السلام عليكم ورحمة الله وبركاته
حيا الله اخواتي الغاليات
كل وحده منا تتمنى انها تنعم بمطبخ يشع نظافه كل يوم بدون تعب
ومن هذا المنطلق<<< يا كبر هالكلمه وشلون قويتها خخخخخ
بعطيكم فكرة تريحك في الطبخ اليومي والنظافه اليوميه
والفكرة كالتالي
خلي لك دولاب مخصص للاشياء اللي تستخدمينها يوميا مثل قدرك اللي تطبخين فيه واذا معه قدر اضافي وصينيه بايركس قد شخصين
وصحون الغداء والبوادي
وممكن شبك تحطين فيه الملاس و3 ملاعق و3 سكاكين و3 شوك وملعقة التحريك الخشب وملعقة السلطه وقطاعة البصل
يعني شوفي حاجتك اليوميه واجمعيها بدرج وخليه قريب من المجلى او الفرن
وحتى التقطيع قطعي واشتغلي على الطاولة اللي فوف هالدولاب
يعني تصيرين ما استخدمت الا ركن واحد فقط
هنا بتقولين ليه
انا اقولك لان كثرة تفتيح الدواليب يوميا يوسخها ويخربها
وانت كذا وفرت على نفسك خصوصا بعد ماتغسلين المواعين اليوميه
تدخلينها على طول في الدولاب هذا ماتقعدين تفرفرين في المطبخ
وتمسحين الدولاب كل يوم لانه هو الوحيد اللي راح تستخدمينه
هذي الفكرة طرحتها في ملتقى الاخوات العرايس
وحبيت انكم تستفيدون منها
واللي تستفيد من هالفكرة تدعي لي ان الله يعنني واحفظ القران ويجريه على لساني
ويصلح لي النية والذريه
ويجعلني قرة عين لزوجي
فكرتك حلوه