تعبت من حالي

تعبني شكلي
اولا السلام عليكم ورحمة الله وبركاته يعني دحين انا بكتب هالكلام والله وحده عارف بحالي الحمد لله على كل حال والله ألم كبييير مره انا شكلي عادي تقريبا بس وجهي مره صعب ملامحي كبيره يعني ولا ماابقه ادخل فتفاصيل شكل وكده الحمد لله على كل حال والله مره الوضع يلي انا فيه مخزي ومتعب اهلي فالبيت يتنفرو مني حتى لمن اقعد معاهم يروحو من المكان لمن اكل معاهم يقومو او يقولو نحنا شبعانين ويقولوها بطريقه غير مباشره (تشوه بصري) اعرف قاصديني اخواتي لمن نخرج مكان يتنفرو مني ويعملو حالهم مايعرفوني وفالبيت مايهرجوني ماانهم ماهم احلى مني بشي ولو دققنا فالموضوع انا احلى منهم بس اش نقول قدر" لني لوني افتح وقوام جسمي جميل واطول منهم مش كلهم بس هم فملامح الوجه تقدرو تقولوا اهضم شوي مني لنو وجهي فيه بقع سوده بنيه كده وملامحي كبار بس شكل وجهي حلو لاكن الملامح والبقع يلي معرف اش اسويلها عالعموم طول الوقت يقهروني بشكلي اختي يلي انام معاها فنفس الغرفه تنام بالأرض عشان لاتنام معايا وخوي متزوج ومين لاكن اذا جا شافني مايقعد فالبيت يقول عندي شغل والكلام دا ويروح وذا كان يهرج مع اهلي لو جيت تحجج بالشغل وراح كل مره كده وعيال اختي يتجنبو يجو بيتنا قال عشان لايشوفوني ومن ابطل اقعد معاهم يصيرو يتجمعو وياكلو وكل شي بس من اجي يتغير كل شي لمن نروح مناسبات الكل يجلس يطالع فيني بنظره غريبه كني جني لدرجة يسلموا عالناس بس علي لا ولاجيت اسلم محد يوقف يسلم علي بس يمدو يدهم والله تركت دراستي صح السبب الرئيسي مو شكلي بس كان شكلي سبب بس من طرف اخر ماصار عندي صحبات ولا احد والله خسرت اشياء كتير بسبب شكلي والله شخصيتي مره حلو وفله وحقت فرفشه وضحك ووناسه لاكن شكلي مخرب علي مره حتى لمن اخرج بنقابي وعبايتي الناس تتنفر مني احاول اكشخ واتضبط بلا اي فايده وجهي غريب مهمها اسوي فيه مافي فايده حتى الكاوافير يعملوا لاخواتي يطلع حلو علي مره مايطلع حلو ولو عجبني ورحت فيه الناس كلها تتجنبني ولي يبعد ولي يشفق ولي يضحك والله شي يكسر الظهر انا انسانه عندها عزت نفس وكرامه هالشي مره مؤذيني ومتعبني كني من كوكب اخر والله حصلت لي مواقف تهد جبال بس الشكوه لله تخيلو مره كنا فالحديقه وكده يمرو شباب وانا خارجه من الحمام ويطالعو فيني ويضحكو بصوت عالي جدا وعيلتي والناس واخواني والكل صار يطالع فيني والله وقتها تمنيت الارض تنشق وتبلعني والله موقف لا احسد عليه ومره كنت ماشيه فحالي فالعيد وكان في ولد يبيع ورد وأي وحده ماشيه يقولها الورد للورد اشتري ورد وجيت انا قالي نفس الجمله بعدين قال ظلمت الورد وباسها والله شي مؤلم تخليو وحده تكشخ للعيد وينقال لها كده محد يحس بالألم غير يلي جرب الشي وغيره وغيره كثير هادا اهون شي بينهم اتنقبت لاكن للاسف الوضع زيما هوا لدرجة صرت احسهم بيشوفو شي انا مابشوفه لنه الصراحه مو للدرجه دي شينه عشان يعملو لي كل دا ودايما اسأل نفسي لمن اطالع فالمرايه الناس اش بتشوف ليش ماهي متقبلتني مره كده معقوله بتشوف شي مابشوفه ولا اشبهم يعني والكل كده يعني مو اشخاص معينين الكل يناس حتى لمن اروح المناسبات الكل يبتعد عني واقعد لوحدي سلامات اليس منكم رجلاً رشيد يعني اتقو ربكم تخيلو مره رحت بيت خالتي مع اهلي وكده يعني عاملين عزومه وكده بنتها بتعرس وكده كانو بيعملو جمعة بنات عندهم يلي هيا العروس واخواتها وصحباتهم وكده انا سمعتها بإذني محد قالي سمعتها دقت على اختها لنها كانت بره مدري هيا يلي دقت عليها الزبده تقولها تراها في جات تقصدني الزبده قالتلها خلاص نكنسل الجمعه نخليها يوم تاني والله يناس ماوداني الا الواجب واذا قعدت اهرج مع وحده فيهم تهرج فإنتحار ماانتحار او موت ماموت او عن القبح وكده واحاول اغير الموضوع وترجع له تاني يشهد الله اني بضغط كبير وألم متعب فين اروح يعني انتحر حاولت كثير دعاء رقيه سورة البقره اذكار وللان ماتغير شي حاولت خلطات رجيم مااني ماني دبه وزني ٥٦ وقبل كان ٥٢ بس مع الهم صار٥٦ زاد٤ كيلو بس وجهي مليان شوي شكل جسمي جميل وساعه رمليه وعندي ارداف يعني جسمي جميل لوني جميل ماشاء الله شعري مش بطال وجهي وماادراك ماوجهي سبب ألمي كنه فيه مصيبه كلشي اسوي له مايضبط اما يحرق البشره او يطلع حبوب ويلي مكسرني اعرف اش اعمل بس ماعندي قدره ماديه اعمل شي اجلس اكلم ماما وديني دكتور بشره تشيل البقع ومشاكل البشره عالاقل؟ تتكلملي فالحاله الماديه يعني تتحججلي بأي شي واخواني مو طايقيني شغل مقدر اشتغل من يشغلني اصلا ولو لقيت شغل ماما ماترضي قال صغيره عمري يناس ٢٠ او بدخل ٢٠ بعد كم يوم كده واخواني مو طايقيني بالعافيه مستحمله اعيش معاهم ولو ادري لو خرجت في مكان اروح له كان رحت من زمان فكرت انتحر بس انا يلي بخسر لو سويت كده فكرت كذه مره اني اعمل عملية تجميل لوجهي بس كل الابواب مسكره فوجهي ماعندي ربع قرش حتى ولا حتى ادري من مين اخذ ولو خذيت من بيوقف معي اسافر وكده والحال كل يوم ارده من قبله والله الم انا بتكلم ويدي على خدي عاجزه عن كل شي صرت نكره فالحياه ذل فكل مكان من الكل الصغار والكبار صعبه والله صعبه عزت نفسي وكرامتي قاتليني ومعرف كيف ادافع عنهم ولا حتى كيف اتصرف وكلشي ضدي كده طب اكلم مين سويت كلشي لاكن لا جدوى ٨سنوات اعاني بعمر ال١٥ طلع فشعري شيب استغفرت تبت لربي صرت طول وقتي اعبد ربي لا اروح لا اجي لااخرج ولا ارجع اجلس بالشهور ماقربت باب البيت فعليا مدري ليش عايشه اوقات نفسي فشبس وفرفشه مقدر اخذ ليش عشان ماعندي قرش واحد واجلس بالشهور مامسكت فلس واحد والله كثير كده علي والله اخ بس اخ الم فالبيت الم بره فين الواحد يرتاح عندي امنيات واشياء كثير ابغا احققا بس شكلي واقف قدامي حاجز عني كل شي يقولو مافي مستحيل فالحياه تعرف على حياتي لتراه شايفه اشياء كثير خسرتها وبتروح مني عشان شكلي سُمعه زي الزفت حياه الحمد لله اش اعمل طيب اشحد يعني والمشكله من مين نفسي فحل يخلصني من هالهم الثقيل تخيلو تكونو فمكان الكل يتنفر منكم كنكم قزاره او تجلسو مع اهلكم ويسبو المكان ويروحو والله شي غريب ومقدر انا اقول عن نفسي قبيحه ممكن اكون مش واو لا كن مايستحق كل دا يلي بيسوه معايا كنهم مو مسلمين والله وللان مالقيت حل من كنت ابكي لين صرت احبس الام فيني لني مدري كيف اعبر عنه اوقات من قوت المصايب يلي بشوفها قلبي يصير ينبض خفيف وبعدين يكمد كده كنه بيوقف احس فيه والله انكسر كثير وحسيت فعليا بكسرة القلب اكثر من مره لدرجه فكرت اني بموت مرات والله لو احكيكم المواقف يلي صارت لي ادري بتبكون وتقولو كيف مستحمله 😔 لا وكل دا وانا فنفس الحال للان اش اسوي كل ماشفت وحده جربت شغله رحت سويتها من دعاء من ذكر من عباده عنايه سويت تطلع لي نتايج عكسيه والله حياتي قاسيه جدا والكلام دا كلو ماعبر عن ربع يلي انا فيه او مريت فيه والمشكله عمري٢٠ سنه وصار تقريبا٨ سنوات وانا متبهدله فالحياه دي لاني عايشه مع العايشين ولاميته مع الميتين ودا نبذه عما انا فيه الان واكتفي بذا القدر لنو في بعض الألم صعب تترجمه حروف وبعض الكلام صعب ينكتب بس الحمد لله على كل حال اعرف اني منتهيه عالاخر لاكن للان عندي امل يفرج عني والقى حل واقدر اعيش اخ بس اخ نفسي احد يساعدني والله اتمنى اخرج من البيت دا بس فين اروح والله عندي عزت نفس وكرامه قتاله كل يوم اموت ألف موته لين متى يعني معقوله كده يناس والله مره مقهوره كرهت اهلي وكرهت عشرتهم بس فين اروح فين وعند مين واي خلاص قنعت الصراحه .
بس تدرو كيف شكلي منجد بنتحر وخلاص اش اسوي طب