تعبت من ضعف شخصيه زوجي ..

السلام عليكم ، بنات انا مره كتبت مشكلتي هنا ان زوجي ضعيف شخصيه واغلبكم اكلتوني بالتعليقات انه الحريم مايعجبهم العجب ، بس معذورين محد بيحس فيني غير اللي زوجها كذا مثله ، بس والله تعبت تخيلو محد من اهلي يحترمه ولما نجتمع مع اهله هم كمان يتريقو عليه عند سلفاتي ..
تجلس اخته تقارن فيه مع اخوانه وتطلعه بصوره شينه لدرجه مره قالت " تخيلو اذا جيت اصحيه يوديني السوق ارفسه ويقوم مايقولي شي " متصورررين اخته تقول كذا !! وهو يبنات مادري شلون يحترمني ويحبني لكن ماله هيبه مو شرط اذا قوي شخصيه يصير يضرب او لسانه بذيئ ، بس هو ماعنده غيره لو يشوفني اكاسر عامل او فالسوق اكلم البياعين مايقول شي .. حتى الاشيا فالبيت يبيني انا اسويها مثلا تركيب لمبات او شي مايعرف يناديني ..
ومايعرف يتكلم ، والله احيانا اتفشل اذا جلس مع ابوي يجلس ساكت وضامم يدينه كانه بنت ومايرد وبس ساكت ينرفزززززز ، حتى واحد من اخواني يقول عنه نفسيه ، وش اسوي يبنات كيف اغيره بدون ماجرحه ، والله معد صار يهمني ومعد صرت احسب له حساب .. ابي الطلاق اخر الحلول .
وبالنسبه للي تقول ليش وافقتي ، للاسف انا ملكت وفتره الملكه ماكان يجيني كثير من خجله الزايد ، وانا كنت افكره مشغول بالتجهيزات .. كانت امه تغصبه يجيني ، هو قالي هالكلام ..