تعبت من كتر التفكييير

السلام عليكم..

أنا يا جماعة كتير مخنوقة ومتضايقة.. والله لحالو بعلم بالهم اللي أنا فيه.. :44:

أنا ما بدي غير وحدة فهمانة تريحني بكلامها وتنصحني وتحكيلي شو لازم اعمل.. وتطول بالها علي لاني بعرف أفكاري مش مرتبة وما بعرف اشرح وضعي بل كتابة مشان هيك حاسة موضوعي طويل اسفة كتير كتير ..

قبل فترة نزلت مشكلتي..

http://forum.hawaaworld.com/showthread.php?t=4074442

ونصحوني الصبايا الله يجزاهم كل الخير.. بس الوضع زاد.. وأنا بطلت أقدر أتحمل!
أنا طول عمري من وأنا صغيرة الكل بضرب فيي المثل في الأدب والأخلاق والعلم.. وهلأ ييجي واحد أزعر يخبص عني حكي وينشر كدب.. الله لا يسامحو ولا يوفقو لا دنيا ولا آخرة ما صدق.. صرت كل ما أمشي بل كلية أحس الكل عم بطلع علي والناس بتتوشوش... متأكدة إنو بخبص حكي عني.. وبشوه بسمعتي.. خلى الصالح والطالح يطلعوا علي أبصر كيف.. بعد ما كنت أحس بالكل محترمني.. بحاول اتجاهل هاي النظرات بس من جوا قلبي بيتقطع.. لانو الله لحالو بيعرف انا شو من جوا :(

بهديك الأيام في حدا باعتلي عل فيس بوك طلب صداقة من صفحة معمولة قبل 3 ساعات وما فيها ولا اصدقاء وكلها صور بنات مش منيحة... بسرعة عملت لهاي الصفحة حظر.. ليش تنبعتلي.. لهل درجة مفكريني مش منيحة؟! حسبي الله ونعم الوكيل.. والله بتنبل مخدتي من دموعي في الليل وأنا بتحسب عليه.. وبدعي عليه بسجودي كمان.. ما بخاف الله....

أنا من النوع الهادي ومو متعودة عل مشاكل ابدا واول مرة بتعرض لهيك موقف.. بالكلية عدد صاحباتي محدود على قدي يعني.. وما بختلط مع كل البنات خصوصي اللي بحكوا مع الشباب.. فما بسمع القيل والقال ولا بشارك فيه.. ولا بحكي مع الشباب في الدفعة.. فما بعرف شو بينحكى من وراي.. ولا بقدر اسأل حدا من البنات اللي مصاحبين هدول الشباب رح انفهم غلط..

أنا لما قلت لأختي هل حكي صارت تحكيلي انتي حساسة وبتتوهمي أكيد.. انت عارفة حالك واحنا عارفينك فلا تهتمي اللي ما بعرفك وبسمعك بفكرك أبصر شو عاملة.. وبتاخد الأمر بسخافة بتفكر اني ببالغ.. وما سمعتني للأخير الا لما شافت دموعي.. ما حدا حاسس فيي ولا بقدر افضفض لحدا حاسة حالي وحيدة.. وانا بدرس بمكان غير عن مكان سكن أهلي.. وهمي أكيد عارفين فبستقووا عليي لانو عارفين ما حدا من اهلي معي.. وانا خجولة من الشباب فبجوز ببين علي هاد الاشي وهمي بستغلوه كيف اكون قوية وما اخجل منهم بهل طريقة (بعرف الفرق بين الخجل والحيا انا بدي الحيا وبدي اتخلص من الخجل ) ؟؟

صرت اكره الكلية.. انا كرامتي بتهمني.. صرت اربط كل نظرة وتصرف من دفعتي بهداك الموضوع.. وخايفة لو استمر بتشويه سمعتي يتركوني صحباتي واظل لحالي.. وضميري بأنبني تجاه أهلي خصوصي بابا مشان هاي السمعة اللي يشهد علي ربي انها مو صحيحية.. طول عمري رافعة راسهم وهلا هاد الشب اللي ما بخاف الله جرحلي قلبي وشوه سمعتي.. تعبت ومش عارفة ادرس لامتحاناتي مشان الله شو اعمل؟ بدي نصيحة :(

بتأسف كمان مرة عل اطالة والعجقة...