تعبت من شغالتي ؟؟؟ الله يعين الي عنده اندنوسيه

السلام عليكم ورحمة الله وبركاتة ....

عندي شغالة لها عندي سنه اندنوسيه اول مره تشتغل طبعا اول ست شهور ماشاء الله ادب واحترام وكل شي ابيه تسويه وتكرف كرف وتقوم خمس الصبح ايام المدارس وفي الخميس والجمعه تقريبا ثمان او ثمان ونص واقوله اذا خلصتي شغل روحي نامي تقول مدام انا متعوده كذا اقوم بدري علشان انا م بدري ..
ورحت في الاجازه عند اهلي وطولت عندهم وشغالتهم شوي جريئه بس شغله روعه وشغالتي اختلطت مع كثير شغالات ويكفي بس شغالات العايله وطبعا كلهم جوالات واخر دلع ...

المشكله الحين انه ماتسمع الكلام ابد ابد
امس قمت والبيت زي ماهو اللهم غسلت دورة المياة وبدلت ملابسه وقعدت الشيخه ..
يوم قمت قلت ليش مامسحتي السيراميك قالت نظيف ...
اليوم المجلس ادخله الاوصخ اقول ليش ماكنستي تقول نظيف ... قلت مو انتي الي تحددين هو نظيف اولا
تمشي وطنشني
وتعاند وتسوي اشياء مااحد قاله عليه وماتشتغل الالازم انا اقوله نظفي امسحي الحوش لو يجلس كم يوم عادي لين انا اقوله روحي نظفيه وش الحل معه

غير طولت اللسان حدث ولاحرج ترد الكلمه بعشر ...
وتترك الشغل وتقراء قران... الكوي يجلس لليوم الثاني ...
واخذت القران وصارت الحين تنام وتخلي الشغل ...
تقوم الصبح وتنظف واذا جت الساعه 9 تنام ولاتقعد الاقبل مايجون عيالي من المدارس ..
وتقول ابي استراحه انا على طول اشتغل مايصير وهي طول العصر قاعده ماعنده شي انا الي اطبخ ...

اخر شي قلت بوديك المكتب قالت عادي قلت بخصم عليك قالت عادي خوذي الراتب كله
ويوم جيت وخصمت رفضت تستلمه تقول ليش تخصمين انا بسافر وطنشته وبعد كم يوم جات تتاسف وتقول خلاص انا بشتغل (طبعا انا موصحيح بخصم عليه واذا جت تسافر ارده له واكثر )
بس هذا اخر حل عندي واخاف اوديه المكتب وتجيني اكثر من اول ...
الحين اقول قومي خمس وقعديني تطنشني ولاتقوم الا معي واحيانا تروح علي نومه واقوم متاخره على مدارس العيال مع انه تنام مع عيالي ثمان اوتسع في الليل


صديقتي تقول تسوي هالاشياء بس علشان تستفزك وعلشان تبي الجوال وانا رفضت تقول كل شغالات العايله عندهم وانا زيهم شغاله ابي جوال ...(مع ان ماعنده لازوج ولاعيال ولاب ولام ) وتقول علشان اكلم الشغالات الي هنا



وش تنصحونني وش اسوي معه ...