متفائله 999 @mtfaylh_999

عضوة جديدة

تعبت من تعـــــــــــــــــــــامل امي

السلام عليكم امهاتي الحنونات اريد نصحكن في مشكلتي لاني منهاره نفسيا تعبت كثير وسكتت وماحب اشكي لاحد بس هنا حبيت اطرح اتعابي بين ايديكن واسوني قولوا اي شي يخفف

انا اكبر خواتي واخواني ككل الخدامه مانعرفها الا اذا امي نفاس فقط ماعليه اصلا انا ماهضم الخدامات خدمت امي كثير مااتمنن ولا اتذمر لاوالله بس تعاملها معي قاسي جدا صحيح هي تخاصم اخواني تضربهم ان تطلب الامر وانا وصلت 27 ماسلمت من الضرب عادي اذا انا مخطيه ماقول شي اكثر اخواني اناث لكن بحكمي الكبيره اعظم الشغل على راسي لكن ماخفيكم يوم كبروا بدى يخف علي شوي ونقسمه المشكله الزبده امي في جلستنا العائليه سوالفنا ماتطيق مني اي كلمه بسرعه تكبرها وضخمها وتحطها مشكله وتصارخ وانتي اصلا كل البنات احسن منك ماشاء الله على فلانه وعلانه واقسملكم بالله ماخدموا امهاتهم كثري وهم يعرفون اني خدومه وصابره وخواني كثير يومهم صغار كنت اشيل الواحد وادور به لين ينوم على يدي وانا واقفه واترك اللعب مع البزران امي عصبيه وماخفيكم تاكل حبوب للاعصاب بس خواتي تعاملها معهم غير بجلستنا تحط كل الكلام الشين على راسي انا اسكت ماقول شي مرات انفعل ارد بس ابين الحقيقه خواتي الي كبروا الحين كنت اروشهم اغير حفاظهم امشطهم الان تاركه الدراسه اغديهم اعشيهم امي بس جالسه وتهاوش ماعليه ارتاحي يمه بس خفي علي ليه انتي مافيه مثلك انتي عاقه انتي اخس وحده هالكلام عند اخواني احسها بتغيرهم علي واحيانا يصيرون معها واروح لكل وحده امسكها على جنب انا كنت اسويلك كذا وكذا انا اختك الكبيره واعطيهم حديث الرسول صلى الله عليه وسلم ( فضل الاخ الاكبر على الاخ الاصغر كفضل الوالد على الولد ) مابيهم يشينون علي تكبرالعداوه انا صرت اتحاشى الجلوس من كثر اللجه وزياده خواتي الي تحتي 22 و19 تسولف معهم امي بارييحيه وتضحك وشفت خطيبة اخوكم وانا بالمجلس احيانا تعطيني نظره وكانها غصب تناظرني احسها تحب تقهرني وتغايرني حسيتني مخنوقه مره قلت مشاء الله على فلانه مصادقه بنتها الكبيره قالت ايه تستاهل الصداقه مهب مثلك ماتشوفني شي رغم الي يعرفني يمدحني وعارفيني خادمتها وعيالها ماقول لا الا اذا طفح الكيل صح احيانا تسولف وتدعي لي بالزوج الصالح بس تقهرني بتفرقتها مع خواتي دايم اذا شافت شي لبست شي تنادي فلانه وفلانه انا لا الا ماندر وشرايكم بلبسي وشرايكم انا الحمدلله مسيطره على خواتي بتعاملي ككبيره مايعلون علي والي تعطيني كلمه اردها بس ماحب تكون بيننا حزازيات حتى بالجمال تفضل الي تحتي رغم اني معروفه الحمدلله وخطابي كثير وطايرين بي عماني وخوالي من انا صغيره بس هي ماتشوفني شي ناادر تمدحني اذا مدحت خواتي وكثير تنغص علي الجلسه ثم تقول فارقي بس اجلس مخنوقه ونفسيتي زفت ولو ارجع من اجتماع مع القرايب تحب كل كلمه قلتي وقلتي وفضحتينا وانتي وانتي رغم ماقلت شي ماقول شي الا هم عارفينه قبل بس متسلللطه علي صارت شخصيتي ضعيفه مهزوزه لكن فيني اراده مهب سهل استسلم بس جد تعبت مرررررررره غير العبوس الي بوجهها علي دايم :44: انصحوني ابي امهات عاقلات

يلزم عليك تسجيل الدخول أولًا لكتابة تعليق.

تسجيل دخول

miss dala33 • 13 سنة

الله يفرج همك يارب

دلوعته. • 13 سنة

حبيبتي مهما كان هذي امك
امك ثم امك ثم امك
ثــــــــــــــــــــــــــم ابوك.

الله يخليها لكم ان شاء الله ولايحرمكم منها

متفائله 999 • 13 سنة

ماقلت شي امي ثم امي ثم امي بس لاتخنقني وانا حيه تفرق بتعاملها بيني واخواني عشت ميته وانا حيه ماتجوز التفرقه وهي ماتناقش ولا تنصح تقلبها على راسك

عكة • 13 سنة

انا بصراحة ماقدر اقلك الا يارب يرزققك بابن الحلال يارب
ودايما حاولي الاستغفار

انامل حزينه • 13 سنة

غاليتي ..

شكل امك تغار منك لانك الكبيره والقريبه لها طنشي والحمدالله انك واثقه من نفسك الحياة حلوه بس علينا نمشي الموضوع بهدوء وتفكير صحيح

اهم شي خواتك يحترمونك وهذا شي رائع

ومن اسلوبك انك ذكيه وتعرفين تتصرفين بحكمه ماشاءالله

الله يوفقك وييسر امرك ويرزقك ماتتمنين