تعبت من العنوسة/ استوفى الرد

استغفر الله ياختي وش هالكلام الله يهديك بس
عمر الزواج ماكان سبب لسعادة البنت او تعاستها خلك قوية ولاعليك من كلام خلق الله اللي تتكلم رديلها الكلمة بعشر وقوليلها عاجبني وضعي ومرتاحة وش عليكم مني !!حاولي تطوري من حالك ادخلي تحفيظ اشغلي نفسك مايصير تجلسي الوحدة ماهي زينة الافكار الشينة م تجي الا من الوحدة غيري روتين يومك ادخلي اليوتيوب واسمعي للمحاظرات المفيدة اطلعي تونسي خلي علاقتك بالناس قوية وهالله هالله بالاستغفار وصلاة الليل غيري افكارك تتغير حياتك ونصيبك حيجيك بوقتع تفائلي بس حبيبتي... والف سلامة ع قلبك

يا الله لا معنى لها وليه حبيبتي لا يصير عشان كلام الناس ؟؟؟ يا اختي الناس ما يخلون شي ما يتكلمون فيه وحطي ببالك انه حتى ولو كتب لك الله انه تتزوجين ممكن جدا جدا انهم يظلون يتكلمون فيك يعني مثلا لو ما حملتي يبي يقولون ياالله ايش فيها ما حملت واذا حملتي بدري مثلا يبي يقولون مسكينه حملت بدري واذا جبتي بنت يبي يقولون مسكينه ما جابت ولد والقائمه تطــــــــــــــــــــــــــــــــــول فلذلك يا أختي الحبيبه في الله :) طنشي كلامهم ولا تلتفتين له وما يمنع ها الشي انه تدعين الله انه يرزقك الزوج الصالح ولا تفكرين انه اوه حياتي الان ما لها معنى إلا اذا تزوجت طيب افرضي انه تزوجتي مثلا وصارت حياتك قبل الزواج افضل بمليون مره مثلا لا سمح الله والله لا يقوله ساعتها هل يبي يمديك ترجعين الساعه وتعيشين ايامك هذي الان مره ثانيه ؟؟؟ وانشغلي بشي لا تجلسين لا شغله ولا مشغله

الله ينولك مرادك

ولا تيأسي

با ختصار خذي مني هذا الشعار
( من صبر ظفر )
كيف ؟!
اكيد انك تدعين بأوقات الاستجابه فما بقولك ادعي لكن هل أنتي موقنه أن الله سبحانه راح يستجيب لك
بواحده من حالات ثلاث
1- إما ان ييسر امرك وينولك مرادك عاجلا .
2- او انه دفع عنك من بلاء قدر عليك بزواج ما تعلمين عواقبه إما مدمن او عاص او قاس او ظالم أو مديون فقير ........
3- أو ان يعوض صبرك أجور عظيمه في الآخره وإنما يوفى الصابرون أجرهم بغير حساب
فلا تجزعي وثقي ثقه تااااااااااااااااااااااااااااااااااااااااااااااااااااااااااامه أن الله استجاب لك بإحدى هذه الحالات المهم الرضا بما قدر ولا يهمك ابدا كلام الناس
دائما بادري بافكار وانشطه ومسابقات او زيارات او غيره حتى ما تتركين مجال لتعاطف الناس وكلامهم وخليهم ينبهرون من انجازاتك
والله يوفقك ويقدر لك الخير حيثما كان ويرضيك به