تعبت من حيااتي افكر اطلع ..😰😔😔😔😔

السلام عليكم
زوجي عنده اكثر من شغل وهذا كله مسبب لي مشاكل او يمكن طبيعة زوجي هي السبب ..أنا متفهمه وهاديه غالبا ..اوقات كثيره زوجي يجي تعبان ومكشر ومتضايق اتجنب اي نقاش وافهم ان عنده مشاكل في العمل انتظره هو يفضفض لي واوقات يتكلم واعطيه حلول لكن ...كثير من الاوقات أنا الضحيه في كل مضايقاته ،،لاتفه الامور مزاجه يتعكر لكنه يحط القهر فيني أنا من يدخل مكشر ويعصب ويصارخ علي ويتلفظ الفاظ سيئه من غير سبب نهااائي .. البدايه اسكت لكنه يتجاوز ويتمادى حتى مع سكوتي يتصيد علي .. وعادي عنده يدخل علي المطبخ وانا اشتغل واسوي كل الا يحبه وانا حامل والله اوقف بصعوووبه في هالشهر الفضيل وهو يجي بكل بساطه يصارخ ويتصيد ويعصب ..مثلا بنتي الكبيره اخليها تساعدني في تقطيع السلطه وكل شي أنا مغسلته والصحن بس اخليها تقطع لاني اكون اطبخ وتعبااانه يجي يصااارخ باعلى صوته يقولي أنا المسؤوله اسوي كل شي 😒 بدل مالبعكس يشجعهم يتعاونون معاي 😰 وانصدم منه اسكت يتمادى ويصارخ ويسبني وفوق هذا حتى لما يعصب على اولادي يقول لهم الله يعلن امكم وانا مالي ذنب في الا صاير وكل شوي رايح جاي يلعن فيني عن طريقهم ..وحتى في اثناء نقاشنا والا يسولف يتلفظ الفاظ تنرفز مثلا ياهبله ياغبيه وهالكلام الا ماله داعي ..تعبت نفسيتي والله زههقت ..وفوق هذا لما ابي مشوار غالبا مرفوووض بناتي للان للعيد ماشريت لهم واغراض احتاجها بصعوووبه يوديني ..وفوق هذا يوديني وهو يهذر طوول الطريق اني وقفت اشغاله وعطلته مع انه غالبا ينزلني ويروح يعني امشي لحالي ..دائما احتياجنا اخر شي يصير ،،كل شغله عشان الناحيه الماديه افضل لكن شنو استفيد اذا ماعنده وقت يطلعني اصلا وش استفيد بالماده ؟ هذا اقاربنا والا ماديتهم اقل منا يطلعون ويقضون اغراضهم واحنا لا ..لدرجة اوقات حتى اغراض الطبخ تخلص واظل مده اقوله ماافيه يالله يجيب اغراض وملابس العيد بهالحاله اخر الناس احنا نطلع في هالزحمه وفوق هذا لما يشوف زحمه يهذر وغالبا مايخليني اكمل يرجعني ..حياتي لحالي عايشتها طول وقته بررره اشغال في اشغال ماتخلص يجي للاكل والنوم والصراخ والسب والشتم وبس يكلم واحد يقوله كلام حلو أنا مايقوله لي أنا لي عصبيته وتكشيرته .. من جد تعببببت من حياتي معاه ..اوقات افكر اروح بيت اهلي لكن هناك حياتي صعبه مع اولادي مو مثل قبل أنا لحالي ..😰😰😔😔😔 لمتى بنظل على هالوضع 😰😔