تعبت من الماضي

السلام عليكم ورحمة الله وبركاته
كيفكم خواتي
انا جايه افضفض كالعاده لان احس نفسي صرت كني مريضه نفسيا ماعاد اتحمل اي كلمه او اي شي ينقال لي وصرت عصبيه جدا وتضايقو اهلي من عصبيتي حتى مع اطفالي


بنات انا احس نفسي بدون كرامه احس نفسي الناس كلها مستضعفتني يشوفون ان انا ما استاهل الاحترام
صحيح انا كنت اذل نفسي لطليقي قبل كنت احاول قد ما اقدر اروح له واتفاهم معه واحاول اصلح حياتي معه قبل الطلاق وكان يقول لي يازززززز.... ياتببن ياحيوانه اطلعي فارقي انقلعي ويقفل الباب بوجهي وان اتصلت مثلا وهو برا البيت وكلمته مثلا يابو فلان تعال تقهوى معي تعال ابغا اكلمك كان يقفل بوجهي ويقول اذا تبغون شي ضروري ارسلي رساله باللي تبغونه فقط
بنات عارفه مفروض ما اذكر الماضي لكن انا يابنات صرت اشوف نفسي بلا كرامه
تخيلو الان مثلا لو اكلم احد وهالاحد مافهمني او حسيت انه اخذ بخاطره مني اجلس اذل نفسي عشان يردون علي ارسل اتصل ارسل ارسل ارسل لين يطفشون ويعطوني بلوك ثم انجرح اكثر
بنات وربي تعبت ودي اغير حياتي اللي يزعل يزعل اللي مايبيني لايبيني
كيف اخليهم يحترموني ويحطون لي قدر من غير ما اذل نفسي لاحد
افكر اجلس لحالي واعتزل الناس والمجتمع واعتزل نفسي من نفسي
امي حاسه فيني كثير وتحترمني كثير وتداريني كثير الله يخليها لي لكن الناس تحسبني بدون كرامه لين صرت اتصرف تصرفات تثبت لنفسي قدام نفسي اني بدون كرامه
ما احس لي هيبه عند طليقي قبل ولا عند اهله ولا عند اهلي بعد
ادعولي بنات كل مره اقول بقوي نفسي والقى نفسي اضعف من قبل وبس ابكي صارت دموعي يوميا تصب لو على اشياء تافهه اهلي كلهم شافو دموعي ولا بكيت قالو ايه ايه ابكي