السلام عليكم
الله يسعدكم ي بنات والله مالي احد غير الله ثم انتو انا بعيد عن اهلي مع زوجي .. زوجي من بعد ما رحت اخر مره لاهلي يجلس يقلي اهلك واهلك .. المهم اليوم كان معصب من شي تافه مشيتها .. شويه جاني يقلي ترى ابوكي ماعزم ابويه على فرح ولد خالك قلتلو طيب يمكن نسي يقلي هادي اصول مدري ايه والله انقهرت حرام ابويه يمكن نسي ما قصدو والله رحت قلتلو شي انا مالي شغل فيه لا تقلي هوا وانا متنرفزه قلي لا ترفعي صوتك قلتلو انتا مدري كيف تكلمني وتباني اكلمك باحترام وانا برضو محترمه نفسي والله قلتلو ايش تستفيد لما تجي تقلي يقلي ايوا انتي عارفه عشان دا الشي يسود وجهك ما تبيني اقلك قلتلو ما يسود وجهي ولا يبيض انا مالي شغل و فكلامو قلي يا حيوانه والله مرره مقهووره احس سار ما عندي احساس ماني عارفه ايش اسوي وما ابغى اهلي يدرو لانها راح تكبر وبس ..وكل مره مشكله على اشياء كدا تعبت والله وليا سنه وشويه تقريبا متزوجه .. سامحوني طولت عليكم ماعندي احد افضفضلو غيركم ..
يلزم عليك تسجيل الدخول أولًا لكتابة تعليق.
حلم وردي12
•
الحمد لله والشكر هذي حركات حريم عيب عليه، انتي طنشيه يمكن يبغى يستفزك بس
يوم يعصب اسحبي عليه وطنشيه لا تردي ولا تناقشي ولا تقصري بواجباتك بصمت لين يهدى ويهجد تقولي له لا تحاسبني على شيء ما صدر مني ..
Rseel**
•
احسن حل التطنيش استمعي له وبعدين قومي عنه وكنك ماسمعتي شي هو حاب يستفزك واذا ناقشتيه بيزيد بالكلام بس اذا طنشتي راح يمل ولا عاد بيفتح هالمواضيع قدامك
الصفحة الأخيرة