السلام عليكم
واخيراااا تفعلت عضويتي وقبلوني الادراه اكون عضوه في هذا المنتدى الراااائع
ابي اكتب لكم مشكلتي وافضفض اقول لكم الي في قلبي عايشه في هم وحيره والسبب اهلي الله لا يسامحهم والله العظيم تمر علي اوقات اجلس اتحسب فيها وكرهت امي وابوي
اختي الكبيره توفت وتركت لنا ست اطفال وكانو عايشين معانا ونهتم فيهم انا واختي اصغر مني بعد وفاة اختي بثلاث سنوات خطبني اخو صديقتي وانا بصراحه حبيته وكنت اتمناه من كثر ما تتكلم عنه اخته وادعي ربي يكون من نصيبي والحمد ربي ربي استجاب دعائي وخطبوني واهلي وافقو عليه وكانو ينتظرون اتخرج من الجامعه عشان نملك
تخرجت هاذي السنه وانا كنت فرحانه لاني ارتحت من الدراسه وبملك وبتزوج تفأجات بتصال من صديقتي معصبه وتهاوشني تقولي انا امي كلمت امها وقالت لها خلاص مافي نصيب لكم عندنا الله يرزق ولدكم ببنت غير بنتي تقولي الزواج مو لعبه هاوشتني وسكرت في وجههي كلمت امي ليش سويتي كذا قالت لي لانا نبي نزوجك فلان (تقصد زوج اختي الله يرحمها ) انا قلت حق امي من جد تتكلمين لا اكيد تمزحين قالت لي اتكلم جد بتتزوجينه عشان عيال اختك
طيب انا وش ذنبي اتزوج واحد اكبر مني بعشرين سنه واربي ست عيال ويحرموني من الي احبه ويحرموني اعيش حياتي
كلمت ابوي اني مو موافقه وقلت له ما ابي اتزوجه وخل العيال عايشين معانا اتقتنع ابوي بكلامي بس امي لا فيها شر كلمت خوالي واجتمعو كلهم وقنعو ابوي مره ثانيه وقالو له رجال له سمعته غني وما شفتو منه الا كل خير زوجه بنتك الثانيه عشان عيال بنتك وصدقني بيدلعها وماراح يقصر معاها والرجال ما يعيبه العمر ,, سمعتهم بنفسي كنت وافقه جمب الباب اسمع وش يقولون حسبي الله عليهم الله لا يوفقهم
كلمت صديقتي اقول لها مالي ذنب في الي صار واستغربت اني بتزوج زوج اختي الله يرحمها وقالت لي في وحده من قريباتي ارمله وما عندها عيال وعمرها فوق الخمس وثلاثين قولي لامك عنها وصديقني اذا تزوجها بتربي عياله وبتحبهم لانها حنونه وطيبه قلت حق امي قالت لي لا لالا ما احد يريبي عيال احد والعيال خالتهم اولى فيهم وفي تربيتهم وقالت لي لو كنتي ملكه او متزوجه كان ازوجه اختك الصغيره يعني فينا فينا لازم يتزوج وحده فينا
تعبت وتعبت نفسيتي وصلت لمرحله اني فكرت في الانتحار حرمت نفسي من الاكل والشرب وتقولي امي سوي الي تسوينه بتتزوجين بتنزوجين
ملكت ورحت معاها من غير زواج ولا تجهيز ولا شي جلست يومين وبعدين خذ العيال ورحنا بيته
احنا ساكنين في الرياض وهو في الشرقيه
من جيت معاه بيته وانا حاسه بتعب مااني قادره اتحمل مسؤليه ست عيال وابوهم السابع تنظيف وطبخ ودراسه ودلع وهواش والله ما احط راسي على المخده الا وانا جسمي متكسر تعب وربي تعب
مالي اي علاقه بزوجي ما اجلس معاه لاني ما حبيته وما احب اشوفه اذا شفته جالس في اي مكان اسوي نفسي مشغوله واروح مكان ثاني
هو ينام في غرفه وانا ما انام الا اذا راح دوامه او انام مع العيال
واحس له كم يوم يحاول يتقرب مني ويبي يسولف وانا اتهرب منه ما ابيه ما حبيته
لي خمس شهور مو قادره اتأقلم مع وضعي احس اني مضلومه ضلموني اهلي وحرموني ما اجمل ايام عمري
ايام الخطوبه والزواج حرموني من اني البس الفستان الابيض وانزف لزوجي حالي حال اي بنت في عمري
وحملوني مسؤليه وانا مو قدها
خمس شهور متزوجه بالاسم بس
كرههت امي هي السبب في الي انا فيه واذا اتصلت تبي تطمئن علينا اقول لها اطمئني الشغاله قايمه بواجبها زين ولا تخافين على عيال بنتك واكلمها من غير نفس واذا قال يبي ينزل الرياض ودي اقول له لا ما ابي عشان ما اشوف امي بس ما اقدر اناقشه في اي شي بس اسمع اوامره وانفذها كأني شغاااله
ابي طريقه تخليني ارتاح واتأقلم مع وضعي واترك البكي كل يوم لازم ابكي على وضعي واقول ليش صار لي كذا
ودي ارضى بالقدر الي صار لي بس ما اقدر
الحنين للماضي 20 @alhnyn_llmady_20
عضوة جديدة
هذا الموضوع مغلق.
الله يكون فب عونك ويصبرك يارب مالك الحين الاتتعايشين مع الوضعدامك تزوجتي خلاص حاولي تحبينه وسوي اللي كنت بتوينه لو انك عروسً جديده
حاولي تحبينه يمكن فيها الخيره انك تزوجتيه يمكن خطيبك الاول يكون ظلمك والا اهانك والا ماحبك
يمكن زوجك هذا يكون لك احسن من مليون شاب
والاهم من ذالك انت في يدك الحين كنز عظيم ومفتاح لدخول الجنه بامر الله لاتنسين حديث رسول الله صلي الله عليه وسلم انا وكافلاليتيم كهاتين في الجنه
وانت بين اياديك سته ايتام مو يتيم واحد
احتسبي التجر فيهموربيهم وحاولي تتاقلمين مع وضعك والله يكون في عونك يارب
حاولي تحبينه يمكن فيها الخيره انك تزوجتيه يمكن خطيبك الاول يكون ظلمك والا اهانك والا ماحبك
يمكن زوجك هذا يكون لك احسن من مليون شاب
والاهم من ذالك انت في يدك الحين كنز عظيم ومفتاح لدخول الجنه بامر الله لاتنسين حديث رسول الله صلي الله عليه وسلم انا وكافلاليتيم كهاتين في الجنه
وانت بين اياديك سته ايتام مو يتيم واحد
احتسبي التجر فيهموربيهم وحاولي تتاقلمين مع وضعك والله يكون في عونك يارب
لا حول ولا قوة الا بالله انتي تزوجتي وانتهى الموضوع حاولي تتاقلمي مع وضعك وتعيشي حياتك وبللاش تحسي نفسك شغاله
الله يفرج عنك ويسعد قلبك ويغير حياتك للافضل بتربيه هالايتام واحتسبي الاجر
عسى ان تكرهوا شيئا وهو خير لكم
عسى ان تكرهوا شيئا وهو خير لكم
الصفحة الأخيرة
وحاولي تتاقلمين مع الوضع بما انك خلاص صرتي زوجته ولك اجر عظيم بالي تسوينه بالتربيت الايتاام عيال اختك والله يعوضك صبرك باخير