*السلطانه* @alsltanh_13
عضوة نشيطة
تعبت من ظلمهم لي
بسم الله الرحمن الرحيم الى الله الشكوى ومنه الفرج والرحمة اكتب هنا لمجرد الفضفضة يمكن القى فيكم من دعائها مستجاب ...زوجي رجل كاذب وظالم مااكتشفت هالشيء الا متاخر بعد سنة من الزواج وبعد ماجبت طفلي الاول ...صارت مشاكل كثيره وكل مرة يكذب ويوعدني انه يتعدل ويبطل يمد يده علي ويهينني قدام عياله (هو مطلق وعنده 4 عيال وعايشين معانا) كم ضربني قدامهم وقدام امه واخر مرة ضربني ووصلني للمستشفى ....سكتت وماكلمت اهلي لانو ماعندي عزوه ولاسند على كثر الرجال بعايلتي اب واخوان واعمام الا اني بلا عزوه وبلا سند ...ابوي اكثر شخص ظلمني اخذني من امي وانا بعمر 7 سنين وحرمني من شوفتها وكان يضربني على اتفه سبب وماكان مهتم فيني ولايدي عني لدرجة ان عمي اللي هو اخوه كان يتحرش فيني وصااارت كثير مشاكل لين قررت اهرب من البيت ..وهربت ورحت لامي وبالشرطة وبالقانون الظالم قدر ياخذني مرة ثانية ويقول اني جبت له وجبت للعايله العار بهروبي وماقصرو فيني انضربت منهم كلهم اعمامي وابوي وجدتي امهم اقسم بالله هذا اللي صار وبعدها ربطوني بسلاسل وحبسوني في غرفة جلست محبوسة حول 3 شهور اطلع للحمام وبس واكلي وشربي يجيبونه للغرفة كل هذا عشان كنت محتاجة امي وابغى اشوفها جاء رمضان ونفس الوضع وجاء العيد حتى ملابس زي الخلق مااشترولي غير الاهانات والكلام اللي اسمعه حسبي الله ونعم الوكيل بس حسبي الله ونعم الوكيل بعدها بكم سنه جاء خطبني زوجي وماكان عندي خيارات الا اني اوافق عليه واهرب من الجحيم اللي انا فيه او اني انتظر الى وقت غير معلوم ويمكن انتظر طول عمري لان ابوي مايخرجنا كثير ومعارفنا قليلين والمدرسة حرمني اكمل بعد المشكلة اللي صارت فوافقت على رجل اكبر مني ب22 سنه وكان عمره 45 وانا عمري 23 وعنده 4 عيال الكل عابوه يوم خطبني ابوي واخواني قالو مكرش ودب وشين وعنده 4 عيال اكبرهم بعمرك او اصغر منك بقليل قلت مو مشكله مايهم الشكل يمكن شين لكن اطباعه واخلاقه جميله وقلت رجل كبير اكيد ناضج وفاهم الحياه وبيعاملني بما يرضي الله وتزوجته اقسم بالله يابنات بليلة عرسي بعد الزفة وحده تعرف عماتي قالت لهم بنت اخوكم كيف وافقت على هذا وقبلت ووحدة من صديقاتي قالت لي يوم سلمت علي وانا ع الكوشة والله ماتستاهلين ترمين نفسك هالرمية قلت الشكل مايهم لاتحكمون عليه من شكله وبعد الزواج حملت من ثاني شهر كان يمثل علي ويتمدح كل هذا عشان اخدم عياله وانا كنت اخدمهم واقوم فيهم بطيب مع انه قبل الزواج قال لابوي مابي منها شي لعيالي هم كبار ويخدمون انفسهم بانفسهم ومعهم شغاله ..اخرتها هجت الشغاله من قلة ادبهم ووقاحتهم وانا صرت اقوم فيهم اكلهم وشربهم والتنظيف وراهم بس شفت الوضع ماينفع كبار مو صغار صرت اكلمهم واقولهم وصارو ينافخون قلتله خلاص يخدمون انفسهم والا بكيفهم انا مالي شغل فيهم صار يزعل ويتكلم علي ويقول اذا ماخدمتيهم لا تطلبين مني شي لا اوديك ولا اجيبك وتطور الموضوع صار يمد يده علي ويضربني ويهينني قدامهم ويربط الاشياء الواجبه عليه اللي اي زوج يسويها لزوجته بخدمتي لعياله تخيلو اقوله كبار المفروض يعتمدون على انفسهم يقول لا امهم مهي عندهم لازم اعوضهم وادلعهم مابيهم يتعقدون قلت له خلاص دلعهم بكيفك بس مو على حسابي اخدمهم انت انا يالله اشيل نفسي وعيالي ويعلم الله اني ماطلبتهم يخدموني او يسوون لي اي شي لا وربي اني كنت بس اقولهم اللي يوصخ شي ينظفه واللي يحط شي يشيله وهذا نظامي حتى مع عيالي مااحب الاتكاليه والدلع لازم الواحد يتعلم يعتمد على نفسه المهم صاااارت مشاكل كبييييرة بيني وبينه والى الان لازالت ورحت لاهلي ووعدني يحط لي بيت لحالي واستاجر لي شهرين واخرتها رجعني لعند عياله ويتعمد يهينني باي شكل قدامهم بالكلام وبالفعل وباي طريقة يقدر عليها والحين عندي ولد وبنت الولد عمره 4 سنين وعنده توحد وشقي وحركته زيادة عن اللزوم وتخيلو يابنات الولد مايفهم ومريض وعشان يقهرني ابوه كل شوي يضرب فيه ويخاصمه وانا قلبي متقطع عليه اخاف فوق التوحد يجيه حاله نفسية من قسوة ابوه مع انه عياله من زوجته الاولى كبار وبصحتهم وسليمين لكن مايتجرأ يمد يده عليهم وهذا اللي قاهرني حتى لو غلطوا حسبي الله عليه الله ينتقم منه فكرت اخذ عيالي واروح لبيت اهلي بس مثل ماقلت لكم ابوي يكرهني ويكره عيالي وماراح يعاملنا الا باسوء معامله ..وانا بتحمل لكن ماراح اتحمل يعامل عيالي كذا ع الاقل ابوهم يقسى عليهم بس مابيقصر في طلباتهم واحتياجاتهم والله تعبت واحس نفسي تحت ضغط فضييييع وهالشيء اخاف ياثر على عيالي
16
3K
يلزم عليك تسجيل الدخول أولًا لكتابة تعليق.
ميوووم
•
الله يفرج همك
مسلمة 💗
•
اوصيك اخيتي بقيام الليل والدعاء بالسجود لارحم الراحمين .. فهي سهام لاتخطئ ..
ينشرح صدرك ويزال همك ..كذلك اقرأي سورة البقره ..
اخذها بركه وتركها حسره ولاتستطيعها البطله..والاستغفار والذكر ..الابذكر الله تطمئن القلوب ..
الله يفرج همك وغمك
ينشرح صدرك ويزال همك ..كذلك اقرأي سورة البقره ..
اخذها بركه وتركها حسره ولاتستطيعها البطله..والاستغفار والذكر ..الابذكر الله تطمئن القلوب ..
الله يفرج همك وغمك
الصفحة الأخيرة