انتي حاطه في بالك انه من شافها انبهر وقعد يندب حظه معك !!!
لان هذي نظرتك لها منبهره ومعجبه بجمالها فتحسبي ان هذي نظرتك زوجك ترا يمكن تكوني غلطانه ياحبيبتي!!!
اقول عيشي حياتك ولاتوسوسى

شوفي حبيبتي مريت باللي مريتي فيه بالضبط
مقارنات واخوات زوج يوصفون لزوجي سلفتي وزوجي انبهر وماصار ياخذ الا رايها ولايسولف الا وياها انهميت وقلبي ينعصر الم وغيرة وبكاء وخليته واتجهت لنفسي دايت نقصت 14 كيلو وخلطات اهتمام وملابسي منوعة واكسسوارات وتنويع بحركات الشعر مع ايش تتوقعين
شنو تتوقعين أمرين
1/كنت أصلي تهجد وادعو بكل وقت بهالدعاء
( اللهم كما رزقتني الجمال اللهم زدني فيه؛؛ اللهم عظمني في قلب زوجي واجعلني ماء لعينه ودما لقلبه وسكنا لروحه اللهم اجعلني اجمل النساء في عينه؛؛؛اللهم آلف بين قلبي وقلبه اللهم زدني جمالا في القوام وكثافة بالشعر وبياضا للبشرة اللهم آمين) 
وسبحان الله الحين يسألون بس من وراي موقدامي؛؛وتيقني الاجابة وماتستعجلين عليها
2/الثقة الثقة شلووووون أعلمك كيف 
أمشي بثقة ناصبة نفسي وقامتي ؛؛؛ارجع من مناسبة اقول له ياربي مااروح مكان الا الناس حاطة عينها علي شلون جايبة عيال ومومبين علي؛؛؛؛ أختي طلبت منها ترسل لي هدية وهو كان قاعد  على اساس اتفاقي معها مومنها لا من وحده شافتني ومعجبة فيني وارسلت لي هالشي كعربون صداقة واعجاب ؛؛؛اوقف على المراية  بثقة عمياء امدح في نعمة الخالق علي ؛؛؛قدام أهله أمدح بنفسي  غير الذرابة والسنع بس بدلع وغنج لما أرقص وأتمايل بخصلات شعري وأسوي حركات دلع وموهامني أحد ؛؛؛ غيرت ستايل حياتي وعشت لنفسي اتابع الموضة واللبس واكسسوار وصالونات ووووووو أشياء كثيرة خلي لك شي يميزك د وووم القوية بأسلوبها موبصوتها وثقتها العمياء تخطف أنظار الجميع 
لاتخلين لسلفتك اي مجال بعقلك لو الأمة كلها ميتة عليها ؛؛؛؛ عيشي لذاتك ؛؛؛؛ صبغي شعرك بلون يناسبك  سوي بدكير ومنوكير 
خلي لك لون مميز البياض موكل شي اذا حبيتي نفسك الكل بيحبك 
قدام أهل زوجك قولي شريت فستان انعجب فيه فلان مرررررة يقول يخقق عليك مع نظرة ثقة ؛؛؛؛الكورس شوي صعب لكن مع الارادة والثقة والعزيمة والالتجاء لله بتشوفين النتيجة بإذن الله

يا حبيبتي عيني خير والله يمكن رجالك ما انتبه لها بس الواضح انك انتي معجبه فيها جدا 
ومن قالك ان السمر ما هم حلوات وماهم ملفتات للنظر بالعكس عندنا جارات اثنين وحده سمرا وهي الكبيره والثانيه بيضا وهي الصغيره والله ان الرجال يموت ع السمرا ويموت ع سنعها 
وخالتي سمرا وجارتها شقار مع بياض والله انه يموت بخالتي وبشطارتها وبنظافتها وباسلوبها وما يحب القعده الا معاها لذاحبيبتي اهتمي بنفسك وانسيها بالمره وخليك واثقه من نفسك 

السمار جاذبية وبعدين انت بتقولي انها متزوجة قبلك يعني معقول زوجك ما شافها ولا مرة من قبل بس انت روحي استعيذي بالله وشوفي الالوان اللي بتبين جمال السمر وجاذبيتهم وضلي لابسة هي الالوان وكوني واثقة من نفسك ولا تخلي الشيطان يتعب قلبك بالمقارنات

فيه متزوجات غير جميلات رجالهم اجمل منهم ، والوحدة فيهم يعاملها يا دهينه لا تنكتين..  
وفيه اللي جججحميله وزوجها ولا داري عنها 
ترى مو كل جميله مرتاحه ، يمكن لسانها غير ، اسلوبها ، طريقة كلامها وحتى مع زوجها جمالها مايضمن لك انها مرتاحه معه.. 
بخصوص زوجك ، البشرات الحنطية جميله جججدا تقدري تحطي مكياج ناعم ماسكرا وروج وايلاينر وتفتحي شعر وتتعطري بتصيري احلى عروس 
حاولي تقشري جسمك وترطبيه 
والحب مايعرف بيضاا ولا سودا