تعبت من زوجي وتفكيره

السلام عليكم ورحمة الله وبركاته
كيفكم إن شاء الله بخير
انا اكتب لكم من معرف اختي

بنات انا اعتبركم خواتي واتمنى منكم انو تعتبروني اخت
وتشوفون لي حل
انا متزوجه من 5 سنوات وزوجي من النوع العنيد ويتأثر كثير بكلام اخوانه وعصبي لاقصى درجه
اذا عصب وانا زعلانه ارضىعلى طول
لاني احس الزعل مع هالانسان متعب جدا
هو ما يضرب لا لاكن عليه لسااااان يالطيف تهزئى وووووو
اهذا كله استحمله
لاكن انا قبل الزواج كنت انسانه اجتماعيه احب الجمعات والطلعات مع قرايبنا وبناتهم اللي بعمري يعني اجتماعيه من عيله اجتماعيه
بعد الزواج خلاني العكس
لا اروح ولا استقبل احد تخيلو حتى لما تكلمني صديقتي او اختي يوقف ع راسي وياشر لي بسرعه ولما اقفل يقول
ما احب تكلمين احد
ولا تروحي زيارات حتى بالمناسبات اداء الواجب لا
صلة الرحم بطلعة الروح وما يوديني هو لا مع امي والاغلبيه لا
المهم اني اطيعه ولا اعانده يعني معزوله عن العالم صرت حتى السوق ما اروح الا من عيد لعيد لاني ما اختلط بالناس اغلب لبسي للبيت
انا للان مستحمله
عاد اشوف خواته وقريباتي والبنات كلهم يتسلون ويضيعون طفش بالنت انا اطلبه ايميل يقول لا تويتر لا واتس اب لا
طيب يكفي اني ما اختلط بالناس ما اتواصل اجتماعيا لا نت ولا غيره


انا الحمد لله كبيره ومتزوجه وعندي اولاد يعني ولله الحمد عاقله
يعني يشك ما اعتقد لاني ولله الحمد سمعتي طيبه الحمد لله
وهو دايما يقولي انا تزوجتك لانك مثل الجوهره المصونه في بيت اهلك


لاكن زوجي ما نعني من الناس كلهم ومن النت كمان ومن نفسه لانه مايحب ازعاج الاطفال اغلب وقته في البيت في المجلس تلفزيون ونت وانا ما اسمح للاطفال يزعجونه
اهيئ له جو هادي ومريح
وهو حابسني في البيت لوحدي
وعن الناس وعن النت
فقلت له ابي اسجل بتويتر
رفض قلت ليش انت تعتبرني طفله زعل قوم الدنيا علي وانتهت مكالمتنا بزعل منه مع إن خواته بنات بالثانوي والجامعه ومسجلات وهو يعرف
الحين هو مسافر وزعلان وبكره يجي ابي اللي تعرف تفسر لي تصرفه وتنصحني كاخت
تكفون ساعدوني
ان




بلييييييز مابي نفسياااات

اللي فيني كافيني