مضــــــاوي :

لا يمكنك مشاهدة هذا التعليق لانتهاكه شروط الاستخدام.

namire_ra :

لا يمكنك مشاهدة هذا التعليق لانتهاكه شروط الاستخدام.

wt ever :

بصراحه ما قريت الردود كلها ... و برجع اقراهم ثاني الموضوع مهم ... بس من حرقة قلبي عليك ما قدرت اصبر بالرد ... خليني من اولها اعطيج امثله و الله شاهد انهم بنات صديقاتي و معارفي ... ما جبت كلام من عندي .. اعرف خوات ... والله إن كلمة باربي ما توفي جمالهن و اجسامهن .. كاملات و الكامل وجهه .. و الاصل و الفصل .. يكفي أقولك إنهم قرابة أرقى طبقة شيوخ عندنا و ما أقدر أفصل عشان ما ادش في مشاكل ^_^" ... و يتيمات من صغرهن يعني كلمة دلوعات أبوهن ما توفيهن الاب ما رضى يتزوج عشانهن .. الاولى تزوجت و عمرها 17 .. تتخيلين ؟؟؟ و اهل زوجها نفس وصف أهل زوجك بالضبط ... طبعا كل من يشوفهن يقول متكبرات شايفات روحهن مو حريم ... لانهن دوم بكامل اناقتهن و رشاقتهن .. بس قولي هذي الي تزوجت 17 .. طلع عندها 3 عيال .. و تدرس بنفس الوقت .. و تطبخ و تنفخ لزوجها !!! و عايشه بالرغم من انه طاف على زواجها فوق العشر سنين .. عايشه ببيت أهل زوجها .. الي يتشاركون فيه مع اخوانه و زوجاتهم .. عايله كبيره.. احيان افهم من كلامها انهم قراوه .. اهي وعيالها ما يلبسون الا الماركات ما قط شفتها بالجامعه الا مطقمه لوي فيتون .. ديور .. الخ .. ونسيباتها ما غير يعلقن عليها .. مالهم بهالامور تسنع عيالها و بيتها و ما غير انتقادات ... لكن تتوقعين انها قط قالت قدامنا شي تنتقدهم والله ما اسمع منها الا مدح او كلام ما يجرحهم ... بس لاني انا صديقتها لزم فاضت بها مره و قالت ولا ما كان حد يتوقع ابدددد الي هي عايشه فيه... بتقولين يمكن لان زوجها تارك لها الحبل على الغارب ... بقولك ايه بس مو مثل ما انتي فاهمه ... زوجها يحترمها و يقدرها و حاطها بعيونه .. لانها اهي من بدى بالاحترام و المحبه ... تخليني لدرجة إننا صديقاتها ما نحب نكلمها بالموبايل .. لانها اذا دش زوجها عليها صكت الفون بوجهنا و فزت له ... عندها خدامه بس تطبخ له و تجهز له كل شي ... مثل ما تلبس الماركات و تسنع .. تروح لمحلات اكسسوارات و غيره فيها توفير في اللبس و غيره .. عشان توفر عليه ( اظن الماركات هذي من مالها الخاص ) ... و لو اوصف ما اوفيها حقها ... ارجعي لاول ردي و اقري مواصفاتها و قولي لي بالله تتوقعين هالانسانه مضطره تكون لزوجها كذا ؟؟؟ مع انها لو تطلق اضمن لك يجيها مليون واحد غيره اغنى و ارقى ... لكنها حبته و حطته بعيونها لين والله صاروا الناس يحسدونها عليه و يحسدونه عليها ... عيالها دوم مرضى بالعين من جمالهم و سنعهم .. أختها هذي والله سميتها براتز قيرل اخر مره شفتها جمالها خرافي .. و ما انصب و اقول خذت واحد قراوه بالعكس ولد عز .. و مواصفاته حلوه و دارس بالخارج ... الخ المواصفات الي انتي تطمحين لها .. لكن تعالي شوفي تعامله .. زي تعامل زوجك ... كابت عليها و يغار عليها كثير ... لدرجة وصلت معاه يغار عليها من عيالها ... و قولي يومه ولد عز تدلعت و تريفلت !!!! لا والله مثل اختها ... تجي الجامعه بشنطه قيمتها 24 الف و ترجع بيت زوجها تطبخ و تراعي عيالها و تسوي تمارين تذبح روحها و تحرم روحها الاكل عشان تنزل الكيلو اول ما يزيد ... و نفس الشي ببيت اهل زوجها ... و مستحيل تقول كلمه شينه باهله بالعكس تمدحهم و تمدح امه و حاطتها فوق راسها و تعاملها كامها ... ادري طولت بالوصف ,... بس ابيك تشوفين شلون الوحده ما تشوف روحها على زوجها لو من ما كانت ... زوجك هذا الي مش جايزين لك اهله .. اضمن لك مليون بالميه .. انك لا تطلقتي ما رح يكمل شهر الا متزوج وحده تكون مثلك اذا مو احسن ... صديقتي سعوديه تقولي زوجها شهد طلاق خويه من مرته و هي لسه بنوته صغيره و اقعد ساعه اسب فيه و اقول حطم مستقبلها و و و .. قالت انا قلت مثل كلامك بس طلع ان البنت بنت عز ما جازوا لها اهله و الحياه عنده تبي نفس الدلال الي عاشته عند اهلها و هي صغيره الظاهر امها لعبت بحسبتها ما فكرت ببنتها و بكره من رح يتقدم لها و بيوت الناس مليانه بنات ... و يوم يطلقها كان خلص خاطب و مجهز العرس بعد الطلاق بشهر .... بالله من الخسران في هالوضع ؟؟؟ الزوج الي قبل لا يطلق حتى كان خاطب و مضبط اموره ولا البنت الي تطلقت و ضاع مستقبلها و هي ما بعد طقت العشرين ؟؟؟ الرجال ما يعيبه ولا حتى جيبه مثل ما كانوا يقولون ... ما فيه غير الصلاه و الصيام .. دامه مصلي و صايم اقبضي فيه بيدينك و رجولك ... لان هالزمن اعرفي كل الرجاجيل عيونهم زايغه و عارفين و فاهمين كل شي ... قبل لا يتزوج و هو خلص شبعان من الدنيا .. و البنات ماليات البيوت مستحيل ترفضه وحده والله لو مطلق حتى ثلاث مرات مو مره ... فلا تضيعين مستقبلك يا قلبو انتي .. و راعيه و عامليه بالحسنى عشان يصير مثل ما قالت الاخت مثل الخاتم بيدك ... دايمن الرجال باول سنتين يكون متملك و كله عيب و غلط .. و هذي علامه زينه معناته تهمينه و يبي يتملكك ... تحذري تستمرين بمعاملتك هذي لانك بس رح تضرين نفسك ما رح تضرينه اهو ... و سامحيني اذا ضايقتك بكلامي بس والله من حرصي عليك ... وسعي قلبك و فكرك و اعرفي إن الدنيا مو مستاهله تقدمين الفرفشه على حياه كلها ود و موده و عيال يملون لك حياتك فرح .. فكري بعد عشر و عشرين سنه قدام ... تكونين شفتي الدنيا كلها و لبستي احسن لبس .. بس بدون زوج و حياه ... او تحضرين عرس عيالك و تنامين بحضن زوج مخلص ؟؟

بصراحه ما قريت الردود كلها ... و برجع اقراهم ثاني الموضوع مهم ... بس من حرقة قلبي عليك ما قدرت...