تعبت من الي يصير لي !!🔞💔

🔞_ للفت الانتباه
اقسم بالله تعبت من الوضع تخيلو يوم كنت بالمتوسط كان عندي صديقات الاولى نفرض اسمها لمى والثانيه اريام المهم اني كنت
مره. احب لمى حب نضيف واعزها بشكل المهم كنت مره مستانسه لاني كل ماشوفها استانس ان عندي صديقه زيها واحسب اننا بتصير مقربين وكذا المهم كانت دايم تسولف معي المهم اني الترم انه قبل الترم الثالث صارت مشكله لي مع المديره وطردتني من المدرسه وقالت مارح تقعد ولو قعدت مارح تكمل ثانوي واختي الصغيره كانت معي في نفس المدرسه خلتها هي لانها ماسوت شي وكانت اختي اصغر يعني اول متوسط المهم صارت اختي كل ماتسوي شي مثلاً او مخالفه بسيطه وبطبعها اختي هاديه ومؤدبه بس بعض الاحيان تهرب من الحصص وشي طبيعي عند الطالبات ومسكتها المديره قدام طوابير الصباح وقالت تراني طردت اختك تروح تفرفر في الشوارع تدور مدرسه تقبلها تبين اطردك مثلها حرفياً كل ماتسوي شي تذكرها فيني ونا ماحكي لكم عن هذي الفتره مؤلمه مره بنسبه لي لاني ارتحت بالمدرسه وبأجواءها مره مره كنت مرتاحة بس خربت علي المديره بس معليه المهم قلت لصديقتي لمى (مره اشتقت لك ابي اجي المدرسه عشان اشوفك الصباح بس واطلع وفعلاً جيت الصباح وشفتها وضميتها وردت فعلها ابرد من الثلج وتخيلو وش سوت ؟ راحت قالت للمديره اني دخلت المدرسه وعلمت علي طيب انا متعنيه وجايتك بتقولون لي تسوين كذا وش حادك والله اني كنت احبها وفي هذاك الوقت كنت اصادق اي احد المهم اكتشفت انها تنافق من وراي وتتكلم فيني اخ بس المهم نقلت مدرسه اهليه بحكم اني انطردت و اني جايه على بدايه الترم الثالث مافي احد يقبل بنص الترم الا الاهلي رحت ودرست فيها الترم الاول والثاني يعني ٥ شهور وكنت كل يوم اقاوم شعور اني مابي وماني طايقه المدرسه ولا احد فيها لاني اساساً ماحب نضام المدراس الاهليه وكنت اجي البنات وابتسامتي شاقه وجهي وابتسم دايم لهم ويشهد الله اني ماعمري حقدت على وحده من. البنات حرفياً والشي الي اكتشفته في اول يوم جيت فيه وحده قالت لي يع يوم طلعت ؟يعني انا مادري ماسويت لها شي حرفياً. المهم صديقاتي جو قالو لي لان البنت قالته بصوت عالي بالفصل بعد ماطلعت خروج وانصدمت بس. ماكلمتها بكيفها وفيه وحده ماكانت متقبلتني وتكرهني حرفياً وتشمق لي ماكنت ادري انا بس حسيت من حركاتها المهم مره شفتها تعبانه جيت ساعدتها وشلتها ووديتها عند المرشده وعطتها بندول وكذا المهم بعدها. بثلاث ايام جتني تعترف لي تقول انا اسفه ماكنت متقبلتك قبل وكنت اكرهك سامحيني ماكنت اعرفك زين ماقلت لها شي واكيد سامحتها وصرنا صديقات وصارت ماتقدر تداوم بدوني وكنت اضحكهم دايم حرفياً حتى البنت الي قبل قالت لي يع صارت هي بعد تبتسم لي وكل الفصل حبوني وكانت طاقتي تملا المكان سعاده واوزع ابتسامات لكل من راح وجاء وكنت مخططه اروح لثانويه الي هي تبع المتوسطه القديمه حقتي وكنت مره ابي اروح لها وكان فيها صديقاتي القديمات يعني قالت امي خلاص خلصي الترم هذا واول ثانوي انقلك قلت طيب وكملت حياتي طبيعي وكان فيه قروب بنات في الاهليه يتنمرون ويسبوني بدون سبب ومريت من عندهم وقالو يع ويقلبون عيونهم بس اني ماهتم الصدق ولاكنت ارد لهم الحركه ولا شي ومره لقيت وحده من شلتهم تكرهني تبكي رحت لها وسالتها شفيك وواسيتها يعني مادري ليه اقابل ناس كذا بالمقابل انا مو كذا ؟المهم يوم قرب ينتهي الترم قلت لصيدقاتي وماصدقو قالو لا ومدري ايش بس خلاص نقلت وجاء اليوم الي اودع فيه صديقاتي الي من المدرسه الاهليه كان فيني شغف للمدرسه الي تبع المتوسطه حقتي القديمه وكنت مره متحمسه ما. ابالغ كلهم بكو !! ويحضنوني وكنت امسح دموعهم وخلاص طلعت وثلاث مرات سجلت قبل ماقبلوني لان العدد مكتفين فيه بس جبت ورقه من كتب الاشراف وقبلوني وكنت مره متحمسه نقلت واول يوم مشيت لحالي بحكم اني مره متوتره اغلب الي كانو معي من الابتدائي والمتوسط هنا وكانت كل الانضار علي من البنات الي اعرفهم قبل جت ارايام تبي تتاكد نادتني بأسمي ولفيت وصرخت قالت اي هي انصدمت بس كملت تخيلو قطعت عنهم ٥ شهور او اكثر بدون مايعرفون السبب وجيتهم بشكل غير وكل شي غير اليوم الثاني جت ارايام معها شلتها ويرمون علي كلام ويقولون يع ويتنمرون للعلم في البدايه ماكنت اهتم لآن اساساّ كان عندي شغف للمدرسه هذي
مره بس ماهتميت لهم يعني بس مره خفت وقتها لان اول مره يصير لي كذا مو اول مره فعلياً بس كانو كلهم شله ونا لحالي قعدت امشي ورحت فوق الفصل قعدت لحالي وكنت خايفه الصدق شوي بس بعدين تعودت حركاتهم كذا والمشكله اني مارد عليهم يعني اخصرهم ومع العلم المشكله الي صارت بيني وبين اريام تافهه كانت تحب وحده وتغار عليها ويوم درت اننا صديقات كرهتني مع انها كانت صديقتي وقتها وهي بعد كانت تنافق معي من قبل ماتصير السالفه هذي واسلوبها مو حلو تحسونها مجبوره علي المهم هذي اريام صارت تقول لصديقاتها عني وتشوه سمعتي عند الكل وصارو كثير الي يكرهوني بدون مايعرفون حتى اسمي بس من كلامها وللعم اقسم بالله لو تجي تعتذر والله لا اسامحها ماعندي حركات الحقد والكارهيه اتمنى لو اعيش بسلام بدون هذي المشاكل الي قاعدين يسووها لي كل مامشي نضراتهم وطقطقتهم
تلاحقني غير كذا لمى يوم تكون قاعده لحالها ماتتجرى تحط عينها بعيني حرفياً يوم تكون مع صديقتها تفشر وتطلع قوتها وتضحك وتأشر علي ومره لقيتها قاعده لحالها ومعي صديقاتي قروب بس لو اني خبيثه وبرد لها الحركه اقدر اخذ القروب الي معي ونروح نسبها ونطقطق عليها بس ماني كذا ولا قد تكلمت عن هذولي اعدائي قدام احد رغم الي يسوونه ماقد شوهتم سمعتهم عند احد وحتى اقول لصديقاتي لاتناضرونهم ولا تسبونهم معليكم المهم اني تعبت عطوني حل