السلام عليكم
ارجووووكم خواتي عطوني حل مع اخواني والله تعبت منهم وطفح الكيل
انا اخواني كلهم متزوجين والحمد لله علاقتنا جدا حلوه معاهم ومع زوجاتهم يحبونا ونحبهم ويحترمون امي بس تصرف اخواني قااااهرني ومتعبرين شغاله لعيالهم ليش كذااا يسون ابي افهم
بقول لكم بعض مواقفهم معاي
مستحيل واحد من اخواني يقول لي او لامي نطلع معاهم التمشيات والطلعات لهم وعيالهم والله نطفش من جلسه البيت ,, اكيد بتقولون من حق كل واحد يطلع يتمشى مع زوجته وعياله انا اقول لكم لهم حق بس وش نسوي اذا ما عندنا احد يطلعنا ابوي كبير في السن وما يقدر على الروحات والجيات وما يطلع كثير من لبيت .. والله طلعت السوق بالحسره امي تحن على اخواني اسبوع اسبوعين لين ما يحن قلب واحد فيهم ويطلعنا واذا طلعنا يسب ويتهاوش ليش زحمه وليش هذا يطلع عليه وليش الاشاره تسكر بسرعه يخلون الواحد يكره الطلعه والله ماتسوى علينا الطلعه ونرجع بسب ليش تاخرتوا
اذا يبون يتمشون او يتسوقون وما يبون عيالهم يزعجونهم يجيبونهم عندنا في البيت
يجمعون عندنا يومين في الاسبوع يجيبون عيالهم من الظهر وهم ما يجون الا وقت العشا تخيلو 16 طفل اكبر واحد في اول متوسط واصغر وحده عمرها شهرين طول اليوم على قلبي وش بقدر اسوي انتبه لهم او اساعد امي في العشا وتعالووو شوفوا الازعاج وهواشهم عمه ضربني فلان عمه سوي لي اكل عمه بدلي ملابسي عمه لعبي معاي والله ما ينتهي اليوم الا ومنهد حيلي وراسي مصدع ما اصدق اذا طلعووو وراحوا البيتهم طبعا اخواني ما يجون الا قبل العشا بساعه نجهز العشا ويتعشون وعلى طول يمشون الا تعب من التسوق والي فيه النوم والي يتابع برنامج ويبي يشوفه في بيته وطبعا التنضيف والترتيب علي انا الشغاااله
بنت اخوي تقولي عمه يقول لش بابا اختي امانه عندك لاحد يضربها قلت في نفسي وش يبني اسوي اربطها في حبل واعلقها في رقبتي مثلاااا ( عمرها 7 شهور )
قبل يومين كانت زوجه اخوي عندنا في البيت وانا وامي معزومين في خطوبه وما طلعنا من البيت الا المطبخ نضيف وامي مسويه اكل ومخليته في الثلاجه قامت زوجه اخوي الحلوه طلعت الاكل وسخنته وكلوه وهي واخوي وماكلفت على روحها تنظف بعد ما تاكل والله ما رجعنا الا المطبخ معفوس ما غسلت المواعين ولا رتبت او رجعت كل شي مكانه العصير بر الثلاجه واللبن بعد انا بعد ما رجعنا دخلت المطبخ وعصبت قلت لامي تعلي شوفي المطبخ ليش يسون كذا ينتظرون الشغاله تجي تنظف قالت لي امي هدي خلاص بكره اذا جلست من النوم اغسل وانظف
قبل فتره اخوي يقول لامي بيروح مجمع يتسوق قالت له امي بنروح معاك اختك تبي تشتري لها اغراض قال لا لا تروحون منو يمسك بنتي ( عمرها شهرين ) انا اتعب وانا اشيلها وامها نا تعرف تشيلها خلوها عندكم واوديكم مره ثانيه من ذاك اليوم لليوم وما قال لنا يالله خل اوديكم كذاااب وما رجع الا الساعه ثلاث الفجر تعبت منها ومن صياحها
واحد من اخواني فيه نذاله هو وزوجته اذا طلع يدق يعلم امي وش سوا وين راح وزوجته تصور وترسل لي الصور يعني وش اسوي لي والي يقهروني اكثر تقولي المجمع الفلاني فيه بضاعه حلوه وملابس روحي اشتري لك اوقول لها انتي تعرفين انا ما احد يوديني تقول لي مره ثانيه اذا بروح امر عليك اوقل لها يصير خير وانا اعرف انها كذابه مثل زوجها
الحين جاااي رمضان وكل يوم يجون قبل الفطور بساعه ما يجون الا كل شي جهزناه انا وامي وما فيه شي يسونه مرتاحين من التعب لا وبعد يخلون عيالهم عندي عشان التسوق والطلعات
اانا تعبت منهم وحلفت لامي اني ما ابي اي احد منهم في رمضان يجون لنا وذا جاو يرحون ياخذون عيالهم انا مو ملزومه فيهم كفايه ما يطلعونا بعد يخلونا عيالهم عندي
ابي طريقه ابين لهم من غير ما يزعلوني امي خايفه انهم يزعلون
انتظرررررررر ردووكم ريحوني والله تعبت وفيني قهر عليهم
نوووره محمد @nooorh_mhmd
عضوة جديدة
يلزم عليك تسجيل الدخول أولًا لكتابة تعليق.
الله يعينك بصراحة
المرة الجاية لحطو البزران عندكم حطي نفسك مريضة او مزكمة خليهم يشيلو بزرانهم معاهم
المرة الجاية لحطو البزران عندكم حطي نفسك مريضة او مزكمة خليهم يشيلو بزرانهم معاهم
ياقلبي عليك وش مصبرك على القهر هذاااااا
المثل يقول الكلمه اللي تستحي منها بدهااااااا...
عطيهم كاااااش هم وزوجاااتهم ,, خليهم يحسبون لك حساااب .. مانتي مكلفه بعيالهم الا وقت الضروووره القصوى مثل رايحين مستشفى وكذا غيره لا...
ولاتستحين ولا عليك منهم هم مافكروا فيك ولا جابوا خبرك ..
قسم بالله قلبي اتقطع على امك الضعيفه تربي وتتعب وآخرتها عيالها كلهم ورى زوجاتهم يدورون رضاهم .. والله عليهم ذنب حرااام عليهم
بس باقي يجي لهم يوم ويشفون كل هذا بعيالهم ..
الله يصبرك ويصبر امك على غثاااااااااااهم ..
المثل يقول الكلمه اللي تستحي منها بدهااااااا...
عطيهم كاااااش هم وزوجاااتهم ,, خليهم يحسبون لك حساااب .. مانتي مكلفه بعيالهم الا وقت الضروووره القصوى مثل رايحين مستشفى وكذا غيره لا...
ولاتستحين ولا عليك منهم هم مافكروا فيك ولا جابوا خبرك ..
قسم بالله قلبي اتقطع على امك الضعيفه تربي وتتعب وآخرتها عيالها كلهم ورى زوجاتهم يدورون رضاهم .. والله عليهم ذنب حرااام عليهم
بس باقي يجي لهم يوم ويشفون كل هذا بعيالهم ..
الله يصبرك ويصبر امك على غثاااااااااااهم ..
ياقلبي لو تعطيهم مجال بينامون عندك قولي لحريم اخوانك الي تبي السوق تحط 100 وهي ماتشوف الدرب واضحكي مزحه برزحه والله بعدها مابتحطهم
هع هع
خلك قووووويه
هع هع
خلك قووووويه
الصفحة الأخيرة
تكلمي ي حبيبتي وقولي عياالكم يزعجوني توك بنت وش حادك على التعب لا وبعد اعمارهم صغيره 7 شهور سلامات يحطونهم على راسك؟
قولي لامك تكلم اخوانك والا انتي كلميهم عادي والله لو هم م يتحملوووون الزم م عليك راحتك حبيبتي