تعبت من انبهاراهم ومدحهم لجمال وبياض سلفتي قدامي وكملها زوجي بحرقتي

السلام عليكم ورحمة الله وبركاته
انا متزوجة من شهور
شكلي عادية ولوني حنطية غامق الحمدلله حمدا كثيرا
سلفتي اللي اكبر مني متزوجة قبل بكم سنة مافيه احتكاك بينهم وبين اخوان ازواجهم الا فيما ندر واظن طاحت براسي هالمرة وقدر الله ان الرجال يدخلون عند الحريم بطلعة كشتة
ماشاء الله وهبها الله جمال وبياض وشعر وقامة
اي حفلة زواج او جمعة حريم نروح لها مع ام زوجي وبناتها تلفت الانظار ويصير فيه مقارانات بينا وش جاب ذي لذي اللي هي انا مع اني انا العروس الجديدة والله اشوف بنظرات ناس من اقاربهم وتعابير الفم شيء غير :D كانهم متحسفين بزوجي علي وان بناتهم احق فيه مني
اخوات زوجي اكثر من مرة وقدامي يمدحون بياضها الصارخ وشعرها واعرف انهم مو قاصدين يجرحوني حتى هم يعلقون عن انفسهم انهم غير واهي غير
سلفاتي الثانيات الكبيرات يتلزقون فيها اكثر وبرضه يمدحون بياضها وجمالها واهم اجمل وافتح مني بعد
والله مااتمنى لها الا كل خير ومافي خاطري شيء عليها ولا غيره ولا اي شيء من هذا القبيل لكن تعبت من التجريح
كرهت نفسي وكرهت نظرات المقارنه
حتى زوجي شافها بالغلط من قريب بطلعة الكشتة الشؤم
ووالله مااعيب في البنت وتدينها لكن انا طول وقت طلعتنا بنقابي وفتحات صغيره عشان اخذ راحتي واهي بالطرحه لو دخلوا رجال غطت وجهها وبقت عيونها زي اللثمة الضيقة وممكن يدخلون واهي ماتدري وتكون كاشفه في وجههم ولا اقدر افتح فمي واقولها تغطي يافلانه الرجال دخلوا او شيء كاني اعيب عليها انها مو حريصه حاشا لله
زوجي تفاجا من بياضها واهي بالطرحه طالعه عيونهاواشوفه يطالع من غير مايحس بنفسه ويمكن بعد يكون شاف وجهها بالغلط واهي ماتدري
من عقبها الرجال متغير علي بالتعامل مو طايقني زي اللي كان مغمى على عيونه زي اللي متحسف وغلط انه ماخذني او مختارني او ما تأنى بالاختيار من عقب هالطلعة لنا اسبوع وزود على هالحال

تعبت نفسيا من الطلعات معهم
كل ماتذكر نظرات زوجي لها وحرقتي واهي بجنبي مافكر يناظر فيني ولا فيني شيء لفتهم اصلا
كل ماتذكر انها تنادي زوجها عندي ومو مهتمه وتقولي افتشي وجهك راحوا الرجال مو مهتمه زوجها شافني ولا ماشافني ولا بيجيب خبري لاني عاديه وهي تغطي علي بمراحل
مو قادرة افتح الموضوع مع زوجي واقول وش فيك متغير وساكت وخادر من عقب الطلعة والمح له
محترق قلبي اللهم اني اشكو لك ضعف قوتي وقلة حيلتي وهواني على الناس