يابنات الحقو علي وربي ليل ونهار ابكي ومنهاره وحياتنا تتدهور ولا قادره اسوي شي
زوجي مجنني بطيبته الزايده مع الناس وهالشي مخليهم يستغلونه ابشع استغلال واحنا الضحيه
اول شي اخوة من سنتين قال له اكفلني باخذ قرض وانا عارضت بقوة وقال لي اذا مااوقف مع اخوي أوقف مع مين وبعدين اخوة سدد 6 شهور والباقي علي ظهر زوجي والي الحين وهو يسدد فيه وكل ماكلم اخوة يقول له متي ماصار عندي بعطيك وهذا حالنا ونقص راتبه 1250 لقرض اخوة
ومن 4 شهور ولد عمه قال له محتاج مبلغ وعطاه 10000 ريال والي اليوم يتهرب منه البلوه الأعظم اجارنا اخر هالشهر يعني باقي عليه 9 أيام وكان مبلغ الايجار عنده ومتوفر وجا واحد من أصحابه من شهر ونص وقال له متضرر ومسوي حادث ومحتاج ادفع للرجال واخذ من زوجي 8000 ريال ونقص ايجارنا وانا ماادري طبعا مع انه صاحبه قال له أسبوع وارجعهم لانه زوجتي بتطلع لي قرض وزوجي للأسف صدقه ولا رجع شي لا والقهر طلع مسافر مع زوجته تركيا وهو يدري انه زوجي متورط ومحتاج المبلغ
هذا غير السلفيات الي ماادري عنهم مره لاخوة ومره لولاد عمه ومره لاصحابه بالشغل
طبعا هو مو مقصر معانا ماديا بس خلاص الي متي بيضل كذا والله لو احسب الفلوس الي ضيعها علي الناس ومارجعوها كان بنينيا لنا قصر مو بيت
وتمر علينا شهور نحتاج مبلغ مثلا للعيال حق الروضه او شي خرب بالبيت ويكون ماعنده ومعتمد علي الناس يرجعون فلوسه والغالبيه مايرجع شي او يتاخرون
والقهر كل ماسلف احد ومارجع يجيني يهذر فوق راسي هذا مو رجال ومارجع الفلوس وانا محتاجهم طيب هم لهم الفلوس انا لي الصداع
والله كلمت ابوي افكر اترك له البيت كم يوم لين يتادب ويترك هالعاده والله لو واحد غيره كان عندنا بيت ملك وسياره جديده وعايشين ملوك بس وين وهو كل فلوسه رايحه علي السلفيات وأهله للأسف مستغلين هالشي بزياده حتي الي وضعهم افضل من زوجي يتسلفون منه وبعدين نسمع انهم مسافرين والله حاسه روحي بموت من القهر وش اسوي كيف اتصرف تكفون انصحوني مشوشه مره ومتوتره
لدرجه البارح يقول اذا مارجع الفلوس بيعي شوي من ذهبك وانا خانقته وقلت له لو تموت روح دور فلوسك الي ضيعتها مع انه ذهبي غالبه من عنده بس من القهر ماودي اساعده بشي ابيه يتادب لنا علي هالحال 8 سنين ولا تغير ولا يتوب ولا يفكر لو يجي واحد من الشارع سلفه صاير كانه بنك بس البنك يرجعون له وزوجي لا وش اسوي تكفوووووووووووووووووووون انصحوني بديت اجن

fatoomah123 @fatoomah123
كبيرة محررات
يلزم عليك تسجيل الدخول أولًا لكتابة تعليق.

لاتشيلين زوجي كان كذا بس اخف شوي من زوجك يفزع بلالف ومايطلب حقه يوم كبرت عايلتنا وجانى اول بيبي مسك يده شوي وعرف قيمة القرش
انتي سوي طريقه جديده انه ياحرام اخذو فلوسك وانت ساكت بس بشكل سوالف بيستحي من نفسه انا مقلت لزوجي كذا بس شافني حريصه تعلم وسلامتك
انتي سوي طريقه جديده انه ياحرام اخذو فلوسك وانت ساكت بس بشكل سوالف بيستحي من نفسه انا مقلت لزوجي كذا بس شافني حريصه تعلم وسلامتك


قوليله خلاص الى هنا وبس
قوليله ابيع ذهبي كله او ادري ان ضيقة الفلوس من شي ثاني او مامعك لانك كل مصاريفك علي
مو تصيررملطشه لهذا وهذا الين اخذو حتى ايجار بيتي وتقول بيعي ذهبك
لاتكون غبي لهدرجه والعالم تستغلك
.اللي موقد السفر لايسافر يسافر عل حسابك
لاتكفل احد الدنيا ماتنضمن وهذا اخوك عطاك ظهره ولاسدظ ماقال اخوي يسدظ من راتبه وعنده التزامات وغيره
احد بياسلف يقول مامعي
تراةالناس الحين ماهمها الا تفسها اذا هو مااهتم لنفسه الناس راح تاكله اكل
قوليله ابيع ذهبي كله او ادري ان ضيقة الفلوس من شي ثاني او مامعك لانك كل مصاريفك علي
مو تصيررملطشه لهذا وهذا الين اخذو حتى ايجار بيتي وتقول بيعي ذهبك
لاتكون غبي لهدرجه والعالم تستغلك
.اللي موقد السفر لايسافر يسافر عل حسابك
لاتكفل احد الدنيا ماتنضمن وهذا اخوك عطاك ظهره ولاسدظ ماقال اخوي يسدظ من راتبه وعنده التزامات وغيره
احد بياسلف يقول مامعي
تراةالناس الحين ماهمها الا تفسها اذا هو مااهتم لنفسه الناس راح تاكله اكل

انتي وعيالك اولى استغليه مثلهم
واجمعي حلاله اذا مولك لعياله ولنفسه
لا تتركين معاه ريال اجمعيها
باي وسيله خذيها منه بالحيله بالطيب بالقوه
هذا حلالك انتي وعيالك اولى فيه
واجمعي حلاله اذا مولك لعياله ولنفسه
لا تتركين معاه ريال اجمعيها
باي وسيله خذيها منه بالحيله بالطيب بالقوه
هذا حلالك انتي وعيالك اولى فيه
الصفحة الأخيرة
خليه يتأدب عشان المرة الثانية يحسب حسابكم
وكمان انت زيدي طلباتك ومشترياتك عوديه انه الاولوية لك قبل الناس