تعبت من خلافات أمي وابوي

السلام عليكم ..
أحنا هنا نفضفض صح؟ ابي اتكلم بهالموضوع عشان أقدر اتخطاه .. وحاشا لله إني جيت ادور النصيحه عند غيره
حل هالمشكلة بواسطتي او بواسطة أحد ثاني مستحيل على الأقل في الظروف الحالية , الا اذا أنكتب أمر إللاهي هذا شيء ثاني
أمي وابوي شخصياتهم جدًا مختلفة .. ابوي مُتجبر وأمي طيبة بس شكاكة .. هالشيء دمر اواصر الترابط بينهم .. بالتدريج على مدار 15 سنة ..
نشوف الكره الواضح بينهم .. ننام على بكاء امي المرير انها مظلومة ونشوف نظرات الحزن بوجه أبوي .. ما ادري مين الظالم ومين المظلوم
يقولون انهم موجودين عشانّا مايدرون أنا تعبانه تعبااااانه تعبانه أبي انحاش من البيت بس اخواني من لهم ؟ اطلع من البيت الفجر ولا ارجع الا المغرب (وقت الجامعات)
بس اخواني من حقهم ينعمون بحياة هادئة ... درجاتي من سيء لأسوء ليه اكذب , انا انسانه حساسه انا مابي حب ولا عاطفة ولا احتواء بس ابي نرجع البيت على جو يسوده الإحترام , كيف ما اخلي مثل هالجو يدمرني ؟ صرت اسوي اي شيء عشان انسى جونّا في البيت , أبوي كلامه مستفز جدًا انتم وصخين انتم مافيكم خير حسبي الله على الي ربتكم .. كلام مستفز يخلي الشياطين كلها تجتمع فوق راسي .. والله العظيم ولا أبالغ يوميًا يوميًا اسمع هالكلام 5-6 مرات باليوم وطفح الكيل وصرت قليلة أدب وقللت من إحترامي وتكلمت له قد ايش اتمناه يموت عشان نفتك .. من يدخل البيت الكل يصير في حالة توتر ويرجع على غرفته .. طبعًا اثر عليه الموضوع بس رجع على ماكان عليه .. وانا مليت وكأن شيئًا لم يكن .. أنا هنا ماجيت اقول اني الملاك المنزل وهو الظالم , حتى انا فيني حقي .. وتأقلمت على الوضع .. بس أمي ياناس ما اتحمل احد يمسها ولا يأذيها ولو شعره .. اسمعها تصيح منه
شهرين مايكلمون بعض شهرين كل واحد بغرفه .. شهرين وانا اسمع امي تبكي بحرقة وهي تدعي تعبت نفسيتي تعبت .. والي زايد علي إحتقار ابوي لأمي وتلفظه عليها باقبح واقرف واقذر الكلمات .. يخاف على مشاعر الخدامة ولا يخاف على مشاعرها .. احترام من كلا الطرفين صفر محد يحترم الثاني .. تدخلت كثير .. كثير .. وشفت اني ازيد المشكلة ما أحلها.. كل واحد بقول يابنتي اسمعي لي أنا الحق والطرف الثاني غلطان .. تدخلوا ناس من برا وطفشوا من مشاكلهم .. أنا بحياتي كلها ماطلب عائلة دافية .. حتى في بدايات حياتنا كنا عائلة عادية .. حتى الاكل ماناكل مع بعض ومحد يعرف عن الثاني شيء لكن بيننا احترام وتفاهم .. محد يطالب احد بشيء ..
فيه مواضيع كثيرة ماتكلمت عنها خذوها بالحسبان .. خيانة أبوي لأمي الي حتى اصغر اخواني يدري فيها .. فيه دين بينهم (بالملايين) والثاني عيا يرجعه لصاحبه .. المقارنة واستحقار كل واحد للثاني .. امي يرتفع عليها الضغط مجرد مايتكلم ابوي بالزواج من ثانية .. ابوي يخدم كل الناس الا أحنا .. عادي يتوسط لولد صديقه عشان يدخل افضل جامعة وأحنا لا .. ولا عمره سوا لنا شيء اصلًا .. مانعرفه الا شكل وثلاث ارباع يومه برا .. البيت الي ساكنين فيه خرابه .. والدليل انه من يعزم احد لو ضيفين يستأجر إستراحة فخمة ونظيفة .. مايقدر يستقبل احد في بيتنا .. بيتنا فيه كثير اشياء خربانه بالبداية امي ملت من كثر ماتطلب منه وصارت تصلحها بفلوسها بس جاء وقت وقالت وش حادني! امي الكل يعرفها بحسنها خَلقها وخُلقها حتى الرجال واصل لهم هالكلام من كثر حسن سيرتها بسم الله عليها ..
والاهم من هذا كله يؤسفني اقول لكم أن امي وابوي متخرجين بشهادات عليا وارباب مناصب عالية في البلد .. ومع ذلك لا الدورات الي ياخذونها ولا العلم الي معهم خلاهم يتجازوزن الي هم فيه ..
المبكي في الموضوع أن امي وابوي مجالهم تربوي .. في التعليم والفكر والتربية ..
ما اقول الا حسبي الله ونعم الوكيل .. يارب تجاوز عني ..
الي بتسب تشيل قشها وتطلع كلن يعرف علته ما احتاج احد يعلمني اذا عاقه او لا .. عندك دعوه قصه تخفف علي نصيحه اهلا وسهلا بتجين تنكدين علي عساها ترجع عليك