تعبت من بنتي كله تبي حليب وبعدين تزوعه

والله عورتي قلبي ياام عبود ذكرتيني بمعاناتي ويه ولدي يوم كان بهالعمر

انا ولدي كان كله فاتح حلجه ويصيح على بالي يوعان مع انه توه شارب واذا عطيته زياده اشوفه ماشاءالله يشرب وكنت اقول مسكين يوعان بس شوي واشوفه رجع الحليب كله

اللي اكتشفته

اولا هو مب يوعان هذا طبعه كله فاتح حلجه ويبي يمص فعطيته اللهايه وكان يرفضها في البدايه بس بعدين تعود
ثانيا لازم تصبرين عليه واذا صاح خليه يصيح ولاتعطينه حليب لانه لاااازم تكون رضعاته بانتظام يعني 3 ارقام كل 3 ساعات مثلا طبعا حسب عمره ولااااااا تخربطين مواعيد رضعاته ابد ترى المسكين بيعوره بطنه
وثالثا بين رضعه ورضعه عطيه ماي التمر او ماي وسكر لين موعد رضعته الثانيه

نصيحه مني انا جربت هالشي وهالكلام انصحتني فيه ام زوجي وهي حرمه كبيره تقول الحليب لازم بمواعيد ولو الياهل يموت من الصياح لاتعطينه حليب دام مب موعد حليبه بس تأكد من كمية الحليب انها تكفيه وتشبعه وبين الرضعات عطيه اللي قلت لج عليه
ويمكن ولدج مثل ولدي يحب المص .. بعد ماعطيته اللهايه ارتحت وايد

وشغله ثانيه انا كنت اعطي ولدي نان من ولادته بس بعد شهر غيرته له لانه كان كله يشكي من الامساك والغازات وكان يرجع الحليب فغيرت له لحليب كيكوز1 وارتاح من المغص والامساك وخف الترجيع عنده

ان شاءالله اكون افدتج

مشكوووووووره حبيبتي لحظة وفا على هالنصيحه الجميله
يعني بنتي مو يوعانه وانا اعطيها هالحليب حتى الله يعزج البراز مالها صار يابس
قبل ماكان جذي بس ان شاء الله بعطيها حسب النظام
بخصوص الحليب قولتج اغير لها الحليب ؟ موجود هالحليب الي ذكرتيه بالبرادات العاديه
ولا يبي لي ادوره لين احصله ؟؟؟ وممكن تقولين لي شنو شركته
مشكوره واايد افتديني والله

هلات اختي..
بكاء الطفل له اسباب عديدة..وليس من الضروري ان يكون لان الطفل جائع..فيمكن ان يبكي من المغص..الغازات..او الحفاض المبلل..او الرغبة في النوم..او حتى لجلب الانتباه له..

انتظمي على ارضاع طفلتك كل ثلاث ساعات..وبكمية تشبعها بالطبع..ولا تكرري عملية الارضاع لان ذلك يمكن ان يصيبها بالتلبك..ومن ثم الاستفراغ..
حاولي تغيير نوعية الحليب لانها وعلى ما يبدو غير ملائمة لها وسببت لها المغص..
ضعي الطفلة على بطنها وربتي على ظهرها برفق فلربما ساعدها ذلك على اخراج الغازات المزعجة..
يمكنك اعطاءها رضعات من شراب اليانسون المخفف..او شاي ميلوبا بالاعشاب..حتى تتخلص من الغازات لان الغازات والمغص سبب في بكاء الطفل في هذه المرحلة من حياته..
يمكنك الاستعانة بزيت الاطفال ودلكي لها بطنها برفق..كمساج خفيف..بحركة دائرية..فهو ايضا يفيدها في التخلص من آلام البطن..

وربي يحفظها لك..

انا اعرف وحده مثل حالتج بس ترضع طبيعي وكل ما ترضع ولدها يصيح ويفرغ فراحت الدكتور قالها لأنه حليبج خفيف وما يقعد في معدته فوصف لها حليب صناعي ثقيل وقالها تدفئة الحليب جدا مهمه عشان ما يفرغ البيبي ..وفعلا نفع معها وضبطت له مواعيد الرضعات

العفو عيوني وان شاءالله اكون افدتج

حليب كيكوز موجود في البرادات العاديه وهي نفس الشركه اللي تسوي حليب نان .. شركة نستله ..
وكلام الاخت التوت الزاكي سليم ميه بالميه
والله يخليلج بنتج ان شاءالله