عليكم السلام ورحمة الله وبركاته.
ماتدرين من تكلمين وماتدرين وين تروحين ؟!
وتقولين اللي يساعدني بدعيله وبكل وقت وبتحرى وقت استجابة الدعاء
طيب ادعي لنفسك وتوسل لله سبحانه يرزقك الرضاء والقبول
يفتح لك ابواب الرزق ادعي كل شي بخاطرك بشرط ( حسن الظن بالله )
انه القادر على كل شي سبحانه
حافظي ع صلاواتك بوقتها وبخشوع
اكثري من التسبيح والاستغفار مو عشان الفلوس لا
اصلاً اذا تعلقتي بالله سبحانه وامتلى قلبك بالله سبحانه
راح تحسين ان لك قيمه وان وقتك له قيمه وتحسين بسعاده نابعه من قلبك
انتي بالدنيا هذي موجوده لاختبار معين مو مخلوقه بس تاكلين وتشربين وتتزوجين وتتوظفين وبس حدك الدنيا وحدودها وبس
لا
انتي مخلوقه لهدف عظيم عبادة الله سبحانه وهالهدف يخليك تصيري
قويه وتشعرين ب ايامك ومعنى اوقاتك وقيمتك الحقيقيه
وانا اتكلم هذا الكلام لان كلامك كله تقولين وين اروح مين يساعدني
اذا القلب ارتوا بالقرآن تلاوه وترتيل وتدبر انعكست الراحه على الشكل
واصبح الرضاء هو عنوان حياتك واقبلتي للحياه واقبلت لك الحياه
تقولين شكلي شعري وجهي خشمي وووووو هذا خلق مو تشوه
عشان تغيري خلقة الله لك.
ارضي يرضيك الله سبحانه وهو القادر على كل شي
فيه اشخاص اشكالهم عاديه وسبحان الله منزل ربي لهم القبول
مشكلتك بشي واحد عدم الرضاء وعدم القناعه
بتقولين لو تشوفون شكلي. بقولك ان فيه اللي اصعب من حالك بملوين مره. وتأملي اللي مو قادر يبلع لقمه واذا اكلها لازم يسوون له
سحب والا يتعذب
وفيه اللي على سرير المرض من عشرين سنه
وفيه وفيه وفيه
وكوني ع يقين ان مافيه انسان كامله له الدنيا
يمكن تشوفين برامج التواصل وتقولين فيه ناس سعيده
جمال ومال وعيال ووووووو.
بس والله لابد من المنغصات.
الجنه هي المكان الوحيد اللي مافيه منغصات.
ساعدي نفسك واطلعي من هالدائره اللي حاطه نفسك فيها
وبعد شهر من الان راح تجين تبشرينا ان امورك كلها تغيرت
بإذن الله ثم من ( الرضاء )


اذا قصتك حقيقيه مو استعطاف الناس عشان المال


طبقي اللي قلت لك وراح تحسين الجنه بقلبك ولو ماتغيرت امورك
بتحسين بالرضاء التام وان هدفك عظيم

خلك يااختي اجابيه خلي عندك ثقه ويقين بالله
كل امورك ورزقك مقدر الى وقت معلوم
كل الاحساس واللي تحسين فيه كثير يحسون فيه
من قال اللي تطلع ولا تملك وظيفه وغيره مبسوطه
حتى لو ظاهرها غير
اعرف لك كذا وحده تشتكي موظفه تقول خوذوا فلوسي ووظيفتي بس عطوني العافيه
وثانيه تقول زوجي معيشني بهم وقلق
والي تقول اطلع واجي وقلبي مليان هموم ومشاكل
مو شرط يعني
ابعدي عن الشيطان ووساويسه
وربي يرزقك ويرزقنا كل اللي نتمنى

لا احسه تمرير لافكار ما تناسب مجتمعنا

برجع اكتب رد