تعبت من رائحة غرفتي الكريهة

السلام عليكم
بنات من يوم سكنا بيتنا الحالي وانا اشم بغرفتي ريحة كريهة وكل اهل البيت يشمونها دايم مصدر الرائحة غرفتي واذا دخلوا يتضايقون من الريحة انا انظف الغرفة وابخرها واحط عطور والريحة ماتروح بالتنظيف لازم ابخر واعطر في وقت البخور والعطور تختفي الريحة كلها فترة مؤقتة حتى تنتهي فعالية هالبخور وتختفي ريحة العطر وتبدا الريحة الكريهة بالظهور ريحة شي ماقدر اوصفه بس بحاول اقرب يمكن تعرفون وش السبب هالريحة كأنها ريحة شي مكتوم وعليه ماء واحيانا لا تختلف مو هالريحة أحيانا تشبه ريحة المجاري واحيانا تشبه ريحة جسم انسان وصخ واحيانا ريحة فم انسان كريهة اسفة على الوصف بس هذا وصف تقريبي للروائح اللي تطلع منها اذا قعدت فترة طويلة بغرفتي انا اتعود على هالروائح بس اللي يجيني بالغرفة من اخواني وخواتي يقول وش هالريحة الكريهة تعبت بمجرد ماتنتهي ريحة العطور تبدا تتصاعد هالريحة زمااااااان لقيت بغرفتي دوتين سود وتخلصت منها وعقمت غرفتي وبالنسبة للنمل الصغير أبو جنحان فهو مايفارق غرفتي لا صيف ولاشتاء ودايم موجود مرات تجيه فترة يضايقني بقوة ويكثر واغلب مايجي على سريري مهما نقلت سريري بأي مكان بالغرفة هو يكثر فوق سريري وكل شوي احذفه من فوق السرير يخف هالنمل اذا حطيت القرنفل(المسمار)يختفي وبعد فترة يطلع ويخف اذا شغلت المكيف على البارد ومن كثر مايضايقني حتى بالشتاء اشغل المكيف على البارد واحط قرنفل واطلع من الغرفة حاليا اختفى لان من يوم صار الجو حر صرت اشغل المكيف ولكن لابد ماشوف وحدة ثنتين وامس شفت وحدة على جوالي وبعد الريحة الكريهة اللي قلت لكم عليها تزداد بعدما أقوم من النوم لدرجة شكيت في نفسي ان هالريحة تنبعث من جسمي وصرت احرص على النظافة اكثر وافرش اسناني قبل النوم واتمضمض بماء وملح ورغم ذالك الريحة تزداد وقت اول ماقوم من النوم سواء قمت الصبح او الظهر او بالليل وامس قبل انام قلت خل اكثر من العطور وعطرت الغرفة وكثرت عطر على الستارة ونمت ويوم قمت حصلت الريحة خفت شوي ولكن صارت تشبه رائحة البصل بس على خفيف يعني العطر خفف الريحة الكريهة شوي وصارت تشبه رائحة البصل مدري وش اسوي وانا احرص على تهوية غرفتي واعقمها بداك وش اسوي وهل الرائحة مصدرها جسمي؟انا تعقدت يعني انظف وابخر ولاتختفي انا حاليا شاكة ان الريحة تنبعث من جسمي عطوني حلول تخلي ريحة جسمي حلوة رغم اني اشم نفسي مافيه ريحة بس ليش الريحة تزداد اول ماقوم من النوم؟؟؟اللي عندها حل او صار لي مثلي تقولي وترى قربت من المكيف وشميته مافيه ريحة وفكيته قبل مافيه شي ولافيه تسرب في الجدران