كوبونات الراقية تسجيل الدخول

*السلطانه*

تعبت من ظلمهم لي 2

الأسرة والمجتمع •

البارحه بالليل جلس زوجي يصارخ ويخاصم وضرب ولدي المريض الله ينتقم منه وجلس يتكلم علي ويقول انقلعي بيت ابوك وانا ماعاد ابيك قلتله ماني طالعة الا بورقة طلاقي وبعيالي قال عيالي منتي ماخذتهم وماني مطلقك قلتله اجل ماني طالعة من البيت قال اذا تبين الطلاق تنازلي عن المؤخر اللي هو 25 الف ورجعي المهر اللي دفعته 30 الف قلتله انا مابي الطلاق مو عشان سواد عيونك انا جالسة عشان عيالي وبس قال اجل والله لااكرهك في عيشتك لين تطلبينه قلت له سوي اللي تبي قال خلاص مافي مدرسة مع انها مشروطة عليه في عقد الزواج ولاعاد تقولين وديني والا جيب لي اي شي ماني ملزوم فيك قلت له خلاص ولايهمك اهم شي تقوم بعيالك وتوديهم وتجيبهم وقبلها بكم يوم قال لي لا عاد تلمسين اغراضي وملابسي ولا تغسلينها والاكل مابيك تطبخين لي قلت له طيب ومانعني اطلع مع اي احد او اقضي اغراضي كله عشان يكرهني بعيشتي واطلب الطلاق وياخذ فلوس.....الظاهر يبي يتزوج له كم يوم يجلس ع الواتس لانصاص الليالي وماينام....حسبي الله ونعم الوكيل اسودت الدنيا بوجههي ماني عارفة كيف اسوي ...ابوي اظلم منه ولا يختلف عنه وفوق هذا مايحب عيالي ومعاملته لنا سيئه جدا .....مااقدر اروح له ....والحقير اللي عندي قلت له تبي تتزوج تزوج ماعندي مشكله اهم شي اني اكون مع عيالي قال لا مابفتح بيتين ابدااا ...قلت ولدي تعبان وماراح اتركه لك قال بجيب له مربية متخصصه تقابله قلت له لا مااضمن احد على ولدي انت ابوه عارف انه مريض ولا رحمته تعصب وتضربه واخوانه عيال زوجته الاولى نفس الشي قلتله اذا انتو كذا كيف الناس بيتحملونه محد بيتحمله الا انا ....جلس يتكلم ويهدد ويقول لاتطولينها على نفسك اخرتك بتطلبين الطلاق او بخليك مجنونه من اللي بسويه فيك والله لي كم يوم ماني قادره اكل وانام ودموعي على خدي ونفسيتي مرة زفت ماهمتني نفسي وربي متعودة ع العذاب والمعاملة السيئه من زمان من ابوي واهله لكن محترة على عيالي مابيهم يتعذبون او ينظلمون صارت تجيني افكار سوداء واتعوذ من ابليس واقول اصبري يمكن يتعدل الوضع احيانا افكر انتحر بحبوب واعطي عيالي منها ونموت كلنا ونرتاح من هالظلم اللي عايشينه ....تعبت نفسياااااا لااب لازوج لا اهل مالي سند ولاعزوة ولا حتى قانون منصف الجأ له انا وعيالي مدري وش اسوي .....ابي دعواتكم لي والله يلهمني الصبر ويعوضني خير في حياتي وشبابي اللي قاعد يضيع مني عمري 27 سنه لكن قلبي قلب وحدة عمرها 100 سنه انتظر اموت وارتاح وبس لانه مافي حلول لمشاكلي افتكيت من ابوي واهله وطحت بزوج اظلم منه ماشفت حسبي الله وكفى
12
2K

يلزم عليك تسجيل الدخول أولًا لكتابة تعليق.

تسجيل دخول

شتآت انثى
شتآت انثى •
الله يفرج همك
في القلب دكراهم
في القلب دكراهم •
الله يفرج همك طيب ليه يصارخ ويسب وقال اطلعي لبيت اهلك ؟ حاولت اعرف وضعك قبل بس ملفك مقفل
ام سسلطان
ام سسلطان •
الله يفرج همك عاجل غير اجل
ياختي تجنبيه وامسكي بيتك واهتمي بعيالك ولاتجادلينه كثير هو يبي يطلق ويبي ياخذ اللي دفعه عشان كذا يطفشك انت لاتتصادمين معه بأي شي واتركيه عنك
وتعوذي من ابليس وادحري الشيطان مايجوز فكرة الانتحار وتقتلين عيالك بيدك
فاهمه عليك ان احيانا الانسان يوصل مراحل اليأس يفكر ينتحر بس لاتخسرين دنيتك واخرتك عشان ظالم زي هذا امسكي سجادتك وادعي ربك واستغفري غير يفرجها عليك رب العالمين رحمة بالصغار اللي عندك
في القلب دكراهم
في القلب دكراهم •
ارسلي له مقال اختصريه قد ما تقدرين عن التوحد بس اهم شي يكون واضح فيه وضعه وقولي لزوجك ترى والله ما اقصد اني اعاندك يوم أقولك ما راح اهتم بالعيال لكني تعبانه من اهتمامي بعيالي منك فكيف عاد لو اهتميت بالباقين وهم كبار بِسْم الله عليهم الله يصلحهم ويخليهم لك ويقدرون يعتمدون على أنفسهم لكن انا اخاف الله فيهم تراي والدليل اني ما اذيتهم بس تبين احاول أتقرب منهم اكثر عشان اعوضهم عن حنان الام بحاول بس جيب لي خدامه تساعد
في القلب دكراهم
في القلب دكراهم •
وَيَا ليت تكلمهم بخصوص ألفاظهم عشان ما تهرب الخدامه زي الي قبلها