تعبت من الفقر وبديت اكررره زوجي وما اطيقه

السلام عليكم

كيفكم يابنات

يمكن كلكم عارفين قصتي بس بختصرها انا متزوجه من عشر سنوات وعندي بنتين وساكنه بعيد عن اهلي واهله بحكم عمله وزوجي طيب ومحترم ومتدين لكنه عصبي ومعقد ومتشدد وطول يومه محاضرات علينا ليش كذا ونصايح علي اتفه شي بنتي الكبيره عمرها ثاني على طول هذره عليها 
وفوق كذا من تزوجته وهو مديوووون وحالته حاله ومايبقى من الراتب شي 

احس من تزوجته ماشفت يوم حلو صح احبه ويحبني لكن وصعنا الحالي خلانا بعاد عن بعض احس مالي خلقه ولا ابي اتقرب منه وهو بعد بعيد ولا تعجبني تصرفاته وعقده خلاص بديت اكره كل شي فيه حتى معاملته وقساوته مع عياله هذا اللي كرهني فيه اكثر احس احنا ولا شي بالنسبه له
كل حياته واتس وعمل وتلفزيون وكمبيوتر احنا مو محسوبين ولايعطينا وجه
لا جلسه مثل الناس ولاطلعه مثل الناس ولا عيشه مثل الناس
اموووت قهر لو سمعت فلانه راحت مع زوجها او شرا لها او تسوقت والله احبهم والله يهنيهم لكن عندي احساس فطيع بالنقص وكل هذا بسببه مع اني حلوه ومو ناقصني شي وعشت عند اهلي احلى عيشه الحمدالله وابوي لليوم مايقصر علي بشي ويعطيني مبلغ من فتره لفتره انا كنت ساكته ما اتكلم لكن الفتره الاخيرة بديت اشتكي لامي واقولها ياليت ما تزوجته 

والحين لما شفت قساوة الظروف بديت اطبخ بالبيت من شهر تقريباً لكن ماجتني طلبات كثيره يمكن 5 او 6 بس ابي احسن وضعي وضع بناتي ابي اشتري اللي خاطرهم فيه لكن ماضنتي برتاح دخلت كم مبلغ وانا كنت متسلفه مع اخوي الصغير ورجعتهم له لاني كنت احاتيهم مره ماحب السلف قالي ليش تعطيه احنا محتاجينهم الحين ولاتقولي تبي شي دام عطيتي اخوك الفلوس وانا عطيته منهم 100 قبل اعطي اخوي 
احس اسلوبه خلاص مايعجبني مدري كيف احس مثل اللي طاح من عيني ماله هيبه ولا احترام بداخلي هو اللي كرهني فيه 
حتى بنتي الصغيره تموت على عمها مع انها ماتشوفه الا نادر لكن يلعب معهم ويفرقش ويموت ع الاطفاال مو مثل ابوهم نكدي وكل هواش واوامر ونواهي 

واللي فجر اللي بداخلي هذا كله

جاني الليله من بيت اهله هم يبنون لهم بيت وقريب جدا يخلص لكن ابوه مريض بالمسشفى وام زوجي قالت ماراح تسكنه الا اذا رجعت له صحته واحنا لنا شقق فوق لكن يبغالها شغل كثير والميزانيه ماتسمح انه احنا نكملهم 
اخوه الصغير سكن معهم الحين في بيتهم القديم يبي يخلص من الاجار عسان يقدر يكمل شقته الجديده ويكون جنب ابوه ويهتم فيه
وام زرجي اقترحت على زوجي انه احنا نسكن في بيتهم الجديد لسى هم ماسكتوه وهو كبير طبعا بيعطونا منه مطبخ وغرفتين الى مايخلصوا شققتا ونطلع من الاجار لكن خايفه ام زوجي سنين وهي تبني في هالبيت عشر سنوات يمكن اخاف اسكنه واخربه لها او اوسخه مع بناتي الامانه ثقيله زوجي قالها زوجتي تهتهم ونظيفه وصحيح انا كل انظف لكن الاطفاال بيحوسوا كل شي مو علي انا بس بظل خايفه انه يخترب شي او يتوسخ او او ماباخذ راحتي

وافكر اني من تزوجته كل يوم في بيت ومكان مو قادر يوفر لي السكن المناسب والحياه المناسبه اول ماتزوجت ابوي عطاني شقه فوق بيتنا قعدنا فيها سنه ونص وبعدين رحت معه مكان عمله ثلاث سنوات وماقدر ع الايجار ورجعني بيت اهلي بغرفه وحمام بس وقعدت 6 شهور معهم وتعبت نغسيتي بنتي كل هواش مع اخوي الصغير اللي نفس عمرها وكنت حامل ماقدرت اتحمل ورجعت معه بمكان عمله وسكنا بشقه صغيره لنا فيها الحين 4 سنوات والحين يبينا نطلع ونسكن بيت اهله الجديد

احسن تعبت من الحياه معه مافي راحه ولا استقرار مادي ولا عاطفي تعبت من المقارنات ومن كل شي تغيرت صرت وحده ثانيه قبل انا ام الكشخه واللبس والاهتمام والحين هملت نفسي بشكل غير طبيعي احس بين علي الفقر 

لو ماعندي بنتين تطلقت وارتحت منه لكن بناتي الله يحفظهم حركيين وشوي واذا نزلت عند اهلي كم يوم انزعج منهم كيف لو اقعد على طول 

بنات انصحوني قولوا لي انا مكبره الموضوع وظالمه زوجي او معي حق

با نتطاركم