تعبت من حياتي اللي م يعلق يسوي رفع تكفون

السلام عليكم
وصباح الخير
عيدكم مباركه
ودي افضفض يابنات انا امي ميته الله يرحمها
وابوي متزوجه وحده دايم تسوي مشاكل
وتقدم لي واحد تزوجته
وفرحت فيه قلت بغير حياتي ويعوضني عن الهم اللي شفته
كنت في بيت ابوي محد مهتم فيني واخواني متزوجين وكل واحد همه زوجته
وابوي نفس الشى همه زوجته ويصدقها في اي شى تقوله
وانا عند اهلي ذقت انواع الاهانات والاذلال والتعب
كنت ادعي ربي دايم اني اطلع من هالبيت اللي احس فيه باليتم
تزوجت واحد متعلم متخرج من جامعه من امريكاء وتوظف مهندس في ارامكو
فرحت فيه
قلت هذا اللي بيعوضني عن كل الهم اللي عشته
طلع العكس
كان يضربني يحرمني من كل شى
لا مصروف ولا تمشيات ولا شى
انسان مدري كيف
يعنفني بالضرب ويجي يرضيني بالكلام وكنت امشي له
وما اعلم احد اقول يمكن يتغير
بس انا الغلطانه اني سكت له ي بنات
سكت لاني كنت خايفه اتطلق وانا مالي الا اسبوع من زواجي وش بيقولون الناس عني
والناس اللي تغار مني بتفرح وتتشمت فيني
سكت م قلت ل احد شى
مع الايام صرت لما اناقشه في اي موضوع مستحيل ان الموضوع ينتهي بسلام انضرب ضرب الله اللي يعلم به
ع فكره انا كنت انضرب في بيتنا من ابوي بس عشان يرضي زوجته
وكنت اسكت وادعي ربي ينصرني عليها
والله م عاد عرفت اسوي شى
اهلي م اقدر اقولهم شى
وانا حامل الحين في بينت
المهم
نزلنا رمضان عند اهله
شهر كامل ساكته وممشيني ع كيفه وطيب وحاضر وابشر
الين جاء العيد وتجمعو خواته المتزوجات
وما يحب يقعد الا عند خواته
تخيلو اخته الكبيره م امون عليها تسالني قدامه كيف لما تكونو بغرفه النوم
وكلام قمه في الوقاحه
وتحرشه عيني عينك تقول نام لحالك بغرفه اذا طفشت منها وانت لا تتلسقين ب اخوي خليه ياخذ راحته
والحامل يجي فيها غباء وانت شكلك غبيه واخوي ذكي
وانا بس اطالع وابتسم واقول الله يسامحك
وهو ياكلني بنظراته م يبي ارد عليها
ومتحكم فيني متى م يبي اقعد بغرفتي اقعد متى م يبيني اروح لهم اقعد معاهم اقعد
واخته الثانيه كل م شافته قاعد معنا تجيب مواضيع لصالح اخوها
المره المفروض تمشي ع كلام زوجها المره اذا هي عند اهلها وقالها زوجها تمشي تمشي ولا تتكلم
ومسويه نفسها انا القدوه وامشو ع كلامي
انا علقت ل اول مره في حياتي عندهم قلت الرجل وزوجته في هالشى يكون بينهم تفاهم ولازم ينولد الاحترام عندهم
ويعارضوني قدامه ويجيبون مواضيع مالها داعي اسرار حريم قدامه
قلت الرجال اصلا المفروض م يدخل بين الحريم وسوالفهم عشان هيبته م تضيع عيب عندنا رجل يدخل بين حريم
قام قالو الا يتدخل عشان يأدب اللي غلطت يضربها


يشيشون زوجي من بعيد ل بعيد ع ماهو خربان يخربونه زياده
المهم قمت رحت ل غرفتي
وقعد عند خواته ل الفجر وجاني وسويت نفسي عادي م كانهم قالو شى
بعدين هو فتح الموضوع قال ليش تتكلمين قدام خواتي كذا قلت له
السبب قام صكني كف وانا ابكي يخنقني ويكتم ع انفاسي عشان محد يسمع
اهانني ي بنات عشان خواته حسبي الله عليهم
انا اهلي م احسهم اهل محد بيوقف معاي حتى لو وقفو معاي بيتشمتون فيني
ويقولون تستاهلين
اعرفهم م كانهم اهل
وزوجي متخلف م عاد دريت وش اسوي
بس ادعي ربي انه يسخره لي
تعبت ورب البيت تعبت
وماعاد اقدر اتطلق عشان البنت اللي في بطني
وهو اهلكني والله دايم مشاكل حياتي كلها هم في هم ماعاد عرفت وش اسوي
لا اهل كويسين ولا زوج طيب
وربي تعبت من هالحياه