انا شاركت في هالمنتدى علشان افضفض لكم واقولكم اللي بقلبي ، انا تعبانه من حياتي و بعدخاطري مكسور من أمي اللي احسها تكرهني وحتى يبين هالشي من طريقة معاملتها لي.
بقولكم مواقف وانتو احكموا بنفسكم.
أول موقف: يوم كنت أمشي معاها بالسوق، تقولي يا فلانه، انا اتفشل منج لما تمشين وياي. وخري عني وخلج بعيد.
مرة يوم كنت بحول ال 17 سنة ، وحدة قالت حق امي جدامي، انا ابي اخطب بنتج لولدي، بس خل يكبرون شوي. تروح أمي وتقول لها لا عندها اخت اصغر منها وأحلى منها بعد. تخيلو وجدامي بعد
حتى لما اقول لها مثلا تعالي معاي هالمشوار كلة تقولي روحي بروحج، ولما اختي اللي اصغر مني باقل من سنة، تقول لها يما تعالي معاي تروح وياها طيران (بس لانها مخطوبة كانت والحين تزوجت)
في كلامها معاي كله جفاف، واحسها دايما تكلمني وترد علي بالغصب. ومع خواتي دايما تسولف وتضحك
لما تصير مواقف وتعصب علي معنه حتى لو كان سبب تافة تروح اتقوم الدنيا وتدعي علي وتتحسب علي وتقولي ياليتج متي وماندولدتي. وتقول انتي بنت عاقة وماتستحين ع ويهج والله ياخذج وانتي مب بنتي وانتي انانية وانتي وانتي.. مايخلص الكلام، وعقب تروح تقول حق كل العالم السالفة وخاصة ابوي وعقب ايروح يهاوشني وانا اصلا ماسويت شي!!!!!!!!!
وخواتي لما يصارخووون على امي ماتقولهم شي عادي كللللش
مثلا قبل عرس اختي ، قالت لي بتروحين تقيسين فستانج حق عرس اختج، واصلا هي ماتروح معاي مكان الا حق هالفستان علشان بلفيت ان الفستان يطلع حلو وهي تشوفة وان واجهه جدام الناس وقلت لها متى؟ تقولي 7 ونص ، قلت لها اكيد 7 ونص؟ تقولي اي اكيد ، قلت لها مب قبل لان عندي وايد دراسة ومابيقيل العصر علشان أطلع. يوم صارت 7 تقولي يالله بنروح! قلت لها انتي قلتي 7 ونص، وتمت تصرخ علي واتقولي انتي عاقة وماتستحين على ويهج ولاتقولين لي يمة وانا مب امج وتروح تصرخ علي! تخيلو بس بسبة اني قلت لها انتي قلتي بنطلع 7 ونص.
واول امس اختي الأصغر ( عمرها 16 سنة) تصرخ ع امي وامي كلش عادي عندها وتضحك في ويها.
واليوم مثلا اختي تبي تشتري قهوة من ستاربكس، بس كان كلة شباب، قلت لها لا مابي اروح، كلة شباب تروح تصرخ علي واتقولي انتي انانية وماتستحين وبس تفكرين بنفسج. اختج تبي خاطرها فيه وانتي اصلا اتشوفين الشباب ميتين عليج يلاحقونج ماقول الا مالت. وتقولي انتي رافعة الضغط علي لاتخليني اعصب عليج بعد. وطبعا مارحت.
وحتى في الاسواق في السفر لو سافرنا ماتدور لي شي كلة تطلع حق خواتي وتقولهم شوفو ذي حلو لكم وانا كلش ماعطتني طاف ولا حتى معبرتني. وانا لما اختار شي واوريها اياه تقولي يلوع الجبد رديه لين مانرجع من السفر وماشتري فستان. وعقب لما خالاتي يجبون بيتنا خواتي يرونهم الاشيا اللي شروها ويوم يسألوني شنو شريتي اقولهم ولاشي ، تروح امي تقول لهم هي دبة وين تحصل شي بمقاسها وهاي بخيلة تخشش الفلوس ماتبي تصرفها.
مرة كنا مسافرين، وباقي يومين لين مانرد بلادنا، انا ماشريت ولاشي كلش! وبس هالمرة الوحيدة اللي قلت لها تعالي معاي السوق ابي اشوف لي شنطة، راحت وياي بالغصب وتمت تدش المحلات بسرعة بسرعة وعقب بدون سبب عصبت علي بالسوق جدام خلق الله كلللهم وتروح تقولي اكرررررررررهج وتروح تصرخ علي وضربتي بالسوق جدام الناس وتهاوشني معني والله ماسويت شي!!!!!!!! :( تخيلو صحت بالسوق ماقدرت اتحمل انفجرت وراحت اختي تصيح معاي وتقولها انتي مب أم والله مب أم جي تسوين لها وهي اصلا ماسوت شي! وخلتنا وراحت. قمت اتصلت حق عمتي (عمتي كانت مسافرة ويانا ذيج السنة) وياتني وكسرت خاطرها وتمت تدور معاي شنطة.
مرة كانت ماخذتني من الجامعة ورحنا بيت رفيجتها علشان رفيجتها كانت تبي تعطيها غرض. نزلت وياها ورفيجتها شافتني وتروح امي علطول تقولها ترا بنتي شكلها عادي ولو تشوفينها بالميكياج تطلع وحده غير، دايما تحسسني ان فيني نقص وان شكلي مب حلو. عاد شسوي لو انا جي الله خلقني جي :(
معني والله اهدى وحدة بالبيت وماتكلم وايد بس مادري شفيها جذي تكرهني!!!! انا حاز هالشي بخاطري واااايد وتخليني اكرهها ماودي اكرهها بس من حركاتها معاي ماقدر استحمل صراحة :(
والحين اختي حامل، وتخيلو كلش ماقالو لي :( انا فهمت يوم كانت تكلم اختي واشوف اختي الصغيره تقول بتصير ابو عقب سنة :(
وااللي كلش حز بخاطري :( تخرجت والحمدلله من الأوائل على مستوى الكلية ومحد عبرني ولا قدرني ولا حد حتى قالي كلمة مبروك، اميي اللي هي امي ماباركت لي!!! بس ابوي :(
حتى هدية محد جاب لي ولا حد من لا ابويي ولا اامي ولا خواتي ولا خالتي ولا عماتي ولا حد حتى مبروك ماقالو :( وقبل يوم تخرجوا بنات اعمامي وخالتي ، معنه معدلاتهم ماكانت اوكي مطروهم بالهدايا.
والله حاز بخاطري هالاشيا واحس نفسي مبوذه مكروهه ومحد يقدرني.
والله اني اكتب لكم واصيح ونفسيتي تعبانه من حياتي اللي كلش ماحد فيها يقدرني ولا يحترمني فيها احس نفسي دايما مخنوقة ومتضايقة
ماحس حد معاي احس دايما بروحي ، ماحس ان حد يكون حوالي لما اكون محتاجه معني ماقصر مع الناس :(
ادعو لي ان ربي يفرج كربتي بس :(
خاطري مكسوررر @khatry_mksorrr
عضوة جديدة
يلزم عليك تسجيل الدخول أولًا لكتابة تعليق.
white haert
•
طنشي
غريبه معامله امك لك
بس بلكن جدتك ام امك كانت تعامل امك بدي الطريقه
فأمك سارت زيها ، اكيد في سببب يخلي امك تعاملك بدي الطريقه
بس مالك غير الصبر وكوني دايمن قولي الله يهديها ويصبرك ويقويك
بس بلكن جدتك ام امك كانت تعامل امك بدي الطريقه
فأمك سارت زيها ، اكيد في سببب يخلي امك تعاملك بدي الطريقه
بس مالك غير الصبر وكوني دايمن قولي الله يهديها ويصبرك ويقويك
يا اختي يمكن انتي فاهمه امكك غلط
وبعدين انتي تعرفين تشترين واشتري ع ذووقكك مو لازم تشاورين بلبسكك اخذ هذا والا هذا
ومبروووووك التخرررج وان شاءالله تتوظفين وتتزوجي واحد يرضيككك وماتشوفي غيره
ولازم بهالفتره طوري نفسكك اقري كتب ضيعي وقتكك فيها لا تكبتين بنفسكك وتنفجرري وتتعبي
واهم شي الصلاه والسترر والاستغفاااار واذكري الله كثير والوتر
واهم شي امكك لاتزعلينهاا وطيعيهاا وبري فيها يكفي انهاا سبب دخولكك الجنه
وبعدين انتي تعرفين تشترين واشتري ع ذووقكك مو لازم تشاورين بلبسكك اخذ هذا والا هذا
ومبروووووك التخرررج وان شاءالله تتوظفين وتتزوجي واحد يرضيككك وماتشوفي غيره
ولازم بهالفتره طوري نفسكك اقري كتب ضيعي وقتكك فيها لا تكبتين بنفسكك وتنفجرري وتتعبي
واهم شي الصلاه والسترر والاستغفاااار واذكري الله كثير والوتر
واهم شي امكك لاتزعلينهاا وطيعيهاا وبري فيها يكفي انهاا سبب دخولكك الجنه
الله يهديها امك
استغفري حبيبيتي كثير وادعي ربي
يلين قلبها عليك وربي راح يستجيب لك
جيبي لامك هديه مثلا او سوي لها طبخه تحبها
روحي بوسيها وضميها وقولي يمه انا احبك
وش قصرت فيه عشان تعامليني كذا وان شاءالله
ربي يحنن قلبها عليك
استغفري حبيبيتي كثير وادعي ربي
يلين قلبها عليك وربي راح يستجيب لك
جيبي لامك هديه مثلا او سوي لها طبخه تحبها
روحي بوسيها وضميها وقولي يمه انا احبك
وش قصرت فيه عشان تعامليني كذا وان شاءالله
ربي يحنن قلبها عليك
الصفحة الأخيرة