تعبت من حياتي

الأسرة والمجتمع

السلام عليكم ورحمة الله وبركاته انا بكتب لكم موضوعي لاني والله تعبت مني ومن حياتي انا من اول ما جيت عالدنيا وحياتي كانت صعبه ابوي وامي ناس صعبين في التفاهم واميين وتربيتهم جدا كانت قاسيه لدرجه ان عندي دايما احساس بالنقص مهما سويت ومهما مضت االايام اكره نفسي بزياده المهم مضت الايام وانا عالحال من سئ الى اسوأ لدرجة اني كل يوم اذا ناموا كل اللي في البيت اجلس واصيح من قلب كبرت ولا تزوجت اختي صارت خطابه عشاني متخيلين ماظل احد في ديرتنا مادخل بيتنا كلهم يشوفون ويطلعون ولا يردون حتى بكلمه اخوي اللي اصغر مني ب ٧ سنين صار يقولي انتي عانس ماحد يبيك وابوي يقولي متى افتك منك انتي عوره دايما احس اني غلطانه او مرتكبه جريمه ودايما احاول اسوي كل شي انظف واتعب واسوي كل شي ينطلب مني ابي احسسهم اني نعمه مو نغمه خايفه تمر الايام وماتزوج اصير شي ثقيل على اخواني وحريمهم اكبر اخواني سافرت معاه مره ذلني واهاني بشكل الله يعلم فيه مع ان السفره كانت ثلاثة ايام ياربي تعبت والله اني تعبت تعبت اكابر احس ماظل فيني عقل امشي طول وقتي وانا سرحانه منهد حيلي والله اللي مايعرفني يعرف ان نفسيتي تعبانه من وجهي كلشي فيني يتكلم عن انواع الالم فيني اكتئاب واحساس بالنقص كبير و وحده واحس اني تايهه لما سافرت اخر مره مع اهلي من كثر ما انغثيت جاني ضغط انا انسانه جدا حساسه وماعمري ظلمت احد ولا غثيت احد ومن لما جيت عالدنيا وانا حظي زفت واحس اني مو قادره اتحمل والله اني اسمع عن حريم وحده مسكينه ماتزوجت واخوانها يبغون يبيعون البيت الصغير اللي هي ساكنه فيه عشان يوزوعون الورث و وحده كل يوم متنقله في بيوت اخوانها كل واحد يبي يتبرا منها وقصص عن بنات ماتزوجوا شقد حياتهم صارت صعبه اخاف من المستقبل اكثر من خوفي من بكره من كثر مالدنيا صفقتني وزياده على كذا صرت اشوف اللي اصغر مني تزوجوا وعيلوا وانا جالسه في مكاني والله استحي اطلع في مكان عام واشوف احد من صديقاتي تسالني تزوجتي واقول لها لا صرت اشوف الزواج بالنسبه لي مثل السراب اشوفه من بعيد لكن من اقرب منه يطلع شي مو حقيقي ابد خاطري اشوف الدبله واتزوج ويصير عندي بيت وزوج يحبني ويدلعني ويهديني بكل مناسبه خاطري يكون عندي عيال واكون انسانه طبيعيه نفس الناس دعواتكم لي
21
4K

يلزم عليك تسجيل الدخول أولًا لكتابة تعليق.

تسجيل دخول

الليدي1985
الليدي1985
الله يفرج همج اختي.. انسي الزواج والزوج وراح يجيج
بس اكثري من الدعاء والاستغفار .. ولا تيئسين من رحمة الله
انتي كم عمرج؟؟
جروح لا تنتهي
جروح لا تنتهي
الله يفرج همج اختي.. انسي الزواج والزوج وراح يجيج بس اكثري من الدعاء والاستغفار .. ولا تيئسين من رحمة الله انتي كم عمرج؟؟
الله يفرج همج اختي.. انسي الزواج والزوج وراح يجيج بس اكثري من الدعاء والاستغفار .. ولا تيئسين من...
اللهم اميين
٣٠
الليدي1985
الليدي1985
اللهم اميين ٣٠
اللهم اميين ٣٠
اولا توج صغيره انا قلت طق عمرج الخمسين الحين على هالمحاتاه
انا تزوجت وعمري 32 اشغلي نفسج بدراسه بوظيفه
والله يفرجها عليج بالقريب العاجل ياارب
طفله امي
طفله امي
انتي طبيعيه جداً واللي تمرين فيه كثيييييييييير بنات يمرون فيه ، الراحه اللي تدورين عليها ما راح تحصلينها الجميع عندهم هموم ومشاكل وظروف اصعب منك ، مالنا الا نرضى بواقعنا ونحمد الله وندعيه وتوكل عليه ، اللي مكتوب لك بيجيك ، انتي لا تمرضين نفسك بالبكاء والتفكير بالمستقبل هذا ماراح ينفعك بشيء
ولا تحطين لحياتك سيناريوهات كئيبه
هذي الحياه وهذا القدر بنعيشه وما علينا الا التفاؤل بما عند الله وما عند الله للصابرين الا كل خير ♥️
عتبات الفرح
عتبات الفرح
استغفري ي اختي وعليك بلا حول ولاقوة الا بالله