وواضح من كلامك انك مرره لاصقة فيه وهالشى مو زين خليه على راحته عشان كذا يطلع من البيت كثيييير

ماشاء الله تبارك الله تقدري تشوفي الموضوع من ناحية ايجابيه انه مايتكلم ويثرثر عنك ويطلع اخبارك برا
خليه براحته يسوي الي يبغا يمكن شافك غيوره مرا وعلى قول البنات كلامك كثير ف صار مايتكلم
واحتمال ثاني انه لقي تحذيرات شديدة اللهجه من الي حوله انه مايتكلم معك بأمور ماتعنيك ولسى بيتعود عليك بما انو توككم عرسان بس اثبتي له انك ماتتضايقي و لاتتكلمي في الناس عنده


واذا عرفتي انه طلع مع اهله خليك ايجابيه ولاتزعلي تقولي ليش ماتقولي عشان مايكون هذا سبب انه يخبي عنك




ولا تفكري بأفكار سلبيه الله يوفقكم

انتي وسعي نظرتك للحياة .. الحين ضيقتي الدنيا و تحسين هالمشكله بالامكان انها تكون سبب لانهاء الزواج !! مو معقوول.
الرجل هذا مو يحبك ويقدرك! مو بينكم عشره وكلمة حلوه! مو يجيب متطلبات البيت ! مو مستعد انه يكون اب جيّد فالمستقبل!
شوفي فتحي عيونك عن ماهية الزواج بالضبط!! لان انتي الحين تشوفين ان الزواج انه يعلمك وش سوّا مع اهله ووش صار له بالدوام ويعلمك بتفاصيل يومه و مكبره المشكله لحد تعتقدين انها سبب للانفصال.
المشكله مو بس فيه المشكله فيك برضو "صغريها تصغر و كبريها تكبر" .
عموما اذا فيه حل مارح يكون كذا بمصارحته لانه بيترسخ فيه ان طبعه كذا ولا رح يتحسن لكن لو تتغاضين و ماتحسسينه انك ودك تعرفين كل شارده ووارده خليه هو يقول و يشوف ان ردة فعلك حلوه للموضوع .

شوي شوي مع الوقت يتعود عليك و يتغير الافضل باذن الله

يازينك..

طلاق وحاله علشان مايتكلم..

اي رجال بتتزوجينه راح تلاقين فيه طباع ماتناسبك، على كذا ماراح تتزوجين أبداً..

كثرة كلامك أعطاه انطباع عنك، الناس الغامضه اللي كلامها قليل ماتثق في اللي كلامهم كثير حتى لو كانت السواليف عامه..

اعرف كثير مثل زوجك تغيرو مع العشره..

كثرة الاسئله والضغط بتخليه يبتعد اكثر وينفر،

اتركي له المجال يشتاق لكلامك وسواليفك..

تقبلي طبعه وانشغلي بنفسك وانسحبي عن الكلام الكثير حتى هو بيلاحظ، خلي سواليفك مع الاهل و الصديقات وسولفي معاه احيانا وانشغلي احيان بتلاقينه يفقدك ويدور الهرج معاك ويستغرب تغيرك ..



اذا كان زعلان مو لازم يفضفضلك، في ناس أطباعهم مايرتاحون اذا فضفضو يزيد الهم همين،
مايريحهم الكلام..

وعموماً النساء يحبون الفضفضه ويرتاحون و الرجال مايتكلم عن مشاكله الا اذا متأكد انه بيلاقي حل عندك الفضفضه ماتريحه،

اقرأي كتاب الرجال من المريخ والنساء من الزهره..

انت في بداية حياتك لاتنكدين على نفسك بسبب توافه ولاتحاولين تغيرين طبعه علشان يرضيك ضروري تتقبليه مثل ماهو،

تخيلي انه يحاول يغيرك ويكبتك ويخليك انسانه مختلفه علشان تناسبنين مزاجه؟

ترا هذا الضغط اللي يواجهه منك الان..
وخليك دايماً مع الدعاء،
ادعي لنفسك بالراحه والتوفيق وانشغلي مع نفسك عن إصلاح عيوبه وبتلاقينه حبه حبه مع العشره الطيبه يتغير ويصير يثق فيك ويتكلم اكثر ..


والصبر حبيبتي الصبر، من اول عقبه طلاق وانفصال؟

الحياه يبغالها سعة خاطر وصبر واستعانه برب العالمين..

الله يوفقك ويسخرلك زوجك ..