اول شيء لاتقولين ( عايشه معي) لانها عايشه مع ابوها مهو معتس ف بيت ابوها مهو بيت اهلتس

ولاهو ف بيت انتي دافعه ايجاره هذا اولاً


لازم تحطين هالشيء ف بالتس مه تسولفين وكنتس انتي المتفضله عليها وضافتها عندتس ومتحمله مسؤليتها


الله يخلي لها ابوها اللي عازها



وبعدين وش اللي جالسه ف البيت فندق وزينه ومادري وشو ؟ ليش يعني تبينها تخدمتس مثلاً ؟


تبينها تخدم عيالتس ؟ تبينها تفرفر ف البيت وتشيل وتحط ؟ اجل انتي ابوها متزوجتس ليش؟


عشان بنته تخدمتس؟ يعني انتي من النمونه اللي لو بهواها تشغل بنت زوجها وتخليها ( ميري)

بس اشوا ان ابوها مع بنتوه ولا كان صدق راحت فيها البنت لو كان ابوها خروف كان توهقت البنت


بس الحمدلله ان ابوها يفضلها عليتس انتي ويعاملها ب الحسنى



وليش تبينهم يخشون غرفتها ويحوسونها وتسلم ع روسهم؟ ولا تستقبلهم ب بساط احمر وتنثر الورد؟


وتضيفهم عصيرات اطفال؟ الا تكفخهم اصلاً البزارين يخشون غرفتها ليش؟ وش لهم ف غرفتها ؟

خصوصياتها وكل شيء ب غرفتها البزارين يندعسون فيها ليش ؟ وش يبون؟ بس هيك آذيه وقلة حيا؟



وانتي بس هذي شغلتس جالسه فوق راس رجلتس وم غير فلانه سوت وبنتك سوت واختك سوت وعمتك سوت


انتي من هالنوع ؟ اللي م تخلي شيء الا وتصكه ف سمع زوجها؟ ولابعد من زين السوالف كلها تحريش وتسليط


اجل تكسرين يدها؟ بنت وش كبرها ب الثانوي من الحقد اللي ف قلبتس تكسرين يدها ل ضربت اخوانها ؟


اللي معروف اذية المبزره وشقاوتهم اذا انتي ي امهم غالباً م تتحملينهم تبين البنت تتحملهم؟


مانه عليها ب الغسيل والاكل انتي طابخه طابخه بها وبلاها وغاسله غاسله ب خلاقينها ولا بدون



يعني م فضيتي نفستس عشان تطبخين لها ولا تغسلين لها ليش تمنين؟


بعدين وش دخل امها ؟ حتى امها اللي جالسه ف بيتها تلحقتيها وتولجتيها ؟


وش هالوسواس ؟ اجل امها تبي تخرب حياتس؟ لو امها تبي تخرب حياتس م كان تطلقت من زوجها اصلاً


يعني كان انتي م تزوجتي ابوها لانوه امها ب تكون زوجتوه ل اليوم


بس م تبيه وتطلقت منه ف لاتسوين فيها ذهينه وانتس الهدف والطموح ل امها



تكفين عاد والله م درت عنتس



م اشوف مشكله وم اشوف غلط من البنت حتى تتحاملين عليها هالكثر


وش السبب؟ بس عشان تكفخ بزارينتس ؟ ل خشو غرفتها ؟ ولا عشان جالسه ؟


ه الحقد هذا كله ليش وش سببه؟


وتعترفين انتس ل جيتي من زيارة احد اقاربوه تجين تقولين امك واختك وبنت اختك وووو تبدين تمسكين واحد واحد ف العائله



وش هالشخصيه ي رب لك الحمد


تخافين منهم وترتبكين ولسانتس بس طالقتوه ع رجلتس ولا عند الحريم كنتس ( قطوه مخنوقه)


شفتي ان شخصيتس فيها خلل



دائماً اللي ب المجالس تبحلق وتسولف وش زينها وتبوسم ول راحت البيت تنقل كل العلوم اللي سمعتها


ونيتها شينه وتقلب السوالف ل قالو وقالو هذي وحده وجعانه وم عندها ثقه ف نفسها

اول شي اهل زوجك تجنبيهم اذا هم ما حترموكي لاتروح لهم ولا شي واذا غلط احد عليكي ردي بعشره عشان يسكتو ويعرفو انك قويه


وبنت زوجك لاتغسلي ملابسها ولا تخدميها لان مو بفندق جالسه طالما هي قليله ادب لاتخدميها ولاشي


ومصيرها بتتزوج وتروح عنك

وزوجك فهمي انك بنت ناس وما ترضي احد يغلط عليكي

بس بهدوء مو عصبيه

وربي يسخره لكي

انا ما ارتفع ضغطي الا من الحريم اللي يحرشونك و يقولون لك طنشيها ولا تغسلين لها
امحق نصااايح و امحق شور
وانتي صاحبة الموضوع مسويه زحمه و الشارع فاضي
انا ماشوف في اي ترابط بين بنت زوجك و بين مشكلتك
مشكلتك انتي مفتعلتها و مسويتها بنفسك
الله من شين النفس بس
ماغير عيالي و عيالي هذا اللي فهمته
اقول بيضي ذالنفس الشينه
حاطه دوبك من دوب بنت في الثنوية
و تحطين بذمتك ان امها اللي تارسه راسها عليك
حبيبتي ما يحتاج ينترس راسها, انتي شوفي معاملتك لها في الاول..
تقربي من البنت اكسبيها عشان تكسبين ابو عيالك
و بالله اتركي عنك الحنه و القرقه
بيت اهل زوجك اذا يجرحونك بالكلام و يغثونك ماله داعي تروحين لهم,
اشغلي نفسك باشياء تفيدك غدي مريتن سنعه و اتركي عنك النكد
ابرك من فلانه سوت و فلتكانه قالت
والله ماكلها الا رجلك الله مير يعينه على حنتك

اعوذ بالله من صنف الحريم اللي كذا ؟!!

يعني يوم تزوجينه ماتعرفين ان بنته معه ؟؟
والا عشانك خلفتي و شبعتي من الرجال قمتي تحكين في بنته

ضربها لاولادك ترى هم خوانها ويمكن بثرين ومطفشينها !!

انا مااحب اللي تقول لااحد يقول شي لاولادي وهم اصلا بثرين
خلاص قولي لاولادك لايدخلون غرفتها بدل ماتحرضين ابوها عليها !!!!!

شغل البيت ماهي مجبوره تسويه البنت صغيره وتدرس
قولي لابوها يجيب لكم شغاله وانتهينا
بش شغل حريم الابو ذي ترى ماتوا اللي يسوونها ....




ضراحه استغرب سكوته على قلة ادبك و وقاحتك في الرساله
ولو انا مكانه جيت البيت وطلقتك

اللي تاخذ مطلق ومعه اولاد تحط في بالها هالامور
لكن توافقين عليه وبعدين تسوين فيها انك مظلومه ماعليش مايقبلها منطق ولا عقل
ولا حتى عاطفه !!

اكرمي البنت وترى انتي ماتضمنين عمرك يمكن تموتين او يطلقك وياخذ عيالك منك
ويتزوج غيرك وتربيهم هي بدالك وتوريهم شي ماترضينه !!

كفايه عالبنت امها في مكان وهي في مكان مااتوقع ناقصة نقك عليها
بس احمد ربي واشكره ان ابوها عطوف معها وحنون

مدري بصراحه مستغربه مره منك ..

غاليتي لوكان عندك بنت في عمرها سالتك بالله ايش يكون تعاملك معاها ...

ياحبيبتي ..اعتبيريها بنتك وعامليها كما تعاملين بنتك حتى بخدمة البيت ...

خليها تطبع صوره في ذهنها عنكي ...صورة تشبهك بجمالها ...

وهم اخوانها صغار حتى لو ضربتهم ...عادي كل الاخوات كذا بنت اختي بالثانوي تضرب اخوها عمره 6سنوات ع اتفه شئ ...

لا ياقلبو لا ...عامليها بلطف ..وحنان ..وفهميها باسلوب حلو ....

اسال الله لكي راحه والسعاده ...