هذا واحد غشاش الله يعينك ليه ماقال من البداية

الله يفرج همك يارب

الله يفرج همك

لكن لو انفصلتي وش مصير الطفل الصغير

لازم يعرف اهله وياخذ حقه كامل من ابوه

اصل الزواج اشهار
وانتي بموافقتك من البدايه
سمحتي له انه يدوس علئ كل شي فيك

اي دين يرضى بهذا
انتي تقولين انه رجل صاحب اخلاق ودين

وانا اقول اللي بالخش والدس هذا مهب دين
وحرام عليه يخيرك بين امرين كل واحد اصعب من الثاني

لو انك فكرتي قبل لا تحملين
كان قلنا لك انفصلي وبس
لانه ما اعلنه قبل يعلنه هالحين
وبما انك حملتي وصار عندك طفل
اسالك بخالقك وش ذنبه يعيش منبوذ
ليش تخلينه يعيش عيشتك ظلام وخوف
اذا انتي واجهتيه وقالك ماعندي الا هالامرين


معناته
روحي لابوه او امه
او ادخلي بيت اهله وزوجته وقولي انا زوجة فلان وهذا ولده

خليه يحس ان انتي منتي سهله
طبيعي بيقعد يصارخ عليك وبيزعل
ويمكن يقول مابيك
وروحي لاهلك
لكن على الاقل انهم دروا ان هذا الابو عنده ولد من زوجه ثانيه

فكري اذا كبر الولد
والا مات ابوه بعيد الشر
وش راح يكون مصيره


فكري فيه
قبل لاتفكرين بنفسك


وقبل هذا كله
استخيري واكثري الاستغفار

وقولت لاحول ولاقوة الا بالله
كل شوي قوليها
وردديها
وقولي اللهم لاسهل الا ماجعلته سهلا وانت تجعل الحزن ان شئت سهلا
ردديها بكل وقت
وبأذن الله راح تشوفين الخير

الله يكون بعونك





استغفرالله العظيم