تعبت من النكد ابي ارتاح

مرحبا خواتي
هذي اول مشاركه لي
عمري ماتوقت اكتب شي عن نفسي بمنتدى يمكن بعد مااطرح مشكلتي ارتاح وافضفض حتى لو ماتنحل اموري لأن طبعي كتوم وماعمري شكيت لغير ربي
المهم انا لي ست سنوات متزوجه وعندي ولدين ياربي لك الحمد الصغير عمره سنه وشقي مره الله يصلحه
حياتي مع زوجي مرت بمشاكل كثييييييره كان لها اثر كبير على نفسيتي من الشهور الأولى لزواجنا اكتشفت خياناته 
غير كذا كان مستهين فيني مره حتى وانا عروس كان يخليني في بيت اهله لنص الليل ويطلع هو برى
هذا غير تقصيره بأمور البيت واي شي احتاجه اقعد شهور اترجاها عشان يسويه مو بخل بالعكس هو كريم لكن كله تماهن واهمال 
تطورت مشاكلنا وظربني مرتين وطردني لهلي اكثر من مره كان بعد كل هوشه يقولي انقلعي لهلك الله لايردك
وبس يشوفني اجمع اغراضي بطلع يردني ويقول لاتطلعين وكنت ترضى واقعد عشان عيالي لكن قلبي كان مجروح حيييييل
اخر مره صارت مشكله بيننا وطردني اخذت عيالي ورحت لهلي ماقدرت اتحمل وقلتله خلاص نفسي عافتك طلقني
انا كنت اقوله كذا من جرحي اللي فيني كان يقول انه يحبني ولايستغني عني
لكن اللي يحب زوجته مايظربها ولا يطردها حبه لي بس بالكلام وبس
رفضت ارجعله كنت ابي احسسه بقيمتي وبغلطته
ارسلي بعدها انه خلاص وصلنا لطريق مسدود وانه بيطلق وان مصروفي انا وعيالي بيوصلني ولا راح يقصر بشي 
انصدمت من رسالته وبكيت بعد كل شي تحملته وبعد صبري كل هالسنين وبعد ماطردني يرسلي هالرساله حتى لو انا اللي طلبت الطلاق انا كنت مضغوطه ومجروحه منه وهو اللي غلطان
نمت ذاك اليوم ودموعي على خدي
اليوم الثاني ارسلي خلينا نعطي بعض فرصه وارجعي لبيتك
انقهرت من رسالته اكثر بيوم بيطلق وبيوم يبيني ارجع و
ارسلتله هالكلام صار بعدها نقاش كثير 
المهم قررت ارجع بشروط بس عشان احس اني رجعت لبيتي بكرامتي
شرطت عليه يسفرني برى لأنه بحياته ماسفرني نهائيا وشرطت يقدملي شغاله ويكمل اثاث بيتي لأن ماعندي مجلس مثل الناس
بعد نقاش وافق نسافر ويكمل الأثاث بس الشغاله قال اول ماتحملي بالثالث اقدمها
رجعت لبيتي على اتفاقنا هذا 
ورجعت حياتنا مثل قبل طول اليوم عند اهله سكت وقلت بكيفه اهم شي اكون مرتاحه مع عيالي في بيتي
الأن صار على هالكلام عشر شهور وولدي عمره سنه واربع شهور ولانفذ من شروطي شي
واللي قهرني اكثر جاني قبل يومين يقولي اتركي الحبوب واحملي
قلت  ولدي صغير وانا تعبانه وانت ماسويت شي من شروطي
عصب علي وقعد يهاوش قلت طيب تبيني احمل خلنا نسافر
ونخلص بيتنا وقدملي شغاله لأني تعبانه معاد اتحمل تخيلو يابنات قعد يضحك علي ويقول هذا الناقص
المشكله اللحين انا شاكه اني حامل لأن دكتورتي قالت اتركي الحبوب كم شهر واستخدمي موانع طبيعيه
قولولي وش اسوي جحدني وهو كان معشمني نفسيتي تعبانه من زمان واللحين تعبت اكثر
اذا مانفذ شروطي بسكت لأن مابيدي شي اسويه 
لكن مشكلتي جروحي تفتحت كلها كنت ابي شي يرجعلي كرامتي وينسينئ اهاناته
لكنه صدمني اكثر اللحين من بعد هالسالفه ماكلمه ويدخل س ينام ويطلع
طولت عليكم بس اعذروني من زمان مافضفضت