تعبت من الناس هذي

للأسف قبل أبداً موضوعي احمل امي انا
كل المسوليه
انا من كنت طفله كانو بيت عمنا
جنبنا مرت عمي كبيره عمرها ٧٠
تقريبا امي تحترمها كأنها امها
وكانت تجبرني من وانا بزر بالروحه لهم
لما صرت مراهقه
تعرفون فتره المراهقه كنت أتضايق لان
هم نشبه بناتها بزياده ع بالهم ماحد فاضي الا لهم
كنت اذا رفضت اروح لهم
تبداء امي تمارس كل الضغوط علي
تمسخر
تحسسني انيً أغار زي تغارين من بنات عمك
او تراهن ابرك منك
وتجبرني بالهواش اروح سوا معها لطلعه
او لحالي لان زي ماذكرت لكم
ينشئون ويضغطون
للأسف شبه تأقلمت حتى لو اني
مضغوطه اروح لهم عشان اسلم من امي
اسلم من النشبه اللي يبتلون يغثوني
كبرت وصل عمري الحين ٢٩
سنه
وانا للحين أعاني منهم ياناس متخيلين
لما ارفض طلعه
يرسلون امهم تتصل تخانق امي ليش بنتك
ماتبي تطلع او تجي مع بناتي؟
متخيلين عمري ٢٩ سنه
وكل يومين قسم بالله بدون مبالغه ياما
لابسه عبايتي اجلس عندهم
او يجوني وكان حياتي فارغه
ماعندي غيرهم
قبل فتره عدلت نومي
هم يسهرون لين ١٢ تقريبًا للظهر
كلهم عاطلات وكبار لكن فيهم طبع النشبه
انا عدلت نومي
وصرت اتعذر لما يقولون بنجي او تعالي عندنا طفشانين!!
كاني مهرج!!
لما صرت اتعذر بالنوم صارو كل يوم يرسلوني
رسايل هذا طولها
تقفل معي
زي قولي ماتبين
تجين للتصرفين بالنوم
انتي شكلك نسيتنا
انتي قاطعه طول عمرك معنا وراك صرتي
ماتبين تجين
تصدقون
ان هالرسايل بس لاني بس
لي اسبوعين ماشفتهم؟
يعني كانه اجباري كل يومين نقابل وجيه بعض
من الفضاوه اللي فيهم ويشهد الله ان احيانا
من شدة الطفش اروح وارجع وهم يلعبون ببجي !!
يعني مافي سوالف مافي شي
بس نشبه على مدري ليش !!
يجيبوني صوره!!
بتقولون احمدي الله ناس يحبونك
قسم بالله اني اقولكم انا احمدو الله ان أقاربكم
مالكم علاقه فيهم الا بالأشهر
حركة اني انشب لناس وغصب تجين
اذا ماجيتي اشتغلو رسايل عليك ويرسلون امهم
كلميهم قولي وش فيها
اًوكي لو الطلعه كل اسبوعين
او اسبوع نشوف بعض بقول صدق
ممكن عادي لكن كل يوووووم خير
الواحد له طاقه
له ضغوط موب فاضي بس يقابلكم
امي قالت لي صرفيهم
لما يفهمون لكن مافي فايده
هم عددهم ٤ وكل شوي وحده ناطه علي
تعالي او تبداء بالكلام اذا رفضت
مشكلتنا عطيناهم وجه من احنا صغار ونشبو
دايم افكر بكرا لو اتزوج كذا بيسون؟
انتي تخيلي ان عندك قرايب
كذا حطي نفسك مكاني أقارب يبونك كل يوم
مقابلتهم وأحيانًا يصير مالهم خلق بس كذا
زي المزاج زي المرض يبون احد عندهم لو صوره
تعبت نفسيا منهم قسم بالله
وآخر شي تو مرسله بنتهم
لي كنتي معنا من الصغر ليش صرتي تمنين
بالجيه ىشًاللي غيرك
وراك ماتبيننا
ياناس قبل اسبوعين كنت معهم
محسسيني لي سنتين قاطعه
قسم كذا كرهتهم من قلبي
اكره ماعندي الناس النشبه
الحين الخوات اذا تزوجو مايشوفون بعض
الا كل اسبوعين مره
هذولا لا غصب كل يومين
شوفي حل
نجيك
او تجين عندنا
نفسيتي زفت
غير كذا لما يشوفوني بروح مع اهلي
للرياض او الشرفيه ينشبًو فيني بحجه اننا
معك ونمون نسكن حنا معك
واهلك لحال امي زي ماقلت لكم ضعيفه شخصيه
او مره قالت عادي خليهم يجون
واخذًها حلا
كل ماشافنا نسافر جو معنا
كان امي مخلفتهم وناسيتهم
ويجون يخربون جوي
يعني هم يسهرون مابنامون الا الظهر
ولما يشوفوني بدخل انام يجون الفجر يخربون علي
ويصحوني من نومي
قومي بنتقهوى ويجلسون يضحكون وأصوات عاليه
هذا غير هواشهم ومشاكلهم لما يجون يختارون
مكان يروحون له
كل وحده تخانق تبي مكان
هذا غير اني احس اني مضغوطه تبي تكون
مع اهلي بالسفر انبسط مع امي واخًواني
موب بس ناشبين فيني تعبت مع هالناس
السبب ابوي وامي معطينهم وجه بزياده من اول
ماطلعو ع الدنيا تكفون ابي حل