تعبت من سلبياتي / يااخواتي وش اسوي

احسك مكبره الموضوع يااختي خليك واثقه من نفسك

مشكلتك الاساسية مو انك مو مثقفه
مشكلتك اساسها نظرتك لنفسك انتي واقتناعك بكلمات التحطيم اللي تقولها لك امك
غيري نظرتك عن نفسك وثقي بنفسك وبقدراتك اللي منحها الله لك
القراءة المستمرة هي اللي تثقف الانسان

حبيبتي كلنا كنا زيك بس تعبنا ع ارواحنا والله الذي نفسي بيده يمكن اكثر من اربع سنين وانا جالسه اثقف نفسي مافي موقع مافي مدونه مافي مقاطع الا دخلتها وتعمقت فيها برغم كذا ماحصدتها هالتعب الا بعد اربع سنوات وكنت استعجل ع نفسي انا ليش ماتغيرت حتى وسائل التواصل ببي وواتس استغليتهم تعرفت ع صديقات دخلت قروبات نتناقش وكل شي مفيد تعرفت ع تاجرات مافي شي مادخلته وعرفت شي عنه والحمدالله بديت احصد ثمار هالتعب

اما تدرسين تكملين دراستك او تتوظفين او حتى تدخلين مدرسة تحفيظ
بحيث : تقدرين تثبتين وش انتي بالفعل من خلال شغلك
شغلنا يتكلم عنا ..
وايضا : تماشين لك بس شخص واحد ، عشان تقدرين تسيطرين على الحكي ويصير
عندك مساحة حرية اكبر تقولين الي بخاطرك

شوي شوي تصيرين قدرتي تتكلمين مع شخص وشخصين وثلاثة وهكذا

صحيح انتي فعلا تحتاجين علاج سلوكي بحيث تتغلبين على
مناطق ضعف الشخصية عندك .. لا تهملين هالموضوع اذا صار ميزانيتك تسمح
شوفي هذا رابط شخص يحكي عن تجربته مع العلاج النفسي

http://aldubayan.com/2011/04/shrink/


الله يسهل امورك يار ب ..

اشوفك شخص طبيعي جدا جدا

بس لانك قررتي الانطواء على نفسك ماشفتي غيرك

شوفي الناس مو زي بعض انتبهي لهالنقطة

كل شخص له عيوب وله مميزات

انت حاشره نفسك في ركن وتنتقدينه وتجيبين شواهد من بنات اقاربك وتقارنين علشان كذا تضخمت فكرتك واقتنعتي فيها

ترى كل الناس مثلك

بس الناس تستر عيوبها وتطورها


انا معلمة ومعي معلمات ولا شي ميح حتى في تخصصهم جاهلات بس ساترة على نفسها ماتعلم بعيوبها

واحده كانت تنجح البنات وتكذب ع الادارة انهم اجتازوا لانها كانت معلمة ماتعرف شي

وهذي قصه وهناك ملايين القصص

واللي فيها عيب خلقي وتشوه بجسدها بتخبيه تحت اللبس ماتظهره وتبين للناس انها كامله


كل كل كل اللي تحسينهم واو كذا حتى الممثلات والمشاهير والاغنياء كلن له عيوب مااحد كامل لاتنغرين بالمظاهر وبعضهم عندهم اكتئاب وامراض نفسيه وقدام الناس فرحانين وعادي

الزبده من هالكلام
انه مشكلك انك مضخمة عيوبك وتحسين انك شاذه وغريبه لاماانت شاذه ولا غريبه

وفيه ناس اغرب منك بس يطلعون للناس مايخلون العيوب تضيعهم وتمنعهم من الناس والحياه

حطي في راسك شغله اذا انت مركزه على شي تشوفينه واضح لكن اضمن لك مااحد ينتبه له بالدرجه اللي انت مبالغه فيها

حاولي تشيلين فكرة النقص من بالك لاتضيعن نفسك انتبهي عيشي حياتك قولي طز في اراء العالمين انا عيش بسعاده ماااضايق قلبي بفكرة سيئه اهم شي قلبك

هذي شغله


الشغله الثانيه اذا فيه شي ودك يتغير فعلا عندك النت ومواقع التنمية الذاتيه والاستشارات يردون ترى واقر واقري فيها وطوري شخصيك


اجلسي الحين جلسه مع ذاتك علشان ترتاحين نفسيا واكتبي مميزاتك وركزي عليها زي ماتعرفين سلياتك ومركز عليها

مثلا شعري جمي عيني كذا ذوقي كذا
اعرف اطبخ او اعرف كذا اكتي اش تعرفين من مواهبك

الناس اللي تحبك اش تحب فيك

اهم شي اعرفي نفسك لاتقولين مافيه مميزات هذا شي من سابع المستحيلات

اعرف واحده فاشله بكل معنى الكلمة لادراسة وسطحية بس تحس نفسسها واو والناس تحسها واو لانها خلت الناس يشوفونها كذا

عندك بعض الممثلاث والمغنيات سخيفات لا فكر ولاشخصيه بس الناس يحونهم لانهم يحبون انفسهم ويينون للناس انهم واو

اهم شي لاتركزين على عيوبك هالشي يدمر ثقتك بنفسك ركزي على كيف تكونين سعيده