تعبت من المشاكل والسبب

تعبت يابنات من امي امي للأسف اعدمت شخصيتي
بقولكم كيف
عمري ٣٠ وعندي اخت اصغر مني ببدايه العشرينات
انا الكبيره فكانت امي تقريبا طلعت كل حرتها فيني
بالتربيه لدرجه تقارني فيها تبيني زي الحرمه الكبيره اسكت
وتحملت وكبرت على كذا لاني مسالمه
اختي عكسي تماما لسان وعنيده وتسوي اللي براسها
لما كنا نتهاوش زمان وحنا صغار
امي كانت توقف مع اختي عشان تتقي شرها
كانت تكسرني وتمشي رأي او كلام اختي بكل شي علي
والحين كبرنا وهي ماشيه على النظام هذ
لدرجه صرت مافي شخصيه مافي رأي اي شي
تقوله اختي او تختاره او تسويه امشي عليه
ولما تشوفني امي لحالي تبداء تتشكى
اختك جننتني رفعت ضغطي سوت بس قالت لي
عملت بي ازعجتني غثتني
طيب ليش تجي تتشكى لي منها ليش
طول السنين واقفه معها لما خلتها كذا
وانا للأسف مضطهدتني على حسابها
وتجي بعد لها وجه تتشكى لي منها عندي ؟
مثلا قررنا نسافر هي تختار الدوله اجي اقول رأي
تجي تقول اختي كيفكم انا بروح الدوله هذي
تجي امي تقول خلاص بنروح كلنا هناك
مثلا بنشتري اي حاجه للبيت كنب طاوله
هي تختار مهما اخترت امي تمشي رايها علينا كلنا
السياره جالسين نخطط نشتري سياره
وهي جايبه سياره مايناسبون زي باب واحد !!
ومقعدين
جيت قلت رأي خير من يركب فيها هذي
نبغى سياره زي الناس
جت قالت كيفك لو اشتريها هذي من فلوسي
مالي دخل بكم
جيت قلت لامي خلاص كيفها حنا نشتري سياره
زي الناس تبي تجي امي تصارخ علي وتوقف بصفها
تقول خير اختارو سياره وحده وخلاص ام باب حلوه
وعلى قدكم وش تبون بالسيارات الكبيره وكلام كثير
يعني امي تايدها بكل شييييي وهي اللي كلامها يمشي
وللأسف ليتها محترمه امي اقسم بالله انها تقول لامي
خلاص أزعجتني
ترا بوديك دار العجزه
كولي تبن
كولي خر......
اذا عصبت طبعا تجلس تقول كذا
وامي تعرفون الصنم زيه معها مستحيل امي تسوي لها شي
مادري خوف او ضعف او تعويد
او ايش بالضبط ماعرف المهم ان امي شخصيتها
قويه وعصبيه معي ومع اختي الاصغر
لكن مع هذي بالذات الوسطية غير
تعرفين اذا مسكتي على احد فضيحه او شي
وصار مهنها تسوين فيه ساكت ساكت
امي نفس كذا لدرجه لو موب اختي
قلت اكيد ان هذي ماسكه على امي شي وامي خايفه منها
مو معقول كميه الضعف اللي أشوفها قدامي
من امي مع اختي لما أعدمتنا كلنا معها وصرنا زيها
تعبت نفسيا ونظام اختي ماترحم
يعني تقول انتم جبتوني للحياة انتم تتحملون طلباتي
يعني ماترحم ان ماعندهم فلوس تبي كل شي كل شي
ز ي المشفوحه تبي سفر تبي فلوس تبي ماركات تبي كل شي
وتغثهم لما يسون كل شي لها وللأسف امي
تتسلف عشانها وانا مالوم اختي خلاص تعودت
لان شافت الضعف من امي من لما كانت بزر
امي ماعرفت تضبطها والحين لما اجي اتهاوش معها
تقولي بكل برود وش دخلك انتي ؟
وصدق لما افكر وش دخلني انا دام امي كذا
معها ايش دخلني ان شاء الله توديهم مستشفى الأمراض النفسيه