تعبت من طبع زوجي

السلام عليكم
بنات صبري نفذ من زوجي طلع الشيب فراسي
هو الحمدلله طيب معاي ومايسبني ولايرفع ايده علي
بس مشكلته الجفاف العاطفي وهذي المشكله حاولت احلها باني اشغل نفسي باي شي ثاني عشان ماترك لعواطفي مجال انها تثار او اتحسف على حالي طبعا حاولت مع 
زوجي كثير بس هو طبعه كذا جاااف مره انا الي ابدا بكل شي ابدا بالضم والبوس والكلام الحلو واحاول امشي حالي واتاقلم عجفاف طبعه
المشكله الاهم وهي سبب كتابتي للموضوع انه مايحب يصرف علي
ياناس جنني من هالناحيه احسه يحب الفلوس اكثر مني
اول ايامنا كان يعطيني راتب 2000 ريال بعدها بدا كل شهر يماطلني فيه وفي شهور يتعذر بضروفه واسامحه اقوله يلا عطيني الشهر الي بعده
مشكله يجي الشهر الي بعد لازم انا اذكره وبالياالله بعد كم يوم ترجي ومحاولات وكلام حلو يعطيني المصروف بعد مايطلع روحي
زوجي الحمدلله وضيفته حلوه وراتبه فوق 25 الف بس ياربي مادري ليه يستكثر علي الفلوس
هالشهر طلع عيني مو راضي يعطيني المصروف قال خليها متى ماحتجتي عطيتك قلتله اوك
ومن شوي طلبت عشا من مطعم ولمن جا قلتله ينزل له يدفع الحساب قال ليش تطلبين وهذا عشاك مو عشاي هاتي فلوس من عندك
وقعدت احاول اقنعه واني ماخذت مصروف هالشهر بس مافي فايده بالاخير عطيته من عندي ورحت ابكي من القهر حتى العشا مالي نفس له من القهر 
وربي اكتب لكم وابكي من القهر ليش زوجي كذا ليش بخيل ياناس راتبه ممتاز وماعندي شغاله ولا اجيب شغالات بالساعه انا قايمه ببيتي وكل شي ونادر ماناكل برا دايم فالبيت يعني موفرين له وبقوه ومع ذلك يبخل ومايقدر
والي تقول انا السبب اني ماعودته يمكن صحيح بس وربي مليت من كثر الترجي والتحايل عليه لين متى يعني وانا اعصابي تتعب
اتحايل عليه عشان يعطيني فلوس للعياال اتحايل واترجاه عشان يطلب لنا عشا اتحايل عشان يوديني مطعم واذا اشترينا اغراض سوبرماركت وطلع الحساب 600 او 700 قلبها نكد وهواش
اشوف بعض الي حولي رواتب ازواجهم اقل وماشاءالله يطلعون للسوق ويتشرون وعلى قلوب رجالهم زي العسل وانقهر عحاالي
وربي طفشت ونفذ صبري وانا متحمله وضاغطه نفسي اش رايكم انتو كيف اتصرف معه هاالانسان
تنصحوني ادخل اهلي فالموضوع؟ مع اني ماحب ابد اقول لامي عن اي مشكله فحياتي مع زوجي بس خاطري يتعدل تعبت معاه