السلام عليكم
صدق انا قافله معاي نفسيتي تعبانه من أهلي💔
طفشت من عيشتنا اللي مو راضيه تتغير او تتحسن تعبت من حياة الفقر تعبت من شعور الحاجه💔
تعبت ان يكون في نفسي لبس او اكله او سلسال او عبايه ومو قادره اشتريها حرفيا خلاص وضعنا نفس ماهو من جيت لهدنيا ، احاول اسوي اي شي ابغا اشتغل حتى لو اسر منتجه ابوي يشتغل سائق له ٣٥ سنه عمره الان ب٦٠ ماعرف كم راتبه بس انه راتبه مايجي اخر الشهر الا ومايبقى ولاريال يدوب يكفي اجار وكهرب وانترنت بيتنا عباره عن غرفتين وحمام لا اثاث ولا شي يفشل يفشل اني اعزم صديقاتي فيه الاثاث متقطع البلاط حق البيت ملون الستاير قديمه ابوي له ٣٠ سنه يشتغل حتى سياره مو قادر يشتري والله حتى لو ضيف جانا ماعنده حق اللحم يطر يتسلف من اللي يعرفهم انا وامي وخواتي نحتاج ملابس وعبايات والله العظيم ملابسنا وعباياتنا هلكانه عندي اختي مخطوبه مهرها ١٠ الاف وطارت بالاجار والكهرباء الحين زواجها قريب نبي نقضي لها ماشترينا لها غير اشياء بسيطه ورخيصه لمن امي تقوله عطينا فلوس والله يعطيها ١٠٠﷼ يقول روحي قضيلها💔١٠٠ريال وش تسوي انا مالومه على مادية ابوي الحمدلله على كل حال بس اللي قاهرني اني انا ابي اشتغل انا وامي في اي شي عبر الانترنت يخاصمنا ويقول لو اشوف وحده تشتغل فيكم ماتلوم الا نفسها انا مادرست غير ثانوي والجامعه حرموني منها قالو ممنوع مانبيك تدرسين لا انا ولا خواتي مو لازم يعني ابوي راتبه قليل يدوب حق اكلنا وكمان الاساسيات وكذا اقوله نبي نشتغل لعل وعسى ربي يرزقنا ويتغير حالنا قال مابي بناتي يقعدون يتواصلون مع الشباب الله يسامحه جرحني بكلامه والله كانت مثل الغصه بقلبي انه يشك فيني واحنا حتى طلعات مانطلع 😱💔 اي شباب حنا وين وابوي تفكيره وين الله يهديه انا تعبت من شعور الحاجه اني يكون بنفسي لبس والا اكله ومو لاقيه صرت اللي ماجربت شعور الفقر والحاجه والجوع لا تلومني ولا تتكلم عني او تجرحني اللي ماجربت تروح عند ناس بملابس تفشل والبنات بأفخم وافصل ملابس واكسسوارت لا تلومني اللي ماجربت يكون بنفسها حلا او كيكه ومو قادره تجيب طلباتها ومقاديره لا تلومني حتى الطلعات مانطلع والله العظيم نقعد ٦ شهور بالييت نفسياتنا تعبت انا وخواتي لكن لأسف محد يهتم لنا ولا لنفسيتنا ولاحد يعبرنا لدرجه صرت افكر بس بالزواج خلاص همي اتزوج وافتك واعيش حياتي لان العيشه اللي قاعده اعيشها اشبه بالموت البطيء 💔😭😭صرت افكر اروح للحرام عشان اجيب فلوس لان الفلوس الحلال صعب تعبت والله خلاص انهد حيلي الله يسامح اهلي واللي مثل تفكير اهلي تكفون دعواتكم لي ان الله يصلح حالي

ميلا العتيبي🖤 @myla_alaatyby
عضوة نشيطة
يلزم عليك تسجيل الدخول أولًا لكتابة تعليق.

قلب ابيضض
•
انتي قلتيهاصرتي تفكرين بالحرام م اقول ان وضعي احسن لكن الواحد يقتنع ويرضى بما قسم الله له من رزق لاتسخطين من رزق الله لكم ويسخط الله عليك ويعاقبك انتي باابتلاء حاولي تملين قلبك بالقرآن واتركي عنك الكشخات والاكل والمظاهر وادعي الله وتصدقي ،،الله يرزقكم ويرزقنا من واسع فضله يارب ويمليناا قناعه ورضاا🖤

Elmyra
•
قولي الحمدلله ياميلا وفيه ناس أردى من كذا..
قولي الحمدلله على العافيه هي أكبر النعم. والحمدلله على وجود الأم والأب، غيرج يتيم وأنا أولهم
الرسول عليه الصلاة والسلام قال ف حديثه: "من أصبح منكم آمنا في سربه، معافى في جسده، عنده قوت يومه فكأنما حيزت له الدنيا بحذافيرها"
امانه ميلا الحديث ماينطبق عليج؟ قولي الحمدلله وترا الحمد يكثر الحمد ويديمها من الزوال
الحوقله تيسر كل ماتعسر والاستغفار يأتي بالرزق
ولاااا تحطين الزواج هدف للوصول للغايات ترا مو شرط يكون العريس نعمه.. لا توافقين على أول عريس بس عشان ترتاحين،، صلي واستخيري من قلبج قبل توافقين.
الله يطول في عمر والدينج ويديم عليهم وعليج الصحة والعافية❤
قولي الحمدلله على العافيه هي أكبر النعم. والحمدلله على وجود الأم والأب، غيرج يتيم وأنا أولهم
الرسول عليه الصلاة والسلام قال ف حديثه: "من أصبح منكم آمنا في سربه، معافى في جسده، عنده قوت يومه فكأنما حيزت له الدنيا بحذافيرها"
امانه ميلا الحديث ماينطبق عليج؟ قولي الحمدلله وترا الحمد يكثر الحمد ويديمها من الزوال
الحوقله تيسر كل ماتعسر والاستغفار يأتي بالرزق
ولاااا تحطين الزواج هدف للوصول للغايات ترا مو شرط يكون العريس نعمه.. لا توافقين على أول عريس بس عشان ترتاحين،، صلي واستخيري من قلبج قبل توافقين.
الله يطول في عمر والدينج ويديم عليهم وعليج الصحة والعافية❤

Elmyra
•
ادخلي تويتر حساب عبدالله الفوزان. فيه طريقه تكلم عنها عن الربح عبر الانترنت عن طريق التسويق. واظن هو مسوي دورة وتسوين تسويق له وتكسبين منها
econabdulla
econabdulla


Elmyra :
ادخلي تويتر حساب عبدالله الفوزان. فيه طريقه تكلم عنها عن الربح عبر الانترنت عن طريق التسويق. واظن هو مسوي دورة وتسوين تسويق له وتكسبين منها econabdullaادخلي تويتر حساب عبدالله الفوزان. فيه طريقه تكلم عنها عن الربح عبر الانترنت عن طريق التسويق. واظن...
اقولك ابوي مو مخليني اشتغل جتى عبر الانترنت ا💔😭
الصفحة الأخيرة