حاولي الحين من صغرها تغيرين العاده هذه فيها لا سمح الله تكبر وتكبر معاها هالعاده ويصير طبع فيها

اللي استغربته بموضوعك مو كذب بنتك ولاخيالها الواسع
استغربت عصبية زوجك وتصديقه للكلام
هنا يعني فيه خلل بعلاقتك الزوجيه فيه عدم ثقه
والا اي زوج واعي وفاهم وواثق بزوجته مستحيل يصدق طفله او يتفاعل مع كلامها
لازم تجلسين مع زوجك وتتفاهمين معاه بكل هدوء شلون يعصب ويصدق انك تكلمين صديقه او تدخلين صاحب البقاله بجد هالشي حسيته اكبر من كذب الطفله وخيالاتها
ولنفرض وحده في قلبها مرض عليك وقالت عنك شي عند زوجك بينهدم بيتك برمشة عين لان البيت بنيانه مو قويه
حلي هالنقطه قبل كل ششي


ومن ناحية بنتك اغلب الاطفال خيالاتهم واسعه جدا وكثييييييير مثلها
المهم تعلمينها ان فيه جنه واللي يقول الصدق يدخل الجنه والجنه فيها العاب كثير وفيها ايسكريم وفيها وفيها وبنشوف بالجنه عصافير ملونه تتجمع على الانسان الصادق لازم تزوعين هالشي فيها
اذا كذبت قولي لها روحي تمضمضي واستغفري علشان ربي يسامحك حسسيها انها سوت شي كبير
والله يصلح لي ولك ولكل مسلمه 💕

الله يهديها ،، الحل تناقشيها وتفهميها الحرام والحلال ،، الصح والغلط ،، مع قصص عن الكذب وكيف كانت نهاية اللي يكذب ،، انزلي لمستوى عقلها وبسطي لها الامور ،، اما زوجك المفروض يكون يعرف انه بنتك تكذب وتتخيل عشان لاتتطور الامور وتحصل مشاكل بينكم بسبب كلامها ،،

يا الله وش هالموقف الله لايحط احد فيه
انا دايما اقول الطفل مايكذب صح خياله واسع وممكن يألف لك قصه سويت ورحت وجيت
بس بنتك اشطحت بقوووووه ياربي شالكلام وتقولين ماتتابع مسلسلات
مصيييبه هالبنت لازم تعقبينها على هالتأليف والكذب خوفيها من الله
وقوليلها ينكتب على جبهتك كذابه ويعرفون الناس عنك ولا احد يحبك
تأسفي من الله عشان يسامحك وخليها تستغفر عشر مرات وتوعد الله انها ماتعيدها
وان شاء الله تبطل هالعاده

أعوذ بالله شعرفها في هالعمر عن الخيانات وهالسوالف؟ بحياتي ما سمعت شي مشابه عندنا
لازم تعرفون من اللي يفتح عيونها على هالمواضيع ويمكن تكونون انتوا بعد
وبعدين ليش لهالدرجة في شك بينكم؟ المفروض الابو يقول لها بكل بساطة انه واثق فيج ويطنش
اما ضرب وعنف بيتم الموضوع في بالها وبتتم تستخدمه كتهديد لكم في اي مكان وعند اي حد