ترا الضغط ذا من الرضيع انا بالنسبة لي ولدي الصغير ابو ٣ شهور هو اللي ماخذ كل وقتي صراخ وحاله والكبير يحوس الله يعين عليهم ..

اهم شي نظفي البيت تنظيف عميق ودخلي بهمم عاليه تخفف عليك التنظيف العميق وتشجعي واذا تقدري تجيبي شغاله بشهر4مرات مره الابواب والشبابيك مره للمطبخ من الى ومره للغرف ومره اي شغله تستثقلينها عليك ام الحمام والمطبخ لاتنظفينهم الا بالليل اذا ناموعيالك والكنس على نومتهم اكنسي الصاله والممرات وغرفتهم والمطبخ والمطبخ مره بالاسبوع كنس والباقي مسح حطي فوطه بدون وبر ناعمه على الممسحه بعد ماتبليها بماء ومسحي اسهل شيء
ومره الى مرتين غسلي ملابسكم والطبخ الطبخي عداء وكثري الكميه شوي وبقيها عشاء لعيالك وبعدها نوميهم وانتي اي اكله خفيفه وبسيطه سويها لك ولزوجك واليدام كثريه اذا سويتي يكفي 4-3مرات والله يعينك ويقويك وياجرك

الله يجازيهم بالخير الاخوات ماقصرو وكلامهم صحيح ومجرب
النظام والترتيب والتنظيف أول بأول
وماتنامي الا بيتك نظيف
وسوي شغلك في الصباح
سبحان الله شغل الصباح في بركة ماتتخيلينها
ومادام عيالك صغار قفلي الغرف الي ماتحتاجيها وتكون نظيفة ومرتبة
عشان مايستغفلونك ويحوسونها لك
والله يصلحهم لك.....

الحياه كلها تعب واحتسبوا الاجر عندالله وتنظيم الوقت وتنسيق جدول بحيث انك تمشين عليه من غير زياده ولا نقصان وحاولي تجيبين اجهزه مساعده مثل المجفف وغسالة الصحون تريحك كثير واغلاق الغرف اللي لا تستخدموها

اضافة بالنسبة لغسالة الصحون اذا ظروفك تسمح
جيبيها أنا عندي ويربول شايلة عني غثى غسيل الصحون
وعشاني ما احب غسيل الصحون فنظري شايفتها شايلة
نص شغل المطبخ
وكمان النشافة الكهربائية رحمتني من الكوي
والثياب والغتر والاشمغة برة تنكوي.....