يااختي انا اصبت بهذا المرض لي سنتين ولو اهملت نفسي راح يستمر سنيين لان هذا المرض صعب ....انا جاتني وسواس قهريه قتلتني وتعبتني مررة على طول قلقانه لاطعمللاكل ولا للنوم ولا شي في الحياة حتى وانا حامل اتعبني على طول قلقانه واوسوس بدا عندي في الطهارة كنت مااخرج من الحمام اقعد انظف نفسي والواسواس يقولي انتي وسخه كيف تخرجين من الحمام وتصلين وانتي نجسه واقعد باساعه اغسل واشطف ويخيل لي ان نزل قطرات من البول حتى طفلي جننته معايه كنت اذا غسلته اجلس ساعه في الحمام وكان يبكي يقول ياماما انا تعبت وانا كان همي ال حيد اني ارضي الوسواس واني مااخرج وكنت اطاوعه عشان لااقعد قلقانه....بعد كذا قريت عن المرض وعرفت انه مرض نفسي يسمى الوسواس القهري جميع بني ادم عندهم وسواويس بس يقدرون يدفعونها عنهم بدون قلق وتعب....بس البعض يزيد عندهم ويصير هو محور حياتهم تدرين ليش بسبب نقص مادة السيرتونين في الدماغ مرض وله علاج زي اي مرض بالدنيا ....بديت اقرا واثقف نفسي وقررت اني اروح لطبيب نفسي ورحت وصرفلي دواء للوسواس حبة يوميا كان الكل ضدي زوجي واهلي يقولون لي لاتروحين تتعالجين عند اطبتء النفسيين ذولا يعالجوا بس المجانين زوجي اللي الممكن يكون عون لي يقولي ماراح اوديك مستشفى المجانين واصريت على قراري لان ربي قال لكل داء دواء....ولان مايحس بالنار اللي رجل واطيها...ورحت غصبا عنهم كلهم واستمريت على الدواء النفسي الحين لي 4 اشهر والحمد لله تحسنت كثير ومتابعه مع دكتور نفسي واستمر على دوائي الحين بعد الدواء صرت اقدر اطنش من غير مايجيني قلق او توتر حياتي الحين احسن من قبل كنت ظالمه نفسي لما اسمع كلام الناس عن الطب النفسي ضيعت سنتين من عمري وانا الوساويس تلعب بي موبس في الطهارة في كل شي بس الطهارة هي بدايته.....

حبيبتي والله اني رديت على موضوعك لاني حاسه فيك وبمعاناتك...علاجك بيدك انتي روحي لطبيب نفسي وراح يعطيك دواء يرفع مادة السروتونين وراح تتحسن حياتك وتتعافين بس لازم تستمري على الدواء ولاتتوقعين انك بتتشافي من اول حبه لازم الاستمرار على الدواء عشان تحسي بالتحسن ...روحي وجربي وراح تندمين انك كنت تطاوعي الناس وتخافين من الطب النفسي ارمي كلام الناس وراء ظهرك والله انهم كلهم عايشين حياتهم سعيده ولايحسون بمعاناتك وقلقك ....روحي لطبيب نفسي وتوكلي على الله وكرر دوما حسبي الله لااله الا هو عليه توكلت وهو رب العرش العظيم..والله يشفيك ويرفع عنك ماانتي فيه

اختي حاسه فيك وبمعاناتك لاني عانيت 7سنوات من اشياء غريبه كاني بحلم انفصلت عن العالم. ماعرف من انا ومو حاسه بوجودي .وسوست بالموت.وساوس باشياء خارجه عن المألوف وسواس اني اسوي شي بنفسي او اولادي واشياء الله لايعيدها
العلاج النفسي جربته سنه ونص خفف الاعراض كثير لكن زاد تبلد المشاعر وسبب لي وسواس بالدين وهالشي خلاني اترك جميع العبادات ماعدا الصلوات المفروضه لاني ماحس بروحانيه وخشوع وحتى الدعاء صرت ماقدر ادعي لنفسي
بعد كورس العلاج وقفته لي الطبيبه جلست 4سنوات احس مفعول العلاج مازال ساري وكنت عايشه حياتي لكن بدون طعم او لون او اي مشاعر خصوصا تجاه زوجي واولادي لكن على الاقل قادره اهتم ببيتي واطفالي وزوجي معطيته طناش
قبل كم شهر حسيت ببداية انتكاسه مع الم براس المعده خصوصا الصباح وكنت افكر ارجع للعلاج لكن قررت ارقي نفسي بالفاتحه وارجع ادعي حتى لو ماحس بخشوع وبلذة الدعاء رجعت اقرى قرآن حاولت احافظ على الصلاة والاذكار قدر المستطاع والحمدلله احس ان الفرج قريب لاني مرتاحه من داخل احس بسكينه وطمانينه وصرت اقدر اتحكم لما تجي الوساوس ابعدها بالاستغفار
حللي فيتامين د.وحللي جرثومة المعده .والقولون لانهن يسببن وساوس
اخذت علاج قبل فتره لنقص فيتامين د.وعندي تقرحات بالمعده والتهاب واخذت لهن علاج واتوقع لهن دور بعد الله
صحيح الى الان ماتشافيت تماما لكن يكفيني اني صرت اقدر ادعي لنفسي واحس بسكينه
الله يشفي مرضانا ومرضى المسلمين ويجعل ما اصابنا رفعه في درجاتنا

عالجت الوسواس بقيام الليل بسورة البقرة والحمدلله تلاشى وسواس الموت يارب يشفي كل من يعاني