نسيت اقول الرياضة مهمه جدا ابداي بالمشي وزيدي الوقت تدريجيا ..ثم الهروله طلوع الدرج ونزوله ...

بعطيك برنامج خفيف باذن الله تستفيدي بس قبل البرنامج بقولك اهتمي بصلاتك لانها اساس الدين اقصد الصلوات المكتوبه واذا استقمتي ع الصلاه وقتها راح تحبي النوافل الشي الثاني دراستك ياقمر المفروض تنتبهي فيها لان العلم اهم جمال الشكل الحين نجي للبرنامج اول شي اشربي مويا كثيره وركزي ع الفطور حتى لو ثقيل مو مشكله لان الفطور هو اللي ينزل الوزن والغدا كثري من السلطات والخضار والسلطات تكون من غير مايونيز وهالاشياء حاولي يكون اكلك متوازن وققلي من الدهون اشربي شاي اخضر وعصائر فريش واذا عندك سير مشي كل يوم شوي لحد ماتوصلي لساعه تمام العشا الافضل يكون زبادي قليل الدسم وحاولي من بعد 7 مساءً يكون اكلك فواكه وخضار نظام الصيام العكسي جدا جميل اعتمديه نظام دائم هذا بالنسبه للوزن السمار والخشونه والتصبغات حلها شي واحد زيت زيتون اصلي ادهني جسمك كامل يوم بعد يوم مع الاستمرار تشوفي النظافه واللمعه وتوحيد اللون شي خيال الصابون انصحك بالصابون المغربي استحمي فيه عادي بدون بخار وخرابيط لان الحراره تسبب جفاف سمار للجسمي نجي عند شعرك استخدمي له شي واحد مايكلفك شي ومفعوله خيال للنعومه واللمعه يمكن ماتصدقي بس جربي وبتدعين لي عارفه ايش هو؟ الزبده زبدة المراعي او لورباك انوع المتوفر عندك ومره في الاسبوع ايتخدمي قناع الافوكادو مع زيت زيتون واي زيت ترتاحي له وحطيه لشعرك ساعه واغسليه بس اهم شي الاستمرار وموفقه ياقمر

آسفه نسيت أقولك إني كنت أحط نص ليمونه اعصرها على قطنه وامسح بها ركبي أخليها ربع ساعه واغسلها بماء بعدها أدهن بهالفازلين او زبده الشيا وارقد ،واحيانا أحط مقشر اذا تحممت وهي فنجان سكر ونص ليمونه وملعقه زيت زيتون وبس مره بالأسبوع هالمقشر. وناويه اجرب مقشر بحثالة القهوة العربيه فقط بس قلت اجربها على يد وحده من كفي الى كوعي عشان اختبرها لو ما ناسبت بشرتي لان فيه بنات ما ناسبتهم سببت حساسيه لكنه معروووووف بالتفتيح وفيه ماركه مشهورة دوريها في الفيديوهات اسمها frank scrub مكونة من القهوة التركيه المطحونة وزيت لوز حلو وزيت برتقال بتلقين تجارب رهيبة للاجانب قبل وبعد،عاد انتي استوحي منها مقشر منزلي رهيبه على كلام البنات هنا

بس زبده المراعي او غيرها حقت الاكل تمسك بفروة رأسك ويمكن تسبب لك اكزيما وريحة شينة تمسك فيك شهور حسب ما قريت هنا بالمنتدى وخري عنها نصيحة مدري يمكن ناسبة ناس وناس لا


يوووووووه يا كثر بربرتي هو ليه التعليق صار طوووويل كذا :(

وسمعت من خبيرة تجميل في قناة مصرية تحذر تقول مقشر القهوة لا يقرب من المنطقه
لكن مقشر السكر والليمون عادي تحطينه على المنطقه حسب كلامها والله اعلم، أنا الحين جربت حثالة القهوة على يدي اليمين ثم غسلتها بماء وصابون وحطيت مرطب وبنتظر إلى بكره إذا ما تحسست باعتمدها مع زيت الزيتون يمدحووووونها للتفتيح والتشققات والسيلوليت

لا لا الزبده شي خيال تصدقي وان شعري ناعم احيانا استخدمها تعطي لمعه فضيعه للشعر وكمان تسحب اللون لو في حنا او غيرو  بس لا تحطها لفروة راسها تحطها ع الشعر والزبده مع الغسيل تختفي ريحتها