مرحبا امهات
شحالكن ***** الله مرتاحات
اول شي بعرفكم عولدي
عمره 3 سنين وكم شهر , وعايش فبيت كله بنات غير بيوت اعمامه ماشاء الله في اولاد بس كبار وفيمن عمره واصغر منه بس نادر مايتلاقون وكلهم يقوووولون عنه متملك ويحاول يبرز شخصيته بين البنات فديته مسكين الله يشفيه عنده الربو .
الحين لمشكلته
ولدي الله يحفظه ويهديه وااااااااااااااااااااااااايد عنيد ومتملك بشكل فضيع
كل شي يباه حقه حتى العاب البنات ياخذهم بس يعااااند ويمل ويرجعهم
وطبعا انا وابوووه ابد مانتحمل وخصوصا يوم ييلس يضرب فبنات عمه وخواته
وعاااااد ابوووه من النوع العصبي يعني اذا عصب مايحس على عمره يتم يصراخ عليه وولدي يرد عليه الين مايحلف اووه ان اذا ماسكت بيضربه عاااد هو يخاااف ويتم فمكانه زعلان واذا راااح ابوووه يرد حرته فيني انا احاااااول امسك عمري قد ماقدر وفجاءه انفجر واعصب عليه ويتم هووو يصاااارخ ويضرب , وفي واااايد شغلات
يعني مثلا بعد مره كانت اخته تاكل كرميلا واخذ عنها الملعقه ابووه عصب بس انا قلت له هدي بيشووف ماحد عبره وبيحطها وعطيت اخته ملعقه غيرها عاد هو تم يضربني بالملعقه وتم العب وياه ابى انسيه الملعقه وفنفس الوقت مابا ابووه يعصب وعقب فرها وراح يلعب ..
وقت العصر ماعرف هو شو سوا لابوووه وراح ابوه عصب علي قالي انتي تدلعين الولد الملعقه مالت اخته مفروووض مايشلها تعودينه عالدلع
انا قلت الولد ماينفع معاه العناد مايصير هو يعاند ونحن نعاند قام قالي لازم يتعلم ان مب كل شي ياخذه
معني والله ما اخليه ياخذ اي شي مب ماله بس هووو عنيد يتم يصيح ويصارخ ويضرب بنات عمه عشان ياخذه فقلت لازم اسايسه عساس ينسى هالشي ويخليه
حبيباتي هذي مشكلتي مع عناد ولدي بليز انصحوووني قولو لي كلام ابوه صح اعامله بالعناد والا بالين وهل معاملتي صحيحه وترا ولدي واااااااااااااااايد متعلق فامي وعمته لانهم مايعصبووون عليه وبالهم طوووويل وياااه
يلزم عليك تسجيل الدخول أولًا لكتابة تعليق.
حبيبتي.......الله يعينك... ويهدي ولدك يارب....... توجد دورة تدريبيه في المنتدى مع المدربة سوفت كوين......روحي لقسم الدورات التدريبيه........مرة حلوة..... والمدربة متخصصة لهذي المواضيييييع. اسألييييها.....
هذا اللي اقدر افيدك فية
هذا اللي اقدر افيدك فية
حبيبتي لاتدلعيه خليك صارمه معه اذا اذى احد اجبريه يعتذر اذا غلط عاقبيه احرميه من حاجه يحبها اذا ماحترمك او ماحترم ابوه جلسيه في كرسي العقاب بما انه عمره 3سنوات فخليه يجلس 3دقائق يعني حسب عمره شوفي ولدي عمره2سنتين وماشي معي حلاوه وقت المرح مرح وقت الحزم حزم
الصفحة الأخيرة
انا ولدي الحفيد الاول
و عنييييييييد ولا قلت كلمه سوة عكسها
الضرب ما يفيد بالعنيد حرام فيه
مالنا الا الصبر و الدعااااااااااء بجوف الليل
تجي ايام ابكي من الضغط النفسي منه
و اكتم في نفسي ماابي اعبره بحركاته او عنااااااااااااده
مالنا الا الدعاء ربي يحفظهم ويعطيهم الصحه لو يمرضون اسبوع انهبلنا وبين رقيه و دكتور ياكبر غلى الضنا
ربي لا يبين غلاهم
وجزى الوالدين على الله
والجنه تحت اقدام الامهات مو بالساااهل الجنه