تعبت من المطبات بجسمي أدخلوا تكفون يمكن تساعدوني

وشلون تبينا نساعدك وانتي ماتبين تساعدين نفسك بنظام غذائي ورجيم ورياضه !!!!!!!!!!

شوفي يالصاحبه اول شي قوي ارادتك وحطي حد للي انتي فيه

الببسيييييييييييي لايدخل بيتكم تراه اول يوم بتتعبين وثاني يوم من حرمانه بعدين صدقين بتتعودييييييييييييييييين

بدلي الببسي بعصير انناس من الربيع الي يجي بدون سكر جربي منتي خسرانه شي

ثاني شي ياصويحبتي عليتس بخلطة الزبادي قليل الدسم مع ملعقة نخاله كل يوم قبل الوجبات

اعتبريها علاج وكوليها تراها تخفف الكررررررررررررررررررررررش مره وانا يامحاتسيتس مجربته وماخف فيني الاكرشتي

كولي عادي وجباتك الموجوده لاتحرمين نفسك من هالنعم بس بنفس الوقت لاتشبعيييييييييييي

حطي لك صحين مزكرش على جنب وكل ماجاء الغدا عبيه مره وحده وكولي وقومي الحمدلله

العشى حاولي تنسينه كثري سوائل وراح تشبعين مثل شاهي انناس زبادي ونخاله حليب

صدقين لاانا ولاغيري بيفيدك كثر ماانتي بتفيدين نفسك

والطرق الي قلتلك عليهن هن اسهل شي لانه مافي رجيم معين ولا اتباع حميه

بس اتركي هالاسود الي ذبحكم والتزمي بالزبادي والنخاله وراح تشوفين نتايج ترضيك وتريحك

واذا هه هداك الله ولا شي امشي بالاسبوع 3 مرات تراه ينحت البطن نحححححححححححححت واسالي مجرب

واذا ماتبين تمشين عندي لك رياضه ماتبي مجهود ابد ابد وهي انك تشفطين بطنك طول منتي ماشيه وانتي جالسه وانتي تاكلين

تعودي تشفطينه هو من حاله بيلصق بظهرك :)

شفتي اسهل من هالنظام عاد :)

يالله تشجعي حبوبه ونبيك بعد اسبوعين تجين تبشريننا بس اهم شي ادعيلي بالفرج وحسن الخاتمه

اما بالنسبه للسيقان مالها حل غير النحف هي طبيعتهن كذا فيه سيقان عريضه وفيه سيقان نحيفه

انا كل شي سويته ماراحن بس الحمدلله يخفن مع الرياضه ويشدن ويطلع شكلهن كيوووت ههههههههههه

اسفه طولت عليتس بش وانا اتمشى بالقسم مريت لقيتس مسقتن الارض من هالدموع وتذكرت حالي بيوم من الايام

قلت خن اخمه واطبطب عليه واقوله حلولي السريعه والمفيده كوده تغدي مره وتنتظم :)

يالله وسعي الصدر وانقزي اليوم جيبي زبادي اكتيفيا ونخاله وعصير انناس ومن هاللحظه الي تقرين به كلامي اشفطي بطنك

والببسي هالاسود الي بالثلاجه كني اشوفه ملفوز ومغبى قومي هالحين عطيه احد يشربه ولا ارسليه للسواق

يالله نراك على خير واسفين للاطاله

انصحك بالاوربتراك بتغير مقاسات مرره كله

والله قصيميه كفت ووفت

فديتها عسل والله

من جد قصيميه ماخلت شي


عاد اذا انتي تبين الزين بتشدين حيلك واذا عاجبك شكلك فماراح تتقدمين خطوه وحده

اتركي الببسي ترا انا كنت زيك وتركتو ترا تقدري اذا حطيتي ببالك انك تبغي تنحفي