تعبت من زوجي

السلام عليكم
اللي عندهم معرفة بالأنماط زوجي شمالي شرقي وانا جنوبية شرقية
حياتنا جزء بسيط منها سعادة و٩٠٪خصام
أنا من النوع اللي ما أزعل ع طول... اذا صار موقف مرة قوي سبني فيه او مد يده علي ازعل واتخذ موقف..
واحس هذا هو الطبيعي.
لكن زوجي فيه هالخصلة السيئة انه يهجرني ويخاصمني وبالأسبوعين والثلاثة مايكلمني لأدنى سبب
.. بداية زواجنا قلت مايخالف أروح أراضيه أنا حتى لو مازعلته ولا مقتنه بسبب زعله بس اقول مابي مشاكل مابي زعل... اجي ع نفسي واعتذر واحاول فيه لحد مايرضى واحيانآ يتشرط علي عشان يرضى وانا من سذاجتي اسوي كل شي عشان يرجع يكلمني... لكن الآن بعد ٥ سنوات بديت اصحى لنفسي اقول ليه كذا اعتذر وانا ماغلطت؟ ليه اذا هو زعل انا اركض اطلب رضاه كذا يتشجع يغلط ولايهتم فيني..
وصرت خلاص اذا غلطت انا اعتذر واذا هو غلط علي او خاصمني لسبب تافه اتركه يرضى من نفسه... لكن يطووووووول وانا نفسيتي تتعب... انا احب اعيش بسلام احب اني اسولف معاه احب لما ابي منه شي اطلبه مباشرة مو اكتب له وهو يكتب لي.. اللي تعف الشخصية الجنوبية بتحس بمعنى كلامي... انا انشغل عنه واملأ وقتي بذكر الله والرياضية وشغل البيت واروح لأهلي لكن قلبي مكسور.. اخفي عنه اني مقهوره منه لكن داخلي يبكي...
لاتقولوا كلميه اشرحي له.. بالعكس تعبت من الكلام قلت له يابن الحلال حنا ازواج اذا شفت غلط مني كلمني اسألي ناقشني وانا بطلب منك السماح وومابعيد الغلط... اما سكوتك ذا مو حل بالعكس يزيد المشكلة.. وفيه مرة بعد قبل سنتين خاصمني اسبوع بدون سبب وبعدها طفشت ورحت لأهلي نمت عندهم اسبوع وانا ارتب الشنط بطلع جا واعتذر ووعدني مايكرر هالاسلوب.. لكن انا ماقدرت اسامحه وطلعت وظل يتعذر ويوعد لحد مارضيت ورجعت له... بعدها بشهر رجع لنفس الطبع... تعبت من الكلام والعتاب والحوار... وتعبت حتى من اني اكابر ياربي من مرت بنفس مشكلتي ولقت حل ارشدوني ساعدوني..