تعبت من زوني تكفون طلبتكم ساعدوني وربي اللي تساعدني ما أنساها دعائي في الوتر

عليك بالزبادي خليه قبل ماتنامي بشي ١-٢ ساعة
كثري شرب الموية بمقدار ١٠ كاسات
وانا كنت اول مااصحى وقبل الوجبات وقبل المشي بساعه اشرب شاي اخضر ونعناع وزنجبيل والمشي مايقارب ساعة وبعد الوجبات اشرب


واشرب وقت التخفيف
شاي اخضر ونعناع ١م زنجبيل مطحون ١م قرفه ١م بردقوش ١م شمر وطبعا الكمون ماقبلته معدتي في الشرب وابتعدت عن السكر والملح نهائيا وكنت استخدم سكر الدايت في النسكافيه فقط


واشرب م ك شمر مع مويه مغليه والحمدلله بدأ جسمي ينشد
والحمدلله نزلت ٥ك من ثاني العيد وصرت احفز جسمي بقطعة شوكولاته والحمدلله اليوم جربت ملابس كانت ضيقه عليا برمضان

اتمنى اني افدتك

لو حابه نسوي رجيم مع بعض وننزل اوزانا الله يخفف علي وعليكي
وزنك 70 هو الطبيعي عندي عشان طولي خخخخ
الله يعطيني 70

شوفي ي قمر دام انك ما تقدري تقاومي الأكل .. وما تحبي الرجيمات

فأنسب حل لكِ هو نظام ( السعرات الحرارية ).. وهادي هي الطريقة الصحية الي بينصح بيها الأطباء .. بس طبعاً لازم يكون عندك هدف طويل المدى .. يعني حوالي 4-5 شهور حتى توصلي لهدفك ..

وهذا النظام أبداً ما فيه حرمان .. تقدري تاكلي كل شي بس بحساب ..
ولو مثلا عندك عزيمة ولا سهرة .. لازم تكوني عاملة حسابك ومنظمة نفسك في حال حابة تتعشي، بحيث ما تتجاوز الحد الأقصى ..

والله أنا كنت زيك أكررره أحد يقولي خففي ولا أعملي رجيم ..!
وكم مرررة أروح عند دكتورة تغذية لكن للأسف ما كنت أنزل ولا كيلو
من البداية أصلا ما كانت عندي الإرادة الكافية .. وما أحب اتقيد بأكل معين وأوقات معينة ..!

جررربت كل ما يخطر على بالك والله ما خليت لا خلطات ولاأعشاب ولاشواهي ولاعصيرات لللتنحيف .. لكن اكتشفت انو كلو كلام فاضي ومبالغات لا أكثر .. فلا أحد يضحك عليكِ ويقولك دا الشي ينحف ..

لأنو ما في شي ينحف إلا إرادتك وهمتك ..

المهم ..

بدأت في دا النظام تقريبا قبل 3 شهور ونص..من بداية رجب يعني .. كنت ما أتجاز 1000-1200 سعرة حرارية باليوم .. بالإضافة لتماريين للجسم منوعة و لا تقل عن نص ساعة يومياً.. ( شوفي النت مليان تمارين .. ) ..

وإلى الآن نزلت 10 كيلو بفضل الله تعالى .. بدون حرمان ولا تجويع ولا شي ..
كنت 68 وحاليا 58 وما زلت مستمرة بنظامي والله يقويني يارب .. علماً إنو معدل نزولي الشهري من 2-3 كيلو ..

صح نزولي بطيئ نوعاً ما .. يمكن لأني قريبة من الوزن المثالي ويمكن عشاان تماارين العضلات .. ومعروف انو العضلات تاخد وزن ع الميزان ..

لكن الحمدلله هذا الشي ما أثر علي سلباً بل على العكس جدااا مبسوطة من النتيجة الي وصلتلها و أهم شي ما حرمت نفسي ولا خسرت صحتي .. ( ولا تنسي دائماً انو طريق الألف ميل يبدأ بخطوة )
والحمدلله حاليا جسمي صار مشدود من التماررين .. واتغييرت كثثثيير عن قبل من ناحية الصحة والنفسية والشكل ومن جميع النواحي ..

جرربي الي قلتلك عليه والله حترتاحي ..واتركي الرجيمات و والأدوية و الكلام فاضي .. صدقيني خسارة فلوس ع الفاضي ..

وأهم شي في الموضوع إلى جانب النظام التماريين ثم التمااارين لا تهمليها .. دوري بالنت تمارين تناسبك ما تقل عن نص ساعة واعمليها يومياً وخلي عندك راحة يوم بالإسبوع عشان ترتاح فيه عضلاتك .. وكمان خليلك دفتر تدوني وتكتبي فيه انجازاتك اليومية من أكل وتمارريين ... وممكن في الجوال كمان ..

والله ينحفك بعافية يارب .. حبيت أساعدك من خلال ذكر تجربتي ، وإن شاء الله بعد ما اوصل للوزن الي ابغاه رااح انزل موضوع ع العام .. :)

الدعوه سهله وكلها شحوم زي مادخلت بتطلع اتركي الميزان عنك ولاتراقبيه بيجب لك مرض اول شي حبيبتي كثرري مويه راح اعطيك كم طريقه اتبعي اللي يناسبك

تشربين قبل كل فرض 2 كوب مويه واول ماتصحين من النوم او انك تعبي جيك 2 لتر ابو ريالين وتعبيه مويه ويكون معك طول اليوم تشربي منه كوب كوبين اللي يريحك عن تجربه والله ( المويه تنحف وتصفي البشره كثيييييير)

ثاني مو لازم رجيم السبت كذا والاحد كذا لا والله بتتعبي حاولي تاخذي صحن لاتشبعي مره بتتعودي انك تاخذي صحن صغير وكلي والمشي ثم المشي ثم المشي بيحرق اللي اكلتيه وبينحفك كثثير ..

انا حاليا ما احرم نفسي لكن شاده حيلي في الرياضه وبعد الرياضه شور واحلى نفسيه تحسين بأسترخاااااااء

البقدونس والخس جدآ تنحف .. الزنجبيل والليمون تنحف بعد

الزبادي يمسح البطن مع الاستمرار حاولي تقللي من الاكل وتكثري من اللي تستفدي منها والله مع الوقت شهيتك صفر واسأليني انا مجربه زيييييين ..

والله يجمعك مع زوجك وانتي بألف صحه وعافيه ودعواتك انا واختي بالزواج الصالح ونفرح قلب امي وابوي

المشي والأعشاب بدون سكر