تعبت من العيشه ذي والشيطان يلعب براسي💔

السلام عليكم
صدق انا قافله معاي نفسيتي تعبانه من أهلي💔
طفشت من عيشتنا اللي مو راضيه تتغير او تتحسن تعبت من حياة الفقر تعبت من شعور الحاجه💔
تعبت ان يكون في نفسي لبس او اكله او سلسال او عبايه ومو قادره اشتريها حرفيا خلاص وضعنا نفس ماهو من جيت لهدنيا ، احاول اسوي اي شي ابغا اشتغل حتى لو اسر منتجه ابوي يشتغل سائق له ٣٥ سنه عمره الان ب٦٠ ماعرف كم راتبه بس انه راتبه مايجي اخر الشهر الا ومايبقى ولاريال يدوب يكفي اجار وكهرب وانترنت بيتنا عباره عن غرفتين وحمام لا اثاث ولا شي يفشل يفشل اني اعزم صديقاتي فيه الاثاث متقطع البلاط حق البيت ملون الستاير قديمه ابوي له ٣٠ سنه يشتغل حتى سياره مو قادر يشتري والله حتى لو ضيف جانا ماعنده حق اللحم يطر يتسلف من اللي يعرفهم انا وامي وخواتي نحتاج ملابس وعبايات والله العظيم ملابسنا وعباياتنا هلكانه عندي اختي مخطوبه مهرها ١٠ الاف وطارت بالاجار والكهرباء الحين زواجها قريب نبي نقضي لها ماشترينا لها غير اشياء بسيطه ورخيصه لمن امي تقوله عطينا فلوس والله يعطيها ١٠٠﷼ يقول روحي قضيلها💔١٠٠ريال وش تسوي انا مالومه على مادية ابوي الحمدلله على كل حال بس اللي قاهرني اني انا ابي اشتغل انا وامي في اي شي عبر الانترنت يخاصمنا ويقول لو اشوف وحده تشتغل فيكم ماتلوم الا نفسها انا مادرست غير ثانوي والجامعه حرموني منها قالو ممنوع مانبيك تدرسين لا انا ولا خواتي مو لازم يعني ابوي راتبه قليل يدوب حق اكلنا وكمان الاساسيات وكذا اقوله نبي نشتغل لعل وعسى ربي يرزقنا ويتغير حالنا قال مابي بناتي يقعدون يتواصلون مع الشباب الله يسامحه جرحني بكلامه والله كانت مثل الغصه بقلبي انه يشك فيني واحنا حتى طلعات مانطلع 😱💔 اي شباب حنا وين وابوي تفكيره وين الله يهديه انا تعبت من شعور الحاجه اني يكون بنفسي لبس والا اكله ومو لاقيه صرت اللي ماجربت شعور الفقر والحاجه والجوع لا تلومني ولا تتكلم عني او تجرحني اللي ماجربت تروح عند ناس بملابس تفشل والبنات بأفخم وافصل ملابس واكسسوارت لا تلومني اللي ماجربت يكون بنفسها حلا او كيكه ومو قادره تجيب طلباتها ومقاديره لا تلومني حتى الطلعات مانطلع والله العظيم نقعد ٦ شهور بالييت نفسياتنا تعبت انا وخواتي لكن لأسف محد يهتم لنا ولا لنفسيتنا ولاحد يعبرنا لدرجه صرت افكر بس بالزواج خلاص همي اتزوج وافتك واعيش حياتي لان العيشه اللي قاعده اعيشها اشبه بالموت البطيء 💔😭😭صرت افكر اروح للحرام عشان اجيب فلوس لان الفلوس الحلال صعب تعبت والله خلاص انهد حيلي الله يسامح اهلي واللي مثل تفكير اهلي تكفون دعواتكم لي ان الله يصلح حالي