك تصرفي وليش انتي مو مثل البنات تروحين تنامين عند اهلك اذا طفشتي؟؟ مايدري أن أهلي مايبون بناتهم 😟
أكره زوجي أكره اهلي أكره اهله بس وين اروح