تعبت من الوضع المادي ،،،اه من يا زوجي

السلام عليكم
انا متزوجة من 6 سنوات
عندي بنت وحدة عمرها 4 سنوات
الله يخليها لي
مشكلتي هي ظروف زوجي المادية
راح اتكلم بالتفصيل يمكن تساعدوني والا تشوفون لي حل
انا من تزوجت وزجي مديون
بسبب تكاليف العرس

نص الراتب ديون
لارحت شهر عسل ولا هم يحزنون
كنت في بدايه زواجي ما اطلب شي
عااادي
وحملت وجبت بنتي
واللحين مرت 4 سنوات
وكل مالمح له اني بخاطري احمل
يقول لين اخلص ديوني
واسكت
والله الناس ما تخليني بحالي
لدرجة جدتي تقولي
ليش ما حملتي
وبنتي حزنتني
تشوف اللي حولها عندهم اخوان يلعبون معهم
وهي بالحالها
كل شوي تقولي
تسالني
وتقولي
متى يجي اخوي ،،،ابي زي فلانه عندها اخو يلعب معها
تكسر خاطري
مو هنا المشكله
عمل زوجي بعيد عن اهلي واهله
ودايم بالاجازات
انا اروح لاهلي وزوجي عند اهله
والله يابنات
تعرفون اجازة الصيف
طويله 3 شهور
بالبيت مانطلع الا نادرا
امي ما شاء الله عليها
تروح عند الجيران والا عند خوالي في الديرة
وانا وبنتي في هالبيت
طلعت من سجن بيتي
الى سجن اهلي
وزوجي الله يسامحة
فال امها
مرة كشتات مع اصحابه والا يطلع خواته وامه
طيب مرني انا وبنتي
راااضية اطلع معهم
عااادي مو عشاني عشان هالصغيرة
وكل ما قلت له خلينا نطلع نسافر لو يومين
يقول ما عندي فلوس
والله يابنات
ان ديونه خلصت ثلاث ارباعها
والسبب بعد الله انا
لكن الوضع مثل ماهو واردى
عمري راح
لاعيال ولا تمشية ولاشي
الحمد لله على كل حال
توني اكلمه
اقوله خذ لنا بيت بالاجازة
حرام الاجازة طويله
ما راح تبدا الدراسة الا بشهر 11
يقول من وين لي
اااه
والله العظيم ما احب الاجازات
لان ما احس بالوناسة
اجلس في بيت اهلي احتري الخميس عشان اشوف خواتي واخواني وعيالهم عشان استانس معهم

وبالنسبة لموضوع الحمل
زوجي رافضة
وانا صراحة ابي عياال
مو من حقي والا انا غلطاانه
استغفر الله بس