السلام عليكم:
بدخل في الموضوع على طول على شان ما اطول عليكم..
انا عمري 20 وامي متوفيه من 4 اسنين الله يرحمها واخوي الي مطلعلي قرون وقت وفاة امي كان عمره 9 اسنين المهم اول سنه توفت فيها امي كنت انا وابوي الله يطول بعمره اي شئ يبغاه اخوي نسويه له لو يطلب وش مايطلب ينجاب له بحكم انه صغير و فاقد امي :44: المهم هو شكله تعود على كذا صار الحين لو قلنا لا قوم الدنيا و ماقعدها قلتله مو كل شئ نفسك فيه لا زم ينجاب بساعة الساعه اصبر كم يوم وراح نجيبه يقول لا ابيه الحين ولا خلاص ما عاد ابيه ( هو عنادي درجه اولى واذا بغى شئ خلاص يقفل مخه ماعاد يبي يفهم شئ) وطبعا انا وعناده بزحمه مرات انصحه لمصلحته والله بس هو الله يهديه لا زم الي براسه يمشي ولا خلاص يطنقر . هاذي المشكله الاولى
والثانيه : هو الحمد الله محترم ومؤدب مع الناس بس اذا احد قاله كلمه حتى لو بالغلط يرد عليه رد انا يغمى علي :44: وهو ولا عليه تقل ماقال شئ
و المشله الثالثه: انا قريت اكثر من موضوع هنا عن التحرش بالاطفال كيف اقوله ينتبه لنفسه و ينتبه من العيال كيف اجيب له الموضوع يعني كيف افاتحه فيه و خاصه هو الله يهديه ابوي لو يروح المحطه راح معاه البقاله راح الصناعيه يروح وهاذي الاماكن كلها هنود وبنقال قلت له انتبه لنفسك لا يخطفونك ولا شئ بسم الله عليك يقول انا مو رايح بنص الليل انا رايح وقت كل الناس برا البيت و انا والله من يوم مايطلع الين مايرجع حاطه ايدي على قلبي خايفه عليه ..
اسفه طولت عليكم بس والله دخت وتعبت منه وهو اذن من طين واذن من عجين الله يهديه
ايه صح طايحلي بكلمه تفطر قلبي لا هاوشته ولا شئ يقول ( ايه اصلاً انا داري انتم جايبيني من عند الزباله انا مو ولدكم ) وهو والله مافي احد من اخواني تدلع زيه
اسفه مره ثانيه والي عندها حل لي تقولي الله يجزيها الجنه والي ماعنده ترفع موضوعي الله يرفع عنها الضيقه...:35:
happy angel @happy_angel
عضوة نشيطة
يلزم عليك تسجيل الدخول أولًا لكتابة تعليق.
الله يخليه لكم ويهديه ماحبيت اطلع بدون رد وهذا رفع لعيونكالله يخليه لكم ويهديه ماحبيت اطلع بدون رد وهذا رفع لعيونك
الصفحة الأخيرة
الله يعظم اجرك
وان شاء الله البنات مايقصرون