تعبت من حياتي ؟؟

السلام عليكم ..

شخباركم ؟؟ عساكم طيبين ..

انا ادخل المنتدى من زمان والمنتدى مره مفيد .. واتمنى له التوفيق

هذي اول مشاركه لي ..

واتمنى تساعدوني فيها ...

انا عايشه مع اهلي 2 اخوان و 3 خوات و امي وابوي ..
بس احس اني عايشه لوحدي .. علاقتي معاهم سطحيه مره .. حتى امي ما فكرت مره اتكلم معاها في شي يخصني .. ولا هي ما تسالني اذا عندي مشاكل او لا ..

انا عمري 19 سنه .. وبالجامعه .. هذي اول سنه
بس من يوم وانا صغيره تعودت ان مشاكلي لي لوحدي محد يعرفها .. ومن كثر ما اكتم ما عندي للحين صديقه اثق فيها ..
ومن الكتمه صرت منطويه على نفسي وبنفس الوقت احب الوحده .. احب اجلس لوحدي احب الهدوء ..
حاولت اغير حياتي بس المشكله كل ما احاول احس يصير شي لي ويحبطني اكثر ..
جد عندي صديقات وايد على النت والمنتديات والماسنجر بس احس الصديقه المفروض تكون قريبه منج
لان اي انقاطع بالنت ما راح اقدر اكلمها ثاني ..
مشكلتي اني طيبه ومن زود طيبتي اساعد الكل .. بس الناس عمرهم ما ردوا لي الجميل بالطيب ..
لدرجه اني خلاص كرهت اساعد احد .. احس انهم يبون مني بس ما يبوني اخذ منهم شي .. على اني ما ابي منهم شي بس ابي مشاعر صادقه اتجاهي ما ابي احد يكلمني عشان مصلحته بس ..

يمكن انا بعد من الوحده والهدوء ما قدرت افرق بين الناس وشلون اختار صديقه لي .. بس احس ان لي سببي عشان اكتم اسراري .. ( عشاني من يوم صغيره .. فيني لغثه في لساني .. في حرف (( الراء )) ومن يومها كرهت اتكلم مع احد .. ))) هذي عقده بنفسي من يوم كنت صغيره واتذكر لما اتكلم البنات يضحكون على كلامي ومنها ما قدرت اتكلم مع الكل اتكلم اذا احتجت اتكلم بس .. ))
صارت علاقتي بالنت والناس الي فيه قويه .. عشانهم ما يقدرون يسمعون صوتي ..

اكيد ما نعترض على حكمت الله .. بس المشكله ان حتى امي الي هي امي واهل امي لما اتكلم يضحكون على كلامي .. ولزمن العكس المفروض ما يحسسوني .. بس انا كل ما اانسى هم يذكروني بنفسي ..

وبنفس الوقت الكل يقول لي اني اكره وحده بخواتي .. شنو ذنبي ..
اشوف كل الامهات يحبون بناتهم إلا امي احسها مختلفه 180 درجه .. عمري ما حضنت امي بالعكس كل يوم تهاوشني وتذلني ..
والله تعبت من حياتي .. مدري شسوي للناس الي حولي .. اقول يمكن انا الغلط ولزمن اصحح افعالي .. واقول يمكن الناس والدنيا تقسي علي ..
على كثر ما اسمع هموم الناس ومشاكلهم واحاول اساعدهم .. بس ما قدرت احل مشاكلي ..

ساعدوني شنو اسوي ؟؟؟

وشكرا لكم عشانكم تسمعون الي بقلب كل انسان وتخففون على الناس

تحياتي ( جروح )