بقولج شئ يا أخيتي العزيزة ( قلبو أنا )أنا ما راح أحجي من راسي ، بس أقولك يا عمري كلام الرسول صلى الله عليه وسلم ، تدرين وش قال هالرجل العظيم اللي بس لو ننظف عقولنا من آرائنا الغبية وندش بدالها حجيه وحديثه هالإنسان الرررائع بأبي هو و أمي و اولادي وحبايبي و قرايبي ..كان تطلع حياتنا
أروع و أسعد حياة ..
المهم عيوني يقول هالمفكر العظيم ، الذي لا ينطق عن الهوى إن هو إلاّ وحي يوحى .."لا يفرك مؤمن مؤمنة إن كره فيها خلقا رضي بآخر" ، شوفي حبيبتي معنى هالحديث ، إنه أي إنسان بهالدنيا يملك مميزات ويملك سلبيات ، و أولهم أنا ، لكن الإنسان يحاول و يجتهد يصير أحسن من اليوم اللي قبله و هكذا ...و أنت جيبي قلم ودفتر و حاولي تعملي مقارنة بين سلبيات زوجج و إيجابياته و الجئي إلى العقل لا إلى التصورات الشخصية..
أنا يا أخيتي فاهمة عليج لأني تقريبا مثل حالتج ، بس مو من الناحية المادية بل من ناحية هي في نظري أشد لأنها فكرية عقلية ، يعني انا مثقفة طموووووووحة ، إنسانة أعيش في أحلام و أراها بفضل ربي ثم بجهدي كل يوم و الثاني تتحقق ، ويوم خطبني رجلي استخرت ربي و تزوجته ، والله الرجال لا هو ثقافة ومامعة إلا الثانوي بس معه دبلوم حاسب ، ومنغلق فكريا ، هذا الرجل حاصر فكري و خلاني أترك كل صديقاتي ، و أنا عيوني بغت تبيض من كثر البكا و الصياح ، بس في قرارة نفسي أحبه ولا يمكن أتركه عشان ثقافة وصديقات ، وحاولت إني أبدأ حياة جديدة معه ، وقلت له فديتك من كل قلبي ، وهذا هو والله ثم والله قاعد يتغير تغير جذري ، الرجال كمل دراسته وشق طريقه ، ويشجعني أكمل دراسات عليا ..الحمد لله ، فديته عن صديقاتي ، يعني الله أكبر وش بينفعوني هالصديقات ، والحمد لله يا رب..
أنت يا أخيتي فكري بعقل ، أنت تحبينه و إلا لا، هذا هو المحك الحقيقي مع أني أحس إنك تحبينه ما أدري ليش ، بعدين تقدرين بثقتك بنفسك و بزوجج إنج تخلين كل عماتج وخالاتج ينظرون لج باحترام و اكبار ..بس إحنا اللي جايبين الغلابة لنا ..البسي زي ما يريد ربج و اكشخي و تعلمي و تثقفي وحبي زوجج تصيرين أحلى وحده بهالدنيا......

الله يعييينج ياحبيبتي والله,,,,,انا حالي من حالج,,,,بس الفرق كبييييييييير,,,,يعني اهلي مقتدرين يعني رواتبهم فوق العشره,,,اما زوجي راتبه 2000 درهم,,,تخيلي شو بتكفي..؟؟؟؟بس والله عايشه براحه كفايه انه يحبني ومب مقصر وياي بشي,,,,يمكن في اشيا احتاجها ومب قادره اطلبها,,,لكن اقول في خاطري يكفيني حبه لي,,,,,وصدقيني انسى كل شي....بس موضوع بطاقه احوال انا مااعرفها لكن اذا كان هي بطاقه الهويه فبسالكم سؤال ليش حرام؟؟؟؟نحن عندنا اول ماتتزوج الوحده لازم يكون عندها بطاقه هويه تثبت انها حرمه هالانسان.....يعني لو رحنا فندق لازم يطلبون اثبات.....بصراحه والله عندكم اشيا غريبه عجيبه,,,,وبالنسبه للعبايه الي للكتف ليش حرام؟؟؟؟هل الوحده الي تلبسها مفصخه؟؟؟؟يعني شي غريب عجييب,,,,في ناس تبالغ بالتحريم والله,,,هي حرام بحاله وحده بس اذا الوحده تلبسها وهي مخصره وكاشفه عورتها فيها,,,

اما بالنسبه للسفرات,,,انا كنت عند اهلي اسافر ...ومن تزوجت سافرت مره وحده والحمدلله تكفيني هالمره,,,,رحت لسوريا ولبنان والاردن,,,,,

صدقيني مب كل شي بالحياه هي الفلوس ياما ناس مكنووزه بالفلوس وعايشه بتعاسه,,,,انا في بدايه زواجي كنت اتضايق بس تاقلمت,,,,قبل كل يوم اقول لزوجي طلقني,,,,انا مليت....يقولي اصبري وان شاء الله ربي بيرزقنا,,,والحمدلله ان ماصار الطلاق,,,,,,,لانه حبي وعمري,,,,ومستحيل اكون لغيره,,,يكفي الحنان والطيبه,,,,,اذا كان زوجج حنون وياج ومب مقصر لاتفكرين بالطلاق....صدقيني الطلاق عمره ماكان حل,,,,,

لعل الله قد اختصك بخير وبطاقة الاحوال لو كاكنتي مضطرة لها انصحك تشيليها من راسك ..

اما عباءة الكتف فانصحك تشوفين آراء مشائخنا فيها ......

وكثييييييييير نعرفهم شخصيا بنات عز ودلع ومشوا من الحمايل اكثر من اللي من مستواهم لانها جاية وعينها مليانة وما تهمها التوافه .......مو زي الل تدخل على الزوج وهي تبي الفكة!!!!!

استخيري واسألي الله ان يكتب لك اللي فيه الخير واجعلي نواياك خاصة لوجه الله وتصب في رضاه ولن يضيعك ابدا.......

اهم شي انتي تحبينه ؟ تبينه ؟ عمره جرحك ؟ عمره تكلم على أهلك ؟
يرجع آخر الليل سكران ؟ يطلع مع أصحابه ولا يهتم فيك ؟ مقصر بحقوقك ؟
فكري مليون مرة قبل تقررين قرار يمكن تندمين عليه واستخيري
إذا كان زوجك طيب ويحبك ويشوفك كل شي بالدنيا وحاطك بعيونه ما يهم أي شي ثاني
وإذا تطلقتي ما راح يجيك نصيب زي اللي في بالك ..
صدقيني الشكليات والماديات مالها قيمة جنب اللي أقوله لك ..

حبيبتى الله يهديك
رددى فى سجودك دائما الهم لا تجعل الدنيا اكبر همنا ولا مبلغ علمنا لعل الله ان يستجيب لك وحينها ستغيرين كل كلامك هذا وستكونين اسعد انسانة
اما بالنسبة للبطاقة انا اتوقع انه رافض عشان الصورة الشخصية يعنى ما يبغى رجال يشوف صورتك اكيد هذا هو السبب
بالنسبة للعباية انا مانى مفتية والعلماء الاكفاء الثقة اللله يجزاهم خير افتوى فى ذلك ويمكن انك ترجعين لفتوى بن عثيمين رحمه الله فى ذلك
الله يوفقك يارب